<p>18 მარტს საქართველოს ფუტსალის ნაკრებმა რუმინეთის ქალაქ კელერაშში ევრო 2016-ის ელიტრაუნდის პირველი მატჩი ჩაატარა <br> 18 მარტს საქართველოს ფუტსალის ნაკრებმა რუმინეთის ქალაქ კელერაშში ევრო 2016-ის ელიტრაუნდის პირველი მატჩი ჩაატარა პორტუგალიასთან და დიდი ანგარიშით დამარცხდა.</p><p>ელიტრაუნდზე საქართველოს ნაკრების უფროსმა მწვრთნელმა <strong>ალიკ სარქისიანმა</strong> ორი მეკარე წაიყვანა - <strong>დავით კეფაშვილი</strong> და <strong>თორნიკე ბუკია</strong>, მაგრამ 18 მარტს ეს უკანასკნელი განაცხადშიც არ ყოფილა და კეფაშვილს ტრავმა რომ მიეღო, შემცვლელი არ ჰყავდა. არადა, ბუკია მთავარი კიპერია. საქმე ისაა, რომ შესარჩევი ეტაპის ბოლო შეხვედრაში, ლიტვასთან, მან წითელი ბარათი მიიღო და ელიტრაუნდის პირველ მატჩს ტოვებდა. 19 მარტს კი საქართველოს მასპინძელ რუმინეთთან დაეხმარება.</p><p>შედეგიდან გასაგებია, რომ პორტუგალიელებს სრული უპირატესობა ჰქონდათ. ჩვენებმა მეტოქეს სათანადო წინააღმდეგობა მხოლოდ საწყის 10 წუთში გაუწიეს, თავად კი სულ რამდენიმე საგოლე მომენტი ჰქონდათ - პირველ ტაიმში მეტოქის კარს სახიფათოდ მხოლოდ გიორგი ნიშნიანიძე დაემუქრა, ხოლო მეორე ნახევარში რეალური მომენტები გაატანეს ქარს რონიმ, დავით ბობოხიძემ, არჩილ სებისკვერაძემ, შოთა ჭანუყვაძემ და ორჯერ ზურაბ ლუკავამ.</p><p>მშვენივრად თამაშობდა პორტუგალიელთა მეკარე ტიაგუ. უეფას ვებგვერდის ტექსტური რეპორტაჟიდან ჩანს, რომ ბურთი სულ ჩვენს კართან ტრიალებდა - წარმოიდგინეთ, მეკარე კეფაშვილმა, რომლის კარში 7 გოლი გავიდა, 18(?!) "სეივი" განახორციელა.</p><p>ერთი საინტერესო დეტალიც - უეფას ვებგვერდმა საქართველოს ნაკრების მთავარ მწვრთნელად ჩვენი ყოფილი კოლეგა არსენ (მამუკა) კვანტალიანი გამოაცხადა, თუმცა ეს შეცდომაა - სარქისიანი არავის გაუთავისუფლებია.</p><p>ცხადია, პორტუგალიამ მტკივნეული დარტყმა მოგვაყენა, მაგრამ ეს არ ნიშნავს, რომ ევროპის ჩემპიონატზე მოხვედრის თეორიული შანსი გადაგვეწურა: ფინალურ ეტაპზე (რომელსაც 2016 წელს სერბეთი უმასპინძლებს) პირდაპირ მხოლოდ ჯგუფის გამარჯვებული მოხვდება, მეორეადგილოსნებისთვის კი გაიმართება პლეი ოფი, სადაც ჯგუფებში საუკეთესო შედეგის მქონე ერთი მესამეადგილოსანიც მოხვდება.</p><p>ასე რომ, შანსი კიდევ არის, თუკი დღეს მასპინძელ რუმინეთს მოვუგებთ, მაგრამ ეს ძნელი ამოცანა იქნება - გუშინვე რუმინელებმა ყაზახეთის ძლიერ ნაკრებს 6:4 სძლიეს.</p><p><em><strong>პორტუგალია-საქართველო 7:0</p><p></strong></em>1:0 კარდინალი (10), 2:0 ბრუნო კოელიუ (16), რიკარდინიო 3:0 (18), რიკარდინიო 4:0 (20), ჯო 5:0 (20), 6:0 პედრუ კარი (35), 7:0 პაულინიო (40)</p><p>საქართველო: კეფაშვილი - ძაბირაძე, ალთუნაშვილი, ნიშნიანიძე, რონი - ჭანუყვაძე, ლუკავა, კობაიძე, სებისკვერაძე, მაისაია, ბობოხიძე, ჯვარაშვილი, ზედელაშვილი.</p><p><strong>დარჩენილი მატჩები</p><p></strong><span style="text-decoration: underline;">19 მარტი</p><p></span>17:45* ყაზახეთი-პორტუგალია</p><p>20:15 რუმინეთი-საქართველო</p><p><span style="text-decoration: underline;">21 მარტი</p><p></span>19:00 საქართველო-ყაზახეთი</p><p>21:30 პორტუგალია-რუმინეთი</p><p>* - დრო თბილისისაა</p><p><strong>ყოველდღიური სპორტული გაზეთი "ლელო"</strong></p>
ლუის ენრიკე: რთულ მომენტებში ცხადი ხდება, ვინაა შენს გვერდით და ვინ - არა
Opta-ს რეიტინგით მუნდიალზე ფავორიტი შეიცვალა
"რეალმა" "დორტმუნდს" სძლია და ნახევარფინალში პსჟ-ს შეხვდება
პსჟ-ს თავდამსხმელის გაყიდვა სურს და შეთავაზებებს ელის
20 წ. | ცვლილებები რაზმში
დიეგო ლონგო: "დილა" თავისი შესაძლებლობების მაქსიმუმისგან ჯერ კიდევ შორს არის
"მილანს" რასმუს ჰოილუნის შეძენა სურს
[PHOTO] მორიგი ბრწყინვალე ჟესტი - "ლივერპული" ჟოტას არ ივიწყებს
დირკ შუსტერი: უზომოდ ბედნიერი ვარ და თითოეული ფეხბურთელით ვამაყობ
აზაროვმაც ითამაშა და გოჩოლეიშვილმაც - "შახტარის" მომავალი მეტოქე "ბეშიქთაშია"
შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა
მძიმე არტილერია ბრუნდება! - "ბორჯღალოსნების" შემადგენლობა მსოფლიო ჩემპიონ სამხრეთ აფრიკის წინააღმდეგ
"დილამ" "რასინგს" ისევ მოუგო და მეორე ეტაპზე "რიგას" შეხვდება
[VIDEO] მიკერძოებული მსაჯობის მიუხედავად "ტორპედომ" "ორდაბასის" ბარიერი გადალახა და მეორე ეტაპზე გავიდა
Nuovo Kvara - "ნაპოლიმ" ქართველის შემცვლელი შეიძინა
პსჟ შეიძლება მალე დონარუმას გარეშე დარჩეს
Giorgi² - ფრანგული "მეცი" ქართული ფრთებით შეუტევს
ქართული კლუბების შესაძლო მეტოქეები კონფერენციის ლიგის შესარჩევის მეორე რაუნდში
გრანიტ ჯაკა შესაძლოა, პრემიერლიგაში დაბრუნდეს
"რა გაუკეთებია, რომ "ბარსელონაში" ითამაშოს?" - "იუნაიტედის" ლეგენდამ რაშფორდი გააკრიტიკა
"რეალს" ალაბასთან კონტრაქტის გაწყვეტა სურს
"თუკი კვარაცხელიას ხელი არ შეუშალეს, ოსიმენს პრობლემებს რატომ უქმნიან?!" - ნიგერიელის მეგობარმა დე ლაურენტისი გააკრიტიკა
რეტეგის მიქაუტაძე შეცვლის? - "ატალანტა" ქართველ ფორვარდზე ოცნებობს
ფუტსალი | საქართველოს ნაკრები ორ ამხანაგურ მატჩს გამართავს
საქართველოს ფუტსალის ნაკრები ელიტრაუნდისთვის მზადებას მაკედონიით იწყებს
საქართველო-ლიტვა 8:2 - ევრო 2016-ის ელიტრაუნდის საგზური ჩვენია! [VIDEO]
საქართველო-შვეიცარია 1:1 - მეტოქე ბოლოს გადაგვირჩა [VIDEO]
საქართველო-შვეიცარია 1:1 - ხელიდან გაშვებული გამარჯვება [VIDEO+PHOTO]
საქართველოს ფუტსალის ნაკრებმა ევრო 2016-ის შესარჩევისთვის მზადება დაიწყო
საქართველო - რუმინეთი | ფუტსალის ნაკრებმა მატჩისწინა ვარჯიში გამართა
საქართველო 2:0 რუმინეთი
ფუტსალი | საქართველო 3:0 რუმინეთი
ფუტსალი | ნაკრები რუმინეთთან ამხანაგური მატჩებისთვის ემზადება
საქართველო VS ლიტვა - მასპინძლებთან მოგებაც და ბურთებიც გვჭირდება
ევრო 2026 | საქართველოს ნაკრები პლეი-ოფში სლოვაკეთს დაუპირისპირდება