<p>"მესმის, რაოდენ მძიმეა, საკუთარ სახლში ჩასვლა რომ არ შეგიძლია", - ინტერვიუ "სოხუმის" კალათბურთელ პელე პეილეისთან <br> ჩვენი გაზეთის მკითხველს გარკვეული პერიოდულობით ვაცნობთ როგორც ევროპის კარგად შესწავლილ, ასევე ეგზოტიკურ ქვეყნებს.</p><p>ხორვატულ წეს-ჩვეულებებზე <strong>ანტე ტომიჩმა</strong> მოგვითხრო, კამერუნი "რუსთავის" კალათბურთელმა <strong>ჟულივეტ ტუჯანმა</strong> წარმოგვიდგინა. ახლა <strong>პელე ბალა პეილეის</strong> ჯერია, ოღონდ სახელმა არ მოგატყუოთ - პელე ბრაზილიელი არ არის, ლიბერიელი კალათბურთელია, "სოხუმის" ღირსებას იცავს. მოკლე დროში გუნდის ერთ-ერთ ლიდერადაც ჩამოყალიბდა, საშუალოდ 15.5 ქულას, 5.7 მოხსნასა და 3.2 პასს აგროვებს.</p><p>პელე საქართველოში ჩამოსვლამდე თამაშობდა გერმანიაში, საფრანგეთში, თურქეთში, კალათბურთს კი ამერიკაში ეზიარა, სადაც ოჯახთან ერთად ლიბერიიდან გადაიხვეწა.</p><p>როცა სახელში პელე ურევია, უნებურად ჩნდება შეკითხვა: მამამ ბრაზილიელი ფეხბურთის მეფის პატივსაცემად ხომ არ დაარქვა?</p><p>- არა, ჩემს სახელთან ფეხბურთის მეფე არაფერ შუაშია. უბრალოდ, მამაჩემს ჰქვია პელე პეილეი. ლიბერიაში კი შვილებს მამის სახელებს არქმევენ. რაც შეეხება ბალას - ეს ჩემი პაპის სახელია (დედის მხრიდან). სხვათა შორის, მშობლებისგან ვიცი, რომ ლიბერიის ძირძველი ტომის შთამომავალი ვარ, ერთ-ერთი ადგილობრივი ტომი კი კპელეს სახელითაა ცნობილი.</p><p><strong>- ლიბერიაში ხშირად ჩადიხარ?</strong></p><p>- ვერ ვახერხებ, არადა, ძალიან მენატრება საკუთარი ლამაზი სახლი მონროვიაში, რომელიც ახლაც თვალწინ მიდგას - ქვეყანაში ატეხილი შინაომის გამო ოჯახთან ერთად ამერიკაში რომ გადავედი, 4 წლისა ვიყავი. მას მერე ლიბერიამ მეორე ომიც გადაიტანა, უამრავი ადამიანი დაიღუპა, ბევრმა დაკარგა სახლი, ნახევარი ქვეყანა დაინგრა, თუმცა ბოლო დროს სიტუაცია სტაბილურდება და დედაჩემიც ამჟამად ლიბერიაშია, საელჩოში მუშაობს.</p><p><strong>- ამერიკაში გახიზვნა რამ განაპირობა, ევროპა ხომ უფრო ახლოსაა?</strong></p><p>- შორიდან მოვუვლი: სიტყვა ლიბერია თავისუფლებას ნიშნავს. ეს ქვეყანა მე-19 საუკუნეში ამერიკიდან ჩასულმა თავისუფლებამოპოვებულმა აფრიკელებმა დააარსეს. ამიტომაც გვაქვს აშშ-სთან მიმსგავსებული დროშა, გერბზე კი სწორედ ის გემია გამოსახული, რომელმაც ამერიკიდან ლიბერიაში ჩაიყვანა ჩვენი წინაპრები.</p><p><strong>- ლიბერია მსოფლიომ ჯორჯ ვეას თამაშით გაიცნო. ძალიან ძლიერი იყო. 2005 წელს ქვეყნის პრეზიდენტობაზეც იყრიდა კენჭს, მაგრამ მეორე ტურში დამარცხდა...</strong></p><p>- კარგია რომ დამარცხდა.</p><p><strong>- რატომ?</strong></p><p>- მაინც სპორტსმენია, ქვეყნის ამჟამინდელი პრეზიდენტი ქალბატონია, უფრო ახლოსაა პოლიტიკასთან. თუმცა ჯორჯ ვეას ლიბერიაში დიდ პატივს სცემენ, ძალიან უყვართ. მისი დამსახურებაა, ქვეყანაში ნომერ პირველი სპორტი ფეხბურთი რომ არის.</p><p><strong>- შენც საფეხბურთო აღნაგობა გაქვს, ვერ იტყვი, კალათბურთელიაო... </strong></p><p>- სხვათა შორის, მოედანზე გადაადგილებაში ჩემი აღნაგობა ძალიან მეხმარება. არ გაგიკვირდეთ - ფეხბურთს კალათბურთზე არანაკლებად ვთამაშობ. ამერიკის სკოლაში რომ ვსწავლობდი, ჩემს გუნდთან ერთად დიდი საფეხბურთო შეჯიბრებაც მოვიგე. რა მაინტერესებს, იცი?</p><p><strong>- გისმენ...</strong></p><p>- საქართველოში როგორი საფეხბურთო ჩემპიონატი გაქვთ? როგორ იხდიან?</p><p><strong>- კალათბურთში დარჩენას გირჩევ...</strong></p><p>- ხუმრობით ვიკითხე, თორემ, ნამდვილად არ ვაპირებ ჩემი გუნდის მიტოვებას. რამდენიმე თვე ხელფასი რომ ვერ ავიღე, მაშინ არ დამიტოვებია "სოხუმი" და ახლა მით უმეტეს, არ ვუღალატებ. "სოხუმი" სეზონის დასაწყისში ნამდვილად ვერ უჩვენებდა იმ კალათბურთს, რაც შეუძლია. ბოლო დროს უფრო გუნდურად ავთამაშდით, ვფიქრობ, პლეი ოფებისთვის კიდევ მოვუმატებთ და სულ სხვა გუნდი ვიქნებით. მთავარი რა არის, იცი?</p><p><strong>- ?</strong></p><p>- დავინახეთ, რომ კარგი კალათბურთის თამაში და ძლიერი მეტოქეების დამარცხება შეგვიძლია.</p><p><strong>- გეცოდინება, "სოხუმი" აფხაზეთიდან დევნილი გუნდია...</strong></p><p>- ვიცი. მე ლიბერიაში მშობლიურ სახლში დაბრუნების საშუალება უკვე მაქვს, სოხუმელები კი აქვე არიან, მაგრამ შინ არ უშვებენ... ძალიან მაინტერესებს, რას გრძნობთ ქართველები ამის გამო.</p><p><strong>- დიდი ტკივილია, ჩვენს ქვეყანას ისტორიულად ყოველ ეპოქაში დიდი ომების გადატანა უწევდა, ხან ერთი დიდი ქვეყანა ცდილობდა ჩვენ დაპყრობას, ხან - მეორე; ახლა რუსეთს აქვს ოკუპირებული საქართველოს ტერიტორიის 20 პროცენტი. ვფიქრობ, ადრე თუ გვიან, მაინც დავბრუნდებით აფხაზეთსა და სამაჩაბლოში. ქართველებთან ბევრი საერთო გაქვს, ხასიათითაც ჩვენებურს ჰგავხარ. თავად რა მსგავსებას პოულობ ქართველებსა და ლიბერიელებს შორის?</strong></p><p>- ქართველებიც ჩვენსავით გულგახსნილები არიან, მეგობრულები და მხიარულები. მომწონს, რომ აქ ცხოვრება იოლია, ამერიკისგან განსხვავებით, სიძვირე არ არის. შეგიძლია იმუშაო და დროც ბევრი გრჩება დასვენებისთვის. ამერიკაში, კარგად ცხოვრება თუ გინდა, ბევრი ფული უნდა გქონდეს. ფულისთვის კი ბევრი მუშაობაა საჭირო. ქართველებში კიდევ ის მომწონს, რომ აქაურები კმაყოფილები არიან იმით, რაც აქვთ. აშშ-ში რაც მეტი აქვთ, მით მეტი უნდათ.</p><p><strong>- ქართულ და ლიბერიულ კერძებში კი დიდი სხვაობა იქნება...</strong></p><p>- მართალია, ამერიკაში ვცხოვრობდი, მაგრამ დედაჩემი ლიბერიულ ნაციონალურ კერძებს ხშირად გვიკეთებდა. ძალიან მიყვარს ფუ-ფუ.</p><p><strong>- სახელი მთლად მიმზიდველი არ არის, როგორი კერძია?</strong></p><p>- თითებს გაილოკავ. ბრინჯისგან მზადდება, სხვადასხვა სანელებლითაა შეზავებული, ხორციც ურევია. რა თქმა უნდა, საქართველოში განსხვავებული კერძებია, თუმცა ვერც ერთს დავიწუნებ. ხორცი რომ არის ცომში გახვეული, ვიცი, ყველას გიყვართ. მეც გემრიელად გეახლებით. განსაკუთრებით კი, ქართული სუპი მომწონს სოკოთი, სალათებიც...</p><p><strong>ყოველდღიური სპორტული გაზეთი "ლელო"</strong></p>
irakli arqania
ავტორ ხშირად გააკეთე ესეთი სტატიები საინტერესო იყო, საღოლ პელე აქეთ რომ უსვამდა კითხვებს რა კაცია :D
SHUKOVANI
ხორცი რომ არის ცომში გახვეული :D:D მაგარი კაცია
"ქუთაისმა" თსუ-ს ფინალური სერიის ზედიზედ მესამე მატჩი მოუგო და ჩემპიონი გახდა
ფიბა-ს პროგრამის ფარგლებში საქართველოს ოთხმა ქალაქმა თანამედროვე საკალათბურთო ტაბლოები მიიღო
[VIDEO] შენგელიას გმირობა - თოკომ მხოლოდ 3 წუთი ითამაშა და "ვირტუსი" ნახევარფინალში გაიყვანა
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება
სუპერლიგა: "სოხუმი" - "ქუთაისი" 66:110
TimeLine: ცვლილებების ქარი
TimeLine: ᕠᓐᕛᓓᕔᓜᕘ
ევრობასკეტი 2013. II ეტაპი. F ჯგუფი: ოვერტაიმების დღე
TimeLine: აი, სად ვართ! მსგავსება 1922 წლისა და დღევანდელ ქართულ ფეხბურთის შორის
TimeLine: ხინკლის მაკრატელა
TimeLine: ...ის მოიგებსო
"მგზავრებმა" "სოხუმი" 17 ქულის სხვაობით დაამარცხა
"სოხუმი" სუპერლიგაში დასარჩენად "ტიტებს" შეხვდება
TimeLine: გამარჯობის ნაცვლად #NBAvote Zaza Pachulia
სუპერლიგა: "ოლიმპმა" "სოხუმი" დაამარცხა
საკალათბურთო გუნდ "ბათუმს" 3000-ლარიანი ჯარიმა დაეკისრა
უპრეცედენტო ფაქტი: თორნიკე შენგელია და გიორგი შერმადინი "ევრობასკეტის" ტოპ-10-ში
ლიბერიის პრეზიდენტმა ჯორჯ ვეამ 51 წლის ასაკში ეროვნული ნაკრების რიგებში ითამაშა
TimeLine: ცეცხლი აენთო...
გიორგი შერმადინი ესპანეთში 2017 წლის ყველაზე სასარგებლო კალათბურთელად აღიარეს
თორნიკე შენგელია დაბრუნდა: 6 ქულა და გამარჯვება "ბარსელონასთან"
სუპერლიგაში სათამაშოდ უცხოეთიდან ერთბაშად 15 კალათბურთელი ჩამოვიდა
"ბარსელონას" ლეგენდარული კაპიტანი დაემშვიდობა
სუპერლიგის საგზურისთვის გადამწყვეტი მატჩი დაინიშნა: სოხუმი VS ტიტები