<p>საქართველოს ეროვნული ჩემპიონატი. უმაღლესი ლიგა. XXII ტური <br> აქამდე "გურიისთვის" ერთ-ერთ ყველაზე უხერხულ მეტოქედ "ვიტ ჯორჯია" მიიჩნეოდა, რომელთანაც ათწლეულის წინ საშინაო 1:5-ის სიმწარეც ახსოვს. ამ სეზონში <strong>თემურ ლორიას</strong> შეგირდები საკუთარ კედლებში ერთხელაც არ დამარცხებულან და რა გასაკვირია, თუ ეს ვერც პრობლემებმოძალებულმა "ვეტერინარებმა" მოახერხეს.</p><p>"გურია" კი უმაღლეს ლიგაში მეორედ დაბრუნების შემდეგ ზედიზედ მეორე სეზონია, ყველას აოცებს - სეზონისა თუ მისი განახლების წინ ყველაზე გვიან იკრიბება, მაგრამ მაინც წარმატებით თამაშობს - წლევანდელი შედეგებით ლორიას კრებულს მხოლოდ ოთხი გუნდი უსწრებს.</p><p>მატჩი თითქოს სტუმართა უპირატესობით დაიწყო და შეიძლებოდა, თამაშგარეს ზღვარზე მოთამაშე გურულთა დაცვა ერთხელაც დასჯილიყო, მაგრამ კლასმა თავისი გაიტანა და სამ წუთში ორი გოლის გატანით მასპინძლებმა საქმე თამაშის მეხუთედ დროში მოათავეს.</p><p>განსაკუთრებით აღსანიშნავია პირველი გოლი, რომელიც მრავალმხრივ გახლდათ სადებიუტო: მისი ავტორი <strong>ვანო წილოსანი</strong> პირველად მოხვდა სასტარტოში და მწვრთნელებს ნდობა, თანაგუნდელ <strong>კობა შალამბერიძეს</strong> კი ჩინებული პასი გაუმართლა - საქართველოს 17-წლამდელთა ნაკრების ყოფილმა შუახაზელმა უმაღლეს ლიგაში პირველი გოლი გაიტანა.</p><p>კლუბში ის ცენტრფორვარდის პოზიციაზე თამაშობს და შედეგად, მისი გოლი ასევე პირველია, რომელიც წელს "გურიის" ნომინალური თავდამსხმელის ანგარიშზე ჩაიწერა.</p><p>აქამდე კი გოლები მხოლოდ შუახაზელებს გაჰქონდათ. მათგან ორჯერ <strong>თორნიკე მოსიაშვილმა</strong> გაიტანა - მისი კინკილა გოლებით "გურიამ" ორი თამაში მოიგო, ამჯერად კი დუბლი შეასრულა: ჯერ ჩინებულად ათამაშებული <strong>შოთა გაბრიჩიძის</strong> კარგი პასი შეირგო და სტუმართა მეკარეს ერთი-ერთზე შანსი არ დაუტოვა, მეორედ<strong> ჯონი შეროზიამ</strong> მოსიაშვილის თავური კი გაანეიტრალა, მაგრამ დამატებას ვეღარაფერი მოუხერხა.</p><p>მანამდე კი ვიტელებმა ერთი გაიტანეს და მხოლოდ მცირეოდენი ინტრიგა შეიტანეს შეხვედრაში - <strong>ვალიკო გახარიას</strong> ჩინებული პასი გოლად <strong>ვანო კურდღელაშვილმა</strong> აქცია. ეს 22-ე წუთზე მოხდა. მერე კი "ცალკარა" წავიდა: <strong>ალექსი ბენაშვილის</strong> ერთი "გასროლა" ძელს მოხვდა, მეორე - მეკარემ მოიგერია; <strong>ალეკო კოშკაძის</strong> ჩინებული პასი თანაგუნდელებმა ვერ შეირგეს, თუმცა გურულთა კაპიტნის მიერ მოწოდებულ კუთხურს მოჰყვა სწორედ მოსიაშვილის მეორე გოლი...</p><p>ამ უკანასკნელს მეორე ტაიმში ჰეთ-თრიკის გაფორმებაც შეეძლო, როცა <strong>გიგა ჭეიშვილის</strong> პასს თავი გაჰკრა და "ვიტ ჯორჯია" გოლს იღბალზე გადაურჩა.</p><p>თუმცა სტუმრები დიდი ანგარიშით წაგებას მაინც ვერ ასცდნენ და ამაში წვლილი იმავე ჭეიშვილმა შეიტანა - "გურიის" მცველმა შალამბერიძეს თითქმის ცარიელ კარში გაატანინა...</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XXII ტური</strong></span></p><p>03.04. ლანჩხუთი. "ევ. შევარდნაძე". 1 500 მაყურებელი</p><p><em><strong>გურია-ვიტ ჯორჯია 4:1</strong></em></p><p>გოლები: 1:0 წილოსანი (15. შალამბერიძის პასით), 2:0 მოსიაშვილი (18. გაბრიჩიძის პასით), 2:1 კურდღელაშვილი (22. გახარიას პასით), 3:1 მოსიაშვილი (40), 4:1 შალამბერიძე (81. ჭეიშვილის პასით)</p><p><span style="text-decoration: underline;">გურია (4-5-1):</span> იმერლიშვილი - ჭეიშვილი, ბ. ცინცაძე, ე. კილაძე, გ. მჭედლიშვილი (88. ღაღანიძე) - ბენაშვილი, გაბრიჩიძე, მოსიაშვილი (74. ზოზულია), კოშკაძე, შალამბერიძე (88. კონოვალოვი) - წილოსანი.</p><p>სათადარიგოები: გოგუაძე, ისიანი, გოგიაშვილი, მათიაშვილი</p><p>მწვრთნელი: თემურ ლორია</p><p><span style="text-decoration: underline;">ვიტ ჯორჯია (4-5-1):</span> შეროზია - მაისურაძე, ჩიტიშვილი, გეთიაშვილი, თათხაშვილი - დავლაშელიძე (72. კუხალეიშვილი), კურდღელაშვილი (61. ლებანიძე) - გახარია, დანელია (46. ღიბრაძე), საბაძე - ხვისტანი.</p><p>სათადარიგოები: ისერგიშვილი, გიორგაძე, დადიანი, მურუსიძე</p><p>მწვრთნელი: თენგიზ კობიაშვილი</p><p><span style="text-decoration: underline;">გაფრთხილება:</span> ზოზულია (90)</p><p><span style="text-decoration: underline;">არბიტრი:</span> ა. ნონიკაშვილი.</p><p><span style="color: #3366ff;"><strong>ბომბარდირები:</strong></span></p><p>ი. მოდებაძე (დილა) 10</p><p>ჯ. დვალი (ზესტაფონი)* 10</p><p>ო. კვერნაძე (ტორპედო) 9</p><p>დ. სიჭინავა (კოლხეთი/სიონი) 8</p><p>შ. ლომია (ზუგდიდი) 8</p><p>ნ. კვეკვესკირი (დილა) 7</p><p>გ. პაპუნაშვილი (დინამო თბ) 7</p><p>თ. კაპანაძე (სამტრედია) 7</p><p>ნ. საბანაძე (დინ. თბ/ტორპ) 7</p><p>თ. მუმლაძე (ჩიხურა) 7</p><p>დ. ცნობილაძე (მეტალ./სიონი) 6</p><p>გ. ილურიძე (ზესტაფონი) 6</p><p>გ. ბერიაშვილი (დინამო (ბთ) 6</p><p>კ. შალამბერიძე (გურია) 6</p><p>ი. სიხარულიძე (ზესტაფონი) 6</p><p><em>შენიშვნა: * - ჯაბა დვალი კარიერას მოლდოვის "დაჩიაში" განაგრძობს</em></p><p><span style="text-decoration: underline;">7 აპრილი, სამშაბათი</span></p><p>საქართველოს დ. ყიფიანის სახელობის თასი. 1/2-ფინალი. პირველი მატჩები</p><p><span style="color: #3366ff;"><strong>XXIII ტური</strong></span></p><p><span style="text-decoration: underline;">11 აპრილი, შაბათი</span></p><p>დინამო (ბთ)-სამტრედია</p><p>დილა-სიონი</p><p>კოლხეთი-ზესტაფონი</p><p>ცხინვალი-გურია</p><p>მეტალურგი-შუქურა</p><p>ტორპედო-ზუგდიდი</p><p>ვიტ ჯორჯია-ჩიხურა</p><p>მერანი-დინამო (თბ).</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"საქართველოში ამით ძალიან გაკვირვებული დავრჩი" - "გაგრას" ბელარუსი მეკარე
მეორე წრე დასრულდა: გოლი მე-20 წამზე და სხვა ამბები
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
ცნობილია ის ოთხი ფეხბურთელი, რომელთა შეძენაც კონტემ დე ლაურენტისს მოსთხოვა
"მესი თუ რონალდო?" - იგუაინმა უცნაური არჩევანი გააკეთა
"არც მესია, არც რონალდო და არც მარადონა, მაგრამ..." - არშავინმა კვარაცხელიაზე ისაუბრა
თენგიზ კობიაშვილი: ბოლო მატჩამდე შევინარჩუნებთ დიდ მოტივაციას!
უმაღლესი ლიგა. XXI ტური: "სამტრედიამ" მოიგო და ისევ მეორეა [VIDEO]
ეროვნული ლიგა 2. II ტური: 4 დუბლი და 15 გოლი 4 მატჩში
გურია-საპოვნელა 3:0 - ჟორდანიამ "გურიაში" 51-ედ... ითამაშა [VIDEO]
ვანო წილოსანი: ქართულ ფეხბურთს ვერაფერი გავუგე!..
სფფ-ის სადისციპლინო კომიტეტმა თბილისის "დინამოც" დასაჯა და ქუთაისის "ტორპედოც"
კახა გოგიჩაიშვილი ლანჩხუთის "გურიის" ახალი მთავარი მწვრთნელია
უმაღლესი ლიგის XXII ტურის მიმოხილვა და სიმბოლური ნაკრები
ტორპედო-მლადოსტი 5:1 - ქუთაისური ტორნადო
ლანჩხუთის "გურია" რუსი მცველით გაძლიერდა
ყველაზე გამოცდილი ქართველი ფეხბურთელი ეროვნულ ლიგა 3-ში ითამაშებს
მარტოდმარტო, ბინძურ ბინაში მოკვდა - ლანჩხუთის "გურიას" ექს-ფეხბურთელის ტრაგიკული ისტორია
ლანჩხუთის "გურია" ვარლამ კილასონიას კანდიდატურას განიხილავს
დინამო(თბ)-შუქურა 1:1 - სენსაცია ეროვნულ ლიგაში [VIDEO]
რატომ გავარდა "გურია" და სად მიგვიყვანს 5 მილიონის საქმე?
51..9% ხელფასებში - რაში დაიხარჯა 2019 წელს ფეხბურთის განვითარების ფონდის ფული?
შუქურა-სამტრედია 2:2 - სოსიაშვილი ქულით დაბრუნდა
მარტვილის "მერანმა" ვანო კურდღელაშვილი და დავით მაისაშვილი დაიმატა
სატრანსფერო კარუსელები - რა შეიცვალა ეროვნულ ლიგა 2-ში?
ვლადიმერ ხაჩიძე "ვიტ ჯორჯიას" მომავალზე: ჯერ არაფერია გადაწყვეტილი
ლანჩხუთის "გურია" აუქციონზე 34 000 ლარად იყიდება
ოდესის "ჩერნომორეცმა" სინჯებზე მყოფი გიორგი რობაქიძე გუნდში დაიტოვა
ლანჩხუთის "გურიაში" მთავარ მწვრთნელად ცხადაძის ასისტენტი გია ცეცაძე სურთ?
ვიტ ჯორჯია-ზუგდიდი 2:0 - შეუჩერებელი "ვეტერინარები"
სფფ-ის საპრეზიდენტო არჩევნები: ლანჩხუთიდან არველაძის წარდგენა სირცხვილიაო...
კუთხურიდან ჩახვეული ბურთი, წითელი ბარათები, პენალტები - ე-ლიგა 2-ის პლეი-აუტები დაძაბულად დასრულდა [VIDEO]
ტორპედო-ვერეია 3:1 - თორნიკე კაპანაძის სამი გასროლა
შუქურა-ლოკომოტივი 2:1 [VIDEO]
საქართველოს 2015/16 წლების თასის გათამაშების ფინალისტები ცნობილია
ქართველი ფეხბურთელი სინჯებზე "ჩერნომორეცში" იმყოფება
[ექსკლუზივი] გურიაში ფეხბურთს დავით მუჯირი-უფროსი მიხედავს!
ეროვნული ლიგა. XXVIII ტური: "შუქურას" მოგებამდე ცოტა დააკლდა
ეროვნული ლიგის XXV ტურის მიმოხილვა და სიმბოლური ნაკრები
გულვერდ თომაშვილი "გურიაში" - კიდევ ერთი გამოცდილი ფეხბურთელი
"გაგრა": ანატოლი პისკოვეცის ახალი ხუთეული
ტორპედო-ჰობრო 2:1 - მოგება დანიის სუპერლიგელთან [VIDEO]
"გურია" - ფონდი "ქართუს" დაფინანსების მოლოდინითა და დიდი გეგმებით...
საქართველოს თასზე სამი 1/2-ფინალისტის ვინაობა ცნობილია
დილა-გურია 5:0 - ჯავრი გურულებზე იყარეს [VIDEO]
"ტორპედოში" ირანელები გამოჩნდნენ, შტელინი ბრიუსელის ტერაქტებმა დააბრკოლა
ეროვნული ლიგა 2. VI ტური: "გაგრა" პირველად დამარცხდა
ეროვნული ლიგის XXVIII ტურის მიმოხილვა და სიმბოლური ნაკრები