
დღეს, 5 ივნისს გადაწყდება, რა თანხით დაფინანსდება "დილა" მომავალ სეზონში
ფოტოზე: ნათან ჟუნიორს "დილაში" 2012-13 წლებში უთამაშია
დღეს, 5 ივნისს გადაწყდება, რა თანხით დაფინანსდება "დილა" მომავალ სეზონში. შესაბამისად, გაირკვევა, მოახერხებენ თუ არა გორელები იმ ფეხბურთელების დამატებას, ჩემპიონთა ლიგის საკვალიფიკაციო ეტაპისთვის რომ სჭირდებათ.
"დილასთვის" პრიორიტეტულ ფეხბურთელთა ვინაობა უკვე არაერთხელ გამცნეთ. ისიც ცნობილია, რომ გორული კლუბის გარდა, მათ სხვა ქართულ და, ასევე, უცხოურ გუნდებში იწვევენ.
როგორც შევიტყვეთ, "დილას" ხაბაროვსკის "სკა ენერგიიდან" წამოსული ბრაზილიელი ფორვარდის, ნათან ჟუნიორის გადაბირებაც უნდა. ეს 26 წლის შემტევი 2012-13 წლებში უკვე იცავდა "დილას" ღირსებას და 21 შეხვედრაში 7 გოლიც გაიტანა.
(იბეჭდება მცირე ცვლილებით)
ყოველდღიური სპორტული გაზეთი "ლელო"