ხორვატიის ნაკრების ახალი თავკაცი ველიმირ პერასოვიჩი ევრობასკეტის შემდეგ "ბასკონიას" ჩაუდგება სათავეში
ხორვატიის ნაკრებს ევრობასკეტი 2015-ზე ახალი მწვრთნელი ეყოლება. ესპანურ "ვალენსიაში" მომუშავე სპეციალისტმა ველიმირ პერასოვიჩმა ხორვატთა ნაკრების თავკაცის პოსტზე იასმინ რეპეშა შეცვალა. სწორედ ის გამოიყვანს ხორვატებს ევრობასკეტის მატჩზე საქართველოს წინააღმდეგ 10 სექტემბერს.

ახალი ინფორმაციით, ველიმირ პერასოვიჩი ევროპის ჩემპიონატის დასრულების შემდეგ ბასკეთს მიაშურებს და "ბასკონიას" ჩაუდგება სათავეში.

სწორედ ამ გუნდში თამაშობდა თორნიკე შენგელია 2014-15 წლების სეზონში და კონტრაქტის მიხედვით, მომავალ წელსაც ბასკეთში უნდა იასპარეზოს.

სადღეისოდ რთულია თქმა, რა შეიცვლება "ბასკონიაში" ახალი სეზონის წინ. ჯერ არც შემადგენლობაზე დაწერილა რამე, თუმცა იმედი დავიტოვოთ, რომ პერასოვიჩი, წინამორბედთან შედარებით, უფრო მეტად შეკრავს გუნდს და თორნიკე შენგელიასაც გაეზრდება ფუნქცია.

ყოველდღიური სპორტული გაზეთი "ლელო"

თეგები:

თორნიკე შენგელია

საქართველოს საკალათბურთო ნაკრები

ევრობასკეტი 2015

ხორვატიის საკალათბურთო ნაკრები

ველიმირ პერასოვიჩი

გაზიარება:

(0)

/

(0)