<p>"დილას" ადმინისტრაცია, ქალაქის ხელისუფლებასთან ერთად, სტადიონის უეფას სტანდარტების შესაბამისობაში მოყვანაზე მუშაობს <br> ქართული ფეხბურთის ერთადერთი ევროიმედი - გორის "დილა" სერბეთშია და ჩემპიონთა ლიგის მეორე საკვალიფიკაციო ეტაპზე "პარტიზანთან" მატჩისთვის იქვე აგრძელებს მზადებას.</p><p>კლუბის ოფიციალური საიტის ცნობით, 12 ივლისს გუნდმა მორიგი წვრთნა სერბეთის ეროვნული ნაკრების ბაზაზე გამართა. გუნდში ყველა ფეხბურთელი მწყობრშია და სრული დატვირთვით ემზადება მოახლოებული შეხვედრისათვის.</p><p>დღეს, 13 ივლისს, საქართველოს ჩემპიონი მატჩისწინა ვარჯიშს "პარტიზანის" ცენტრალურ სტადიონზე გამართავს. წვრთნის დაწყებამდე კი "დილას" მთავარი მწვრთნელი <strong>უჩა სოსიაშვილი</strong> ადგილობრივი მედიის წინაშე წარდგება.</p><p>"პარტიზანი"-"დილას" დაპირისპირება 14 ივლისს, ჩვენი დროით 22:45 საათზე დაიწყება.</p><p>სოსიაშვილმა<strong> </strong>ბელგრადში შემდეგი ფეხბურთელები იახლა: შევჩენკო, მუჯრიშვილი; მარიამიძე, კვირკველია, კვახაძე, ღონღაძე, ქარქუზაშვილი, ხურცილავა, ბაგაევი, ნავალოვსკი, ცხოვრებოვი, გვალია, წიქარიძე, რაზმაძე, ფალავანდიშვილი, ძარია, კვირკვია, პაპავა, გორელიშვილი; ილურიძე, მოდებაძე, ერისთავი, მარცვალაძე, მაშუკოვი.</p><p>ამასობაში გარკვეული სიახლეებია "პარტიზანის" ბანაკში. გუნდმა დაიმატა 28 წლის კამერუნელი ფორვარდი - <strong>აბუბაკარ უმარუ</strong>. მისი ბოლო კლუბი ბელგიური "ბევერენი" იყო, უთამაშია სერბეთშიც, კერძოდ - "ცრვენა ზვეზდაში", ოფკ-სა და "ვოევოდინაში".</p><p>კლუბმა ასევე წარადგინა 19 წლის ახალწვეული <strong>ანდრეა ჟივკოვიჩი</strong>. სამაგიეროდ, სერბული მედიის ცნობით, "დილასთან" მატჩში გუნდს ვერ დაეხმარება ბრაზილიელი ნახევარმცველი <strong>ფაბრიციო</strong>, რომელიც დაშავებულია.</p><p><p><div style="text-align: center;"><span style="color: #ff0000;"><strong>ამასობაში, გორში...</strong></span></div></p> ...ვიდრე "დილა" პირველი მატჩისთვის ემზადება, კლუბის მშობლიურ არენა "თენგიზ ბურჯანაძეზე" საპასუხო მატჩისთვის (21 ივლისი) მზადება მიმდინარეობს.</p><p>აღსანიშნავია, რომ აქამდე, ამ სტადიონზე ევროტურნირის მატჩი არასოდეს გამართულა. "დილამ" ევროტურნირებზე მონაწილეობა პირველად 2004 წელს ("ინტერტოტოს" თასი) მიიღო და მას შემდეგ კიდევ ორჯერ იასპარეზა ევროპალიგაზე, ჩემპიონთა ლიგა კი პირველად დააჭაშნიკა საქართველოს პირველობაზე ტრიუმფის წყალობით...</p><p>ერთი სიტყვით, 21 ივლისის მატჩისთვის დიდი სამზადისია გაჩაღებული. "დილას" ადმინისტრაცია, ქალაქის ხელისუფლებასთან ერთად, სტადიონის უეფას სტანდარტების შესაბამისობაში მოყვანაზე მუშაობს.</p><p>უეფას წარმომადგენლების მიერ ამ რამდენიმე ხნის წინათ ადგილზე არსებული მდგომარეობის დათვალიერების შედეგად მიცემული რეკომენდაციით, ჩრდილოეთ ტრიბუნის მიმდებარე ტერიტორიაზე, რომელიც აქამდე მხოლოდ მოხრეშილი იყო, ახლა ასფალტი დაიგება და შემოერტყმება ორი მეტრის სიმაღლის ღობე.</p><p>ანალოგიური დამცავი ღობე კეთდება დასავლეთ ტრიბუნასთანაც, სადაც მდებარეობს კლუბის ოფისი და ცალკეულ მატჩებზე დამსწრე ოფიციალურ პირთა შესასვლელი. შეიღებება სამხრეთ ტრიბუნის კედელი და განახლდება ტაბლო.</p><p>აღმოსავლეთ ტრიბუნის ქვეშ კი მოეწყობა ტუალეტები, რომელიც აქამდე მხოლოდ დასავლეთის მხარეს იყო.</p><p>პლუს ამას, დღემდე არსებულ ორ შესასვლელს კიდევ ორი დაემატება.</p><p>მიმდინარეობს ინდივიდუალური სკამების განახლება და დანომრვა გასაყიდი ბილეთების შესაბამისად.</p><p>უეფას რეკომენდაციით, უკვე განახლდა VIP-ზონისა და საპრესკონფერენციო ოთახები, აგრეთვე - პრესლოჟა. გაძლიერდება ინტერნეტის სიჩქარე და იქნება უზრუნველყოფილი მისი მიწოდება როგორც კაბელით, ისე WiFi-ს საშუალებით.</p><p>განახლდება გუნდების გასახდელები და საშხაპეები. წესრიგში მოიყვანენ მოედნის საფარის იმ მონაკვეთებსაც, რომლებიც დაზიანებული იყო.</p><p>"დილას" წარმომადგენლები ირწმუნებიან, რომ 21 ივლისისთვის ყველა სამუშაო დასრულებული იქნება.</p><p><strong>ალეკო კაკაურიძე</p><p>ვასილ ბალახაძე</p><p>ყოველდღიური სპორტული გაზეთი "ლელო"</strong></p>
gori
სირცხვილი საზოგადობრივ მაუწყებელს თუ ეს თამაში არ გვაჩვენა,,სად უნდა უნდა ვუყუროთ ვერ გავიგე? ცხინვალის თამაში აჩვენეს რუმინეთიდან და ამას არ აჩვენებენ.ტფუუიი..
dato
ვერ მივხვდი ჩრდილოეთ თრიბუნაო, სამხრეთ ტრიბუნა, აღმოსავლეთ რიბუნაო და დასავლეთ ტრიბუნაო და მე რასაც ვხედავდი 2 ტრიბუნა იყო მხოლოდ გორის სტადიონზე.
gurami
სერბეთიდან ლივე თუ იქნება ნეტა?
imedioni
ანახლებენ არა აახლებენ #ელემენტარული გრამატიკა #ლელოს პრესტიჟი.
tito
რომელ არხზე იქნება თამაში?
555
დილაც იმ მოწინავე სამეულის ბედს გაიზიარებს, რადგან საქართველოში ფეხბურთის მენეჯმენტის გაგებაში არ არიან, ფულის ტომარა როგორც ასეთი ვერ აზროვნებს.
ლუის ენრიკე: ნამდვილი შეჯიბრი ახლა იწყება
ქართველი მსაჯები 21-წლამდე ევროპის ჩემპიონატის 1/4-ფინალს განსჯიან
ლუის ენრიკე: ჩვენი დამარცხება ყველას უნდა
"უდინეზეს" მეკარეს 4-წლიანი დისკვალიფიკაცია ემუქრება
სუპერკომპიუტერმა საკლუბო მუნდიალის ფავორიტი დაასახელა
გუგეშაშვილი "პაოკში" წარადგინეს - ძირითადი მეკარე გუნდს ტოვებს
"ყველას ვეტყვი, სანაპიროზე რას აკეთებდი და ვისთან ერთად" - ცნობილი ფრანგი რეპერი მბაპეს დაემუქრა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
კასანომ "ნაპოლის" კვარაცხელიას შემცვლელი ურჩია
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
გორის "დილა" მთავარმა მწვრთნელმა დატოვა - მოტამ დემჩენკოს მსგავსი პუნქტით ისარგებლა და სომხური გუნდი ჩაიბარა
"სამგურალის" მწვრთნელად უჩა სოსიაშვილი დანიშნეს
სეზონის დაწყებიდან ეროვნული ლიგის გუნდი მეორე მწვრთნელმა დატოვა
"სიონის" მწვრთნელად სოსიაშვილი დანიშნეს
გორში, თენგიზ ბურჯანაძის სახელობის სტადიონზე რემონტი იგეგმება
"სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]
ჩხუბი ფეხბურთელებს შორის მოედანზე - "დილას" ამხანაგური მატჩი უკრაინულ გუნდთან აღარ გაგრძელდა
"რუსთავში" რევაზ ძოძუაშვილი იმუშავებს
"პარტიზანი" არ არის ისეთი მეტოქე... ინტერვიუ ოთარ მარცვალაძესთან
"შუქურა" უჩა სოსიაშვილმა დატოვა
მონტენეგროში დამარცხებული კორონავირუსი ბელგრადულმა დერბიმ გააცოცხლა
სიურპრიზი გორელ ქომაგს: თუ "დილა" "პარტიზანის" ბარიერს დაძლევს...
მას ლიგა 1-ში 146 მატჩი აქვს ჩატარებული - გორის "დილამ" გამოცდილი მცველი დაიმატა
"დილა" გორში ბელგრადის "პარტიზანთან" მარცხდება
ნახვამდის, ევროპავ - "დილა" ბელგრადის "პარტიზანთან" გორშიც დამარცხდა
"მადლობის ნაცვლად ქონება წამართვეს, ამიტომ ახლა ვითხოვ სტადიონს, ანუ - ჩემს ქონებას"
"იბერია 1999"-მა და "დილამ" მოიგეს, ფოთში ფრე დაფიქსირდა
"გადავწყვიტეთ მივმართოთ ფედერაციას თხოვნით, რომ კანკავას წითელი ბარათი გაუქმდეს" - გორის "დილას" განცხადება
დილა-პარტიზანი 0:2 - აგვისტომდეც ვერ მივაღწიეთ... [VIDEO]
"სიონი" გიორგი ჭელიძემ ჩაიბარა