<p>გრძელი აღმართი და ფინიში <br> გრძელი აღმართი და ფინიში უმაღლესი კატეგორიის მთაზე - ლა პიერ-სენ-მარტენზე - ასეთი იყო ტურ დე ფრანსის მეათე ეტაპის ინტრიგა.</p><p>ეტაპი 14 ივლისს, ბასტილიის აღების დღეს იმართებოდა. როგორც წესი, ამ დროს აქტიურები არიან ფრანგი ველომრბოლები, მაგრამ გუშინ მხოლოდ ერთმა ადგილობრივმა - ტურ დე ფრანსის ეტაპების ოთხგზის გამარჯვებულმა პიერიკ ფედრიგომ გაბედა გაქცევა. მან ეს ბელგიელ კენეტ ვანბილსენთან ერთად გააკეთა. ამ დუეტს 15-წუთიანი უპირატესობა ჰქონდა პელოტონთან, მაგრამ ბოლო აღმართის წინ, სხვაობა ორ წუთსა და 40 წამზე დავიდა.</p><p>ბოლო მთაზე ტემპს თავიდაპირველად Movistar კარნახობდა. ფინიშამდე ათი კილომეტრით ადრე კი მთავარი მოვლენები განვითარდა. თავდაპირველად ტემპს ვერ გაუძლეს ხოაკიმ როდრიგესმა, რიგობერტო ურანმა და ტურის მოქმედმა ჩემპიონმა ვინჩენცო ნიბალიმ.</p><p>ამასობაში, შეტევაში წავიდნენ რაფაელ ვალსი და რობერტ გესინკი. მალე ჰოლანდიელმა მეწყვილე მიატოვა და მარტომ დაიწყო ლა პიერ-სენ-მარტენის დაპყრობა.</p><p>ფავორიტების ჯგუფში აქტიურობდა ვალვერდე, რომელიც Movistar-ის ლიდერის ნაირო კინტანას შეტევას ამზადებდა. მაგრამ ყურადღებით იყო Sky. ამ გუნდის წევრებმა - კრისტოფერ ფრუმმა და რიჩი პორტმა ისეთი ტემპი განავითარეს, რომ ფინიშამდე 6.5 კილომეტრით ადრე, ფრუმის გვერდით მხოლოდ კინტანა დარჩა. თუმცა მათი კავშირი მხოლოდ ერთი წუთი გაგრძელდა.</p><p>ფრუმი შეტევაზე გადავიდა და კოლუმბიელი მის ტემპს ვერ აყვა. ორი კილომეტრის შემდეგ, ბრიტანელი უკვე წუთს უგებდა კინტანას, ხოლო ორი წუთით ჩამორჩა მას ვან გარდერენის ჯგუფი. კონტადორი და ნიბალი კი ყოველ მეტრზე კარგავდნენ დროს.</p><p>ფრუმმა პირველმა გადაკვეთა ფინიშის ხაზი, ხოლო Sky-მ თავის დომინირებას ხაზი გაუსვა, როცა რიჩი პორტმა კინტანას მეორე ადგილი წაართვა. ფრუმის კიდევ ერთი დამხმარე - ჯერეინტ ტომასი მეექვსე ადგილზე გავიდა, როცა კონტადორს, ვან გარდერენს, ნიბალისა და ურანს აუარა გვერდი.</p><p>კრისტოფერ ფრუმმა კარიერაში მეორედ გაიმარჯვა ბასტილიის აღების დღეს. მისი შეჩერება მხოლოდ ტრავმას თუ შეუძლია, რადგან ამ ტურზე Sky-ს უბრალოდ არ ჰყავს კონკურენტები.</p><p><strong>X ეტაპი</strong></p><p>ტრაბი-ლა პიერ სენ-მარტენი. 167 კმ</p><p>1. კრისტოფერ ფრუმი (ბრიტ, Sky) - 4.22,07; 2. რიჩი პორტი (ავსტრა, Sky) - +0,59; 3. ნაირო კინტანა (კოლ, Movistar) - +1,04; 4. რობერტ გესინკი (ჰოლ, Lotto NL-Jumbo) - +1,33; 5. ალეხანდრო ვალვერდე (ესპ, Movistar) - +2,01; 6. ჯერეინტ ტომასი (ბრიტ, Sky) - იგივე დრო; 7. ადამ იეიტსი (ბრიტ, Orica-GreenEDGE) - +2,04... 10. ტიჯეი ვან გარდერენი (აშშ, BMC) - +2,30; 11. ალბერტო კონტადორი (ესპ, Tinkoff-Saxo) - +2,51... 17. ბაუკე მოლემა (ჰოლ, Trek) - +4,09... 21. ვინჩენცო ნიბალი (იტა, "ასტანა") - +4,25... 28. რიგობერტო ურანი (კოლ, Etixx-Quick-Step) - +5,54... 34. ხოაკიმ როდრიგესი (ესპ, "კატიუშა") - +6,07...</p><p><strong>საერთო ჩათვლა</strong></p><p>1. კრისტოფერ ფრუმი (ბრიტ, Sky) - 35.56,09; 2. ტიჯეი ვან გარდერენი (აშ, BMC) - +2,52; 3. ნაირო კინტანა (კოლ, Movistar) - +3,09; 4. ალეხანდრო ვალვერდე (ესპ, Movistar) - +4,01; 5. ჯერეინტ ტომასი (ბრიტ, Sky) - +4,03; 6. ალბერტო კონტადორი (ესპ, Tinkoff-Saxo) - +4,04; 7. ტონი გალოპენი (საფ, Lotto-Soudal) - +4,33; 8. რობერტ გესინკი (ჰოლ, Lotto NL-Jumbo) - +4,35... 10. ვინჩენცო ნიბალი (იტა, "ასტანა") - +6,57; 11. ბაუკე მოლემა (ჰოლ, Trek) - +7,15; 12. რიგობერტო ურანი (კოლ, Etixx-Quick-Step) - + 7,22... 16. ხოაკიმ როდრიგესი (ესპ, "კატიუშა") - +10,09...</p><p><strong>ყოველდღიური სპორტული გაზეთი "ლელო"</strong></p>
ინგლისში ტრანსგენდერები ქალთა ტურნირებიდან მოკვეთეს
ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება
ვუელტას ველომარათონი კრის ფრუმმა მოიგო
პირველი ტაიმის შემდეგ პსჟ "ოსერთან" 0:1 მარცხდება
"ოსერთან" მატჩში პსჟ-ს სასტარტო შემადგენლობა ცნობილია
ცნობილი გახდა სად შეიძლება გააგრძელოს კარიერა ლაკაზეტმა
"ასტონ ვილას" "ბარსელონას" შემტევის დამატება სურს
[VIDEO] 25 წლიანი პაუზის შემდეგ "ნიუ იორკ ნიქსი" კონფერენციის ფინალში გავიდა
"ვილა პარკზე" ბოლო მატჩი ჩაატარა და ცრემლები ვერ შეიკავა - მარტინესი "ასტონ ვილას" ტოვებს
მორიგი ტრანსფერი ალონსოს თხოვნით - "რეალი" კიდევ ერთ მცველს იფორმებს
"ილია, მე მზად ვარ, ქამარს დაღესტანში დავაბრუნებ" - ჰასბულამ თოფურიას მიმართა
სამი ფრე და "დილას" მოგება ბათუმში
რონალდინიო: დიდი სიყვარული ვიგრძენი - მადლობა, საქართველო!
ორ ნაბიჯში ლა ლიგასთან - ქოჩორაშვილის "ლევანტემ" ისევ გაიმარჯვა
იქნება თუ არა კვარაცხელია "ოსერთან" სასტარტოში? - "პარიზიენის" პროგნოზი
დე ძერბი: პსჟ - "ინტერის" მატჩისას კინოს ვუყურებ
[VIDEO] საქართველოს ნაკრებისა და „ბარსელონას“ ლეგენდების მატჩი სტუმართა გუნდის გამარჯვებით დასრულდა
"კვარას" მედლის გარეშე დატოვება უსამართლობა იქნება - მან "ნაპოლიში" წარუშლელი კვალი დატოვა" - იტალიელი ჟურნალისტი
ძველი ბასილაშვილი ბრუნდება - ნიკოლოზმა ტოპ 30-ის წევრი 2022 წლის შემდეგ პირველად დაამარცხა
20 წ. | მსოფლიომდე ინგლისთან
ზედიზედ მეორედ - კიტეიშვილი ავსტრიის ბუნდესლიგის საუკეთესო მოთამაშედ დაასახელეს
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...