საქართველოს საკალათბურთო ნაკრები: რამდენი ევროპული ოქრო გვაქვს?

<p>საქართველოს საკალათბურთო ნაკრების დაარსების დღიდან (1994 წლის 20 მარტი) დღემდე 21 წელი გავიდა <br> საქართველოს საკალათბურთო ნაკრების დაარსების დღიდან (1994 წლის 20 მარტი) დღემდე 21 წელი გავიდა, ჩვენი ეროვნული გუნდი ევრობასკეტზე უკვე მესამედ მიემგზავრება. თუმცა ევროპის საკალათბურთო ისტორიის საფუძველშიც არ გამოკლებიან ქართველები მთავარ ევროპულ საკალათბურთო ფორუმებს. არც ოქროს თასის აღმართვა იყო უცხო ხილი. 90-იან წლებში კი CCCP წარწერიანი მაისურა გავიხადეთ და ახალი ფორმა მოვირგეთ - GEORGIA.</p><p>ქართველთა ევროოდისეა 1947 წელს დაიწყო. მოკლედ გადავავლოთ თვალი ევროპის ჩემპიონატებს და მოვიმარჯვოთ საანგარიშო ქართული მედლების დასათვლელად.</p><p><p><div style="text-align: center;"><strong>1947</strong></div></p> ამ წელს საბჭოთა კავშირმა ევროპის ჩემპიონატში პირველად ითამაშა. მაშინდელი ჩეხოსლოვაკიის დედაქალაქ პრაღაში დებიუტანტმა სსრკ-მა ექვსივე მატჩი მოიგო და ოქროს დაეუფლა.</p><p>საეჭვოა, ოთარ ქორქიას გარეშე "წითლებს" წარმატებისთვის მიეღწიათ, - განაცხადა მოგვიანებით ლეგენდარულმა მწვრთნელმა ალექსანდრე გომელსკიმ. ქორქიასთან ერთად საბჭოთა ნაკრებში ნოდარ ჯორჯიკია თამაშობდა.</p><p><p><div style="text-align: center;"><strong>1949</strong></div></p> არ გაგიკვირდეთ, მაგრამ ევროპის 1949 წლის ჩემპიონატი აფრიკაში გაიმართა. მას ეგვიპტის დედაქალაქმა ქაირომ უმასპინძლა. საბჭოთა ნაკრებს ამ ტურნირში მონაწილეობა არ მიუღია.</p><p><p><div style="text-align: center;"><strong>1951</strong></div></p> საფრანგეთში ჩატარებულ ევრობასკეტზე სსრკ-ს ოთარ ქორქია გაუძღვა და, ცხადია, ჩემპიონი გახდა. ნოდარ ჯორჯიკია მწვრთნელ სტეპან სპანდარიანს პარიზში არ წაუყვანია.</p><p><p><div style="text-align: center;"><strong>1953</strong></div></p> ევროფორუმს მოსკოვმა უმასპინძლა. ოთარ ქორქიას (მეათე ნომერი იყო) გუნდმა ათივე მატჩი მოიგო.</p><p>...მეოთხე ქართული ოქრო.</p><p><p><div style="text-align: center;"><strong>1955</strong></div></p> ყველასთვის მოულოდნელად სსრკ-მა ნახევარფინალში მასპინძელ უნგრეთთან წააგო და ლეგენდარული ოთარ ქორქია ბრინჯაოს დასჯერდა.</p><p><p><div style="text-align: center;"><strong>1957</strong></div></p> სამგზის ევროპის ჩემპიონმა, ოთარ ქორქიამ სანაკრებო კარიერა დაასრულა და "წითლებს" ბულგარეთის ევრობასკეტზე აღარ გაჰყვა. თუმცა, ამ შეჯიბრებას ჩვენიანის გარეშე არ ჩაუვლია - საერთაშორისო კარიერა ევროპის ჩემპიონობით დაიწყო გურამ მინაშვილმა.</p><p><p><div style="text-align: center;"><strong>1959</strong></div></p> სსრკ თურქეთშიც საუკეთესო იყო. მინაშვილმა მეორედ მოიპოვა ჩემპიონობა.</p><p><p><div style="text-align: center;"><strong>1961</strong></div></p> იუგოსლავიის ევრობასკეტზე გურამ მინაშვილი ვლადიმერ უგრეხელიძემ შეცვალა. მანაც პირველი ადგილი დაისაკუთრა.</p><p><p><div style="text-align: center;"><strong>1963</strong></div></p> მწვრთნელმა ალექსანდრე გომელსკიმ ნაკრებში მინაშვილი დააბრუნა, ხოლო უგრეხელიძისთვის ადგილი ვერ გამონახა. გურამ მინაშვილი ოთარ ქორქიას დაეწია - მესამედ მოიპოვა კონტინენტის ჩემპიონობა.</p><p><p><div style="text-align: center;"><strong>1965</strong></div></p> საბჭოთა კავშირის ნაკრებში გამთამაშებლის პოზიციაზე მინაშვილი ზურაბ საკანდელიძემ შეცვალა. მასთან ერთად ოქროს მედალი ამირან სხიერელმა ჩამოიკიდა. 1965 წელს ევრობასკეტს საბჭოეთის ორმა ქალაქმა უმასპინძლა - მოსკოვმა და თბილისმა.</p><p><p><div style="text-align: center;"><strong>1967</strong></div></p> ფინეთში ზურაბ საკანდელიძე მეორედ გახდა კონტინენტის ჩემპიონი.</p><p><p><div style="text-align: center;"><strong>1969</strong></div></p> საკანდელიძეს ნაკრებში სერგეი კოვალენკო შეუამხანაგდა და სსრკ-მა მეათედ დაამტკიცა რომ ძველ კონტინენტზე ბადალი არ ჰყავდა.</p><p><p><div style="text-align: center;"><strong>1971</strong></div></p> გფრ-ში გამართულ ევრობასკეტზე გამოჩნდა მიხეილ ქორქია. ზურაბ საკანდელიძემ კი რეკორდი დაამყარა - ქართველთაგან ყველაზე მეტჯერ (ოთხჯერ) მოიგო ევროპის ჩემპიონატი.</p><p><p><div style="text-align: center;"><strong>1973</strong></div></p> ერთხელ, ორჯერ, სამჯერ... რვაჯერ?! დიახ, ზედიზედ რვაჯერ ევრობასკეტზე სსრკ-მა გაიმარჯვა. თუმცა ცხრამდე ვერ ავიდა - 1973 წელს მე-3 ადგილს დასჯერდა. ვლადიმირ კონდრაშინის გუნდში იყვნენ ზურაბ საკანდელიძე და სერგეი კოვალენკო.</p><p><p><div style="text-align: center;"><strong>1975</strong></div></p> მიხეილ ქორქიასთან ერთად საბჭოთა კრებული ფინალში გავიდა, თუმცა მასპინძელ იუგოსლავიასთან 84:90 დამარცხდა.</p><p><p><div style="text-align: center;"><strong>1977</strong></div></p> ბელგიაშიც ზუსტად ის განმეორდა, რაც ორი წლის წინათ: სსრკ-მა იუგოსლავიასთან წააგო, მიხეილ ქორქიამ ვერცხლის მედალი მიიღო.</p><p><p><div style="text-align: center;"><strong>1979</strong></div></p> რვაწლიანი შესვენების მერე ევროპა კვლავ გაწითლდა - საბჭოთა ნაკრებმა მეთორმეტედ მოიგო ევრობასკეტი. საბჭოთა კავშირმა პირველად ითამაშა ქართველების გარეშე.</p><p><p><div style="text-align: center;"><strong>1981</strong></div></p> 22 წლის ნიკოლოზ დერიუგინმა ჩჩჩP-წარწერიანი მაისურა პირველად ჩეხოსლოვაკიაში ჩატარებულ ევროპის ჩემპიონატზე ჩაიცვა და მეოთხე მატჩში თავიც გამოიჩინა - თურქეთს 25 ქულა ჩაუგდო. დერიუგინის გუნდმა პირველობა არავის დაუთმო.</p><p><p><div style="text-align: center;"><strong>1983</strong></div></p> სსრკ-ის ნაკრები საფრანგეთში ფავორიტის სტატუსით ჩავიდა, მაგრამ ნახევარფინალში ესპანეთთან 94:95 წააგო და საბოლოოდ ბრინჯაოს დაეუფლა. ნიკოლოზ დერიუგინი საშუალოდ 6 ქულას აგროვებდა.</p><p><p><div style="text-align: center;"><strong>1985...</strong></div></p> 1985, 1987, 1989, 1991, 1993, 1995... ლიტვურ, ბერძნულ ან იუგოსლავიურ გაზეთში რომ ვწერდეთ, ამ წლებში გამართულ ევროპის ჩემპიონატებზე სათქმელი გვექნებოდა, მაგრამ ქართველებს არც ერთგან არ უთამაშიათ.</p><p>ეს არც იყო გასაკვირი: საქართველო საბჭოთა კავშირს გამოეყო და დამოუკიდებლად შეუდგა ევროპის ჩემპიონატისკენ სავალ გზას. როგორც გითხარით, გზა ძალიან გაუგრძელდა...</p><p><p><div style="text-align: center;"><strong>2011</strong></div></p> 2011 წელი ქართული კალათბურთისთვის ისტორიული იყო - პირველად ითამაშა ერთბაშად 12-მა კალათბურთელმა ევრობასკეტზე. ჩვენმა ნაკრებმა სადებიუტო ჩემპიონატში ბევრი გააკვირვა, ჯგუფიდან გავიდა და საბოლოოდ ევროპის ტოპ-12-ში შევიდა.</p><p><p><div style="text-align: center;"><strong>2013</strong></div></p> სლოვენიაში გამართულ ევრობასკეტზე ორი წამყვანი კალათბურთელი გვაკლდა - ზაზა ფაჩულია და თორნიკე შენგელია. მათ გარეშე ჯგუფიდან გასვლა ვერ მოვახერხეთ, მაგრამ მიზანთან ახლოს ვიყავით - სლოვენიასთან და ხორვატიასთან ბოლო წამებზე დავთმეთ.</p><p><p><div style="text-align: center;"><strong>2013...</strong></div></p> ასეთი გამოცდილი გუნდით არც ერთ ევრობასკეტზე არ გვითამაშია, მერვედფინალისკენ მისასვლელი გზა წინა წლებთან შედარებით მსუბუქია: ჯგუფიდან სამის ნაცვლად ოთხი გუნდი გადის...</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>

დანიასთან საკვალიფიკაციო მატჩებისთვის მზადება ნაკრებმა სუპერლიგის მოთამაშეებით დაიწყო

საქართველოს ნაკრები დანიასთან მატჩებისთვის მზადებას იწყებს

მარკის რიდი საქართველოს ეროვნული ნაკრების ახალი ნატურალიზებული მოთამაშეა

ალონსომ "მარსელი" იუარა - ესპანელისთვის ფრანგულ გუნდში არასტაბილური სიტუაციაა

BBC: ვოლტემადე "ნიუკასლის" დატოვების ვარიანტს განიხილავს

რუსთავის აკადემიამ გოგონათა გუნდებისთვის საკალათბურთო ინვენტარი მიიღო

ლუის ენრიკემ "მონაკოსთან" მატჩში შემადგენლობა დაასახელა

20 წ. | თასი უკვე თბილისშია!

თვაურის 3 ევრომატჩი | კირილე მე-3 ქართველია, რომელიც ევროტურნირის ნახევარფინალს მოემსახურება

კიტეიშვილის ტრავმა მძიმე არ გამოდგა

ტოტიმ დაადასტურა - ლეგენდარული იტალიელი "რომას" უბრუნდება

"რასისტული შეურაცხყოფის მსხვერპლი ვიყავი, დამცინეს, "ნაპოლიმ" ეს გამიკეთა..." - ოსიმენმა "პარტენოპეიდან" წასვლის ამბავზე სკანდალური ინტერვიუ მისცა

პულისიჩი პრემიერ ლიგას დაუბრუნდება? - "მილანის" ვარსკვლავი სამ გუნდს სურს

კლოპის აგენტმა მისი კლიენტის სამწვრთნელო საქმიანობაზე შესაძლო დაბრუნებაზე ისაუბრა

ყოჩაღი ო'ნილი - საქართველოს ნაკრების მეტოქის მწვრთნელმა კლუბიც ჩაიბარა

[VIDEO] დე ლაურენტისის ვაჟი პოლიციამ იხსნა - ლუიჯის საკუთარი კლუბის გულშემატკივრები განურისხდნენ

ენრიკეს ახალი ტაქტიკა ჟურნალისტებთან - რა უპასუხა ესპანელმა პირველი მეკარის სტატუსზე დასმულ შეკითხვას

პსჟ-ის დიდი დანალისი "მონაკოსთან"? - პარიზელთა ერთ-ერთი ლიდერის თამაშის საკითხი კითხვის ნიშნის ქვეშაა

[VIDEO] "რეალი" ლა ლიგაში გალიდერდა - "ბარსელონა" "ჟირონასთან" დამარცხდა

ისტორია დაიწერა - მეტელკინა/ბერულავას წყვილმა ოლიმპიადაზე საქართველოს ვეცხლის მედალი მოუპოვა!

ლეგიონერები/ცინცაძის და გავაშელიშვილის გუნდებმა მოიგეს. კალანდაძის გოლებმა კი "ექს ან პროვანსი" წაგებისგან ვერ იხსნა

20 წ. | მსოფლიოსთვის მზადებას ვიტო კოლელიშვილის დებიუტით და მოქმედი ჩემპიონით ვიწყებთ

ჩემპიონთა ლიგის დაბრუნება და მთავარი ინტერესი კვარაცხელიას მიმართ

ისრაელი VS საქართველო - ყოფნა-არყოფნის საკითხი

ნაკრების ვარჯიში ტენერიფეზე და ეპანეთთან მატჩის 12-კაციანი განაცხადი

საქართველოს ნაკრები დანიასთან მატჩებისთვის მზადებას იწყებს

დღეს საქართველო ევრობასკეტს იწყებს - კალენდარი

საქართველოს ნაკრების მწვრთნელის პოსტზე იგორ კოკოშკოვის კანდიდატურაც განიხილება

პირველი ტაიმის შემდეგ საქართველოს ნაკრები ესპანეთთან 14 ქულით მარცხდება

17 წლის ხატიაშვილის 10 ქულა - საქართველოს ნაკრები ესპანეთთან დიდი ანგარიშით დამარცხდა

უმასპინძლებს საქართველო 2021 წლის ევრობასკეტს? - პასუხი დღეს გვეცოდინება

რუსეთმა საბერძნეთი დაამარცხა

სერბეთმა იტალია ბეჭებზე დადო!