კახა კალაძე: ფეხბურთის ფედერაციის არჩევნებში მე ოპონენტი არ მყავს

საქართველოს ენერგეტიკის მინისტრი სასტუმრო "ჰოლიდეი ინნ"-ში ყოფნის მიზეზებს განმარტავს
საქართველოს ენერგეტიკის მინისტრი, ვიცე-პრემიერი კახა კალაძე იმ მიზეზებს განმარტავს, რის გამოც სასტუმრო "ჰოლიდეი ინნ"-ში იმყოფებოდა.

მისი თქმით, ის დახვდა უეფა-ს ვიცე-პრეზიდენტს გრიგორი სურკისს, რომელთანაც კარგი ურთიერთობა აქვს.

"მე დავხვდი გრიგორი სურკისს", ჩვენ მეგობრული ურთიერთობა გვაკავშირებს", - განაცხადა კალაძემ.

რაც შეეხება ოპონენტების ბრალდებას, რომ ეს შესაძლოა იყოს ხელისუფლების მხრიდან არჩევნებში ჩარევა, კალაძემ ასე უპასუხა: "ფეხბურთის ფედერაციის არჩევნებში მე ოპონენტი არ მყავს".

ბოლო სიახლეები სფფ-ის საპრეზიდენტო არჩევნებთან დაკავშირებით

კალაძე ასევე გამოეხმაურა გეგა გობეჯიშვილის დაკავებას. მისი თქმით, სფფ-ს დელეგატობა არ ნიშნავს, რომ დანაშაულის შემთხვევაში სამართალდამცავებმა არ უნდა დააკავონ.

"დაკავებაზე კომენტარის გაკეთება გამიჭირდება. ადამიანი, ვინც აშავებს, მოიხმარს ნარკოტიკს, არ ნიშნავს იმას, რომ თუ სფფ-ს დელეგატია, სამართალდამცველებს არ აქვთ უფლება დააკავონ. ისინი მოიქცნენ კანონის ფარგლებში და კანონის ფარგლებშივე გათავისუფლდნენ სასამართლოს მხრიდან", - განაცხადა კალაძემ.

დღეს სასტუმრო "ჰოლიდეი ინნ"-ში ფეხბურთის ფედერაციის პრეზიდენტის არჩევნები უნდა ჩატარდეს. ფეხბურთის ფედერაციის პრეზიდენტობისთვის სამი კანდიდატი იბრძვის: რევაზ არველაძე, ლევან კობიაშვილი და მამუკა კვარაცხელია.

ფედერაციის პრეზიდენტი 4 წლის ვადით ირჩევა. აქამდე ეს თანამდებობა ზვიად სიჭინავას ეკავა, რომელიც ვადაზე ადრე, არჩევნებამე დაახლოებით ერთი თვით ადრე გადადგა. ამჟამად პრეზიდენტის მოვალეობას ვიცე პრეზიდენტი ალექსანდრე ჩივაძე ასრულებს.

მომზადებულია "ინტერპრესნიუსის" მიხედვით

"შევურაცხვყვეთ, როგორც სტუმარი გუნდის ქომაგი, ასევე არ მიეცა საშუალება ნაკრებს ქომაგებთან ერთად გამარჯვება ეზეიმა" - ლევან კობიაშვილი სომხეთთან მატჩის შემდეგ გულშემატკივრის ნაწილის მოედანზე შეჭრას გამოეხმაურა