- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლეგენდასთან - ნაწყვეტები დავით ქლიბაძის წიგნიდან "დრიბლინგი"
<p>ხალხით გაჭედილ ტრიბუნაზე ოდესაში სავაჭროდ ჩასულმა ფოთელმა ებრაელებმა იყვირეს: რის თურქები, რა თურქები - ბორიაა, პაიჭაძე, ჩვენები არიან ესენიო <br> დასასრული, <a href="/tags.html?tags=92484-დავით+ქლიბაძის+წიგნი+დრიბლინგი" target="_blank"><span style="color: #ff0000;"><strong>იხილეთ დასაწყისი</strong></span></a></p><p>...1971 წლის შემოდგომაზე შემომთავაზა, ბათუმში წავყოლოდი - ჩემს უახლოეს მეგობარს, საშა ელიავას, 60 წელი უსრულდება, გადავწყვიტეთ გემით ოდესაში გამგზავრება და იქ ძველებურად გასეირნებაო.</p><p>საშა ელიავამ ფეხბურთის თამაში ფოთში დაიწყო, კარიერა თბილისის "დინამოში" გააგრძელა. შემდეგ დიდხანს იცავდა ბათუმის "დინამოს" ღირსებას, ამ გუნდის მწვრთნელიც იყო. კოლორიტული გარეგნობით, იუმორით, ხელგაშლილობით, თქვენ წარმოიდგინეთ, კულინარიული ხელოვნებითაც სახელგანთქმულმა მარტოხელა კაცმა დიდებულად გვიმასპინძლა თავის ძველ მეგობარს, ბათუმის "დინამოს" გულშემატკივართა კერპს, ვეტერან ფეხბურთელ გენო მენაბდეს, კინოოპერატორ ჯონი ჭანტურიას და მე.</p><p>იშვიათად თუ გამოიდარებდა, აღარც ცურვის სეზონი იყო და მაშინდელ სტალინის ქუჩაზე, ფოსტის სიახლოვეს, ბატონი საშა ელიავას ბინაში დილიდან საღამომდე ვისმენდი ძველი ფეხბურთელების მოგონებებს.</p><p>მეგობრები პეკა (პეტრე) დემენტიევს აქებდნენ ყველაზე მეტად - მისთვის ბურთის წართმევა შეუძლებელი იყოო. "დინამოს" სტადიონის აშენებამდე თბილისში, პლეხანოვის პროსპექტზე, კინოთეატრ "აპოლოს" სიახლოვეს, მრავალსართულიანი, თაღიანი სახლის უკან, გვერდითი ხაზებიდან სამი მეტრის დაშორებით მაყურებლებისაგან ერთმანეთზე გადაბმული რკინის მილებით გამოყოფილ მოედანზე, თბილისისა და ლენინგრადის დინამოელთა ამხანაგური მატჩის შემდეგ ჩვენი ფეხბურთელები ერთმანეთს აჩვენებდნენ ჩალურჯებულ გვერდებს, პეკასაგან მოტყუებულები, მოედანზე თავს ვეღარ იკავებდნენ და იმ რკინის მილებზე სარეცხივით გადაეკიდებოდნენ ხოლმეო, - ჩვეული იუმორით გაიხსენა მასპინძელმა.</p><p>ასეთი დრიბლიორი საერთოდ არც მინახავსო, - დაუმატა ბატონმა ბორისმა. ორივემ ძალიან აქო ვსევოლოდ ბობროვი. ედუარდ სტრელცოვიც მოსწონდათ, მაგრამ რუს ფეხბურთელებში უძლიერესად მაინც გრიგორი ფედოტოვი მიაჩნდათ - რადგან მხოლოდ მას, ერთადერთს, შეეძლო დაცვასაც დახმარებოდა, ცენტრიდან კომბინაცია წამოეწყო და ზუსტი დარტყმით დაემთავრებინა ნებისმიერ სიტუაციაში, სხვადასხვა დისტანციიდან.</p><p>თბილისში ჯერ არ იყვნენ გადმოსული, ფოთის გუნდს გორლოვკაში რომ ჩააკითხეს ოდესის ფეხბურთის მესვეურებმა და შველა სთხოვეს - აფიშები კარგა ხანია გამოკრულია, ბილეთებიც გაიყიდა, მაგრამ თურქების გუნდმა ჩამოსვლა გადაიფიქრა და დიდ სკანდალს გადავურჩებით, თუ გვიხსნით - სხვა ფორმას ჩაგაცმევთ და ვინღა მიხვდება, სადაურები ხართო. დათანხმდნენ ფოთელები, ოდესაში ჩავიდნენ, აჭრელებული ფორმები ჩაიცვეს...</p><p>პირველი ტაიმი მთავრდებოდა, როცა ხალხით გაჭედილ ტრიბუნაზე ოდესაში სავაჭროდ ჩასულმა ფოთელმა ებრაელებმა იყვირეს: რის თურქები, რა თურქები - ბორიაა, პაიჭაძე, ჩვენები არიან ესენიო. არაფერი დაუშავებიათ, თუმცა იმის დანახვა კი მოვასწარით, მაყურებლები როგორ გადმოეშვნენ მოედანზე. მერე ფოთშიც ჩამოაღწია ამბავმა, ამ საქმის ინიციატორებისთვის თავზე ხელი რომ არ გადაუსვამთო, - იღიმებოდა ბატონი საშა.</p><p>სხვათა შორის, თერთმეტი წლის შემდეგ, ეროსი მანჯგალაძესთან ერთად ბათუმში ყოფნისას გადავიღეთ ეროსის ინტერვიუ საშა ელიავასთან, რომელმაც კიდევ უფრო საინტერესო დეტალებით შელამაზებული ეს კურიოზული ამბავიც გაიხსენა.</p><p>ბატონ ბორისს თბილისში ცდკა-სა და "დინამოს" იმ ცნობილ მატჩზეც ვკითხე, პირველი ტაიმი მასპინძლებმა 1:4 რომ წააგეს.</p><p>"1936 წლის სეზონში ჩვენი მწვრთნელი ალექსეი სოკოლოვი ლენინგრადის დინამოელმა, იმ დროის ერთ-ერთმა ყველაზე ცნობილმა ფეხბურთელმა და მწვრთნელმა, მიხეილ ბუტუსოვმა შეცვალა, - იგი არ მალავდა, რომ ლენინგრადიდან სრულიად უსაფუძვლოდ გამოშვებული, განაწყენებული იყო და საგანგებოდ გვამზადებდა თავის ყოფილ გუნდთან შესახვედრად.</p><p>სწორედ მაშინ დავიწყეთ ახალი ტაქტიკური ელემენტის ათვისება - თამაშის მიმდინარეობისას ფორვარდების ადგილების ცვლა, რაც მოულოდნელი უნდა ყოფილიყო ლენინგრადელთა გუნდისთვის. მაგრამ მანამდე, წინა ტურში, როცა მოსკოველმა არმიელებმა პირველი ტაიმი 4:1 მოგვიგეს, ბუტუსოვმა შესვენებისას გადაწყვიტა ჩვენი ახალი ტაქტიკის გამოყენება.</p><p>გავედით მოედანზე მეორე ტაიმში და თავბრუ დავახვიეთ მოსკოველთა დაცვას - ჯერ მიშა ბერძენიშვილმა ზუსტად დაარტყა პენალტი, მერე ასლან ხარბედიამ გაიტანა ორი გოლი და ანგარიშიც გათანაბრდა, მე ხომ პირველ ტაიმში შევაგდე ბურთი, თამაშის დამთავრებამდე ხუთი წუთით ადრე კი გაიოზ ჯეჯელავას ულამაზესი დარტყმით კიდევ ერთი გოლი გავიდა და გავიმარჯვეთ 5:4.</p><p>ამის შემდეგ ჯერ ლენინგრადის "დინამოს" მოვუგეთ 4:1 და ბუტუსოვიც გავახარეთ, ბოლო ტურში მოსკოვის "დინამოც" მივაყოლეთ - ის ერთადერთი გოლი მე გავიტანე და მეორე ადგილზე გავედით. მომდევნო სეზონში უკვე სულ ამ ტაქტიკით ვთამაშობდით, მოგვიანებით სხვა გუნდებმაც მოგვბაძეს, ამიტომ ახლა ძალიან მიკვირს, მოსკოვის "დინამოს" და მიხეილ იაკუშინს რომ მიაწერენ ხოლმე ჩვენი გუნდის შემოღებულ სიახლეს", - გვიამბო "მოხეტიალე ფორვარდად" მონათლულმა ბორის პაიჭაძემ ბათუმში გატარებულ იმ ერთ-ერთ წვიმიან დღეს...</p><p>1977 წლის ზაფხულში "დინამოსა" და ვოროშილოვგრადის "ზარიას" მატჩის ბოლო წუთებზე დაწყებულ არეულობას დიდი ხმაური მოჰყვა. "საქმის გასარჩევად" საკავშირო სპორტკომიტეტის თავმჯდომარის მოადგილე ვალენტინ სიჩი ჩამოვიდა.</p><p>ჩვენი ტელერადიოკომიტეტის თავმჯდომარის, გურამ ენუქიძის კაბინეტში ბატონი ბორისი და მე წამმზომებით ხელში ერთად ვიგერიებდით სიჩის შემოტევებს. მატჩის ვიდეოჩანაწერის ჩვენების დროს იგი თავის წამმზომს დასჩერებოდა, მაგრამ მაინც დაიწყო მტკიცება, რომ ლიტველ არბიტრს, იუშკას, შეეძლო მხოლოდ ერთი წუთი დაემატებინა და არა ოთხი, როგორც დაკარგული დროის ჩვენი წამმზომებით დაფიქსირების შემდეგ კიდევ ერთხელ დადასტურდა.</p><p>ბატონი ბორისი ძლივს იკავებდა თავს, სიჩი კი ჯიუტობდა, თუმცა პირდაპირ ვუთხარი, რომ მისი წამმზომი ურევდა.</p><p>რატომღაც მგონია, რომ იმ დროსაც, როცა ბორის პაიჭაძე საყვარელ საქმეს საბოლოოდ ჩამოაშორეს და მის ნაცვლად "დინამოს" სტადიონის დირექტორად ფეხბურთისათვის სრულიად უცხო ადამიანი დანიშნეს, ხელისუფლებაში მყოფთ ისევ ახსოვდათ თბილისიდან უკან, მოსკოვში მიმავალი ვალენტინ სიჩის უკმაყოფილო სახე.</p><p>რასაკვირველია, დღეს უფრო იოლია, ამ ფაქტორითაც ავხსნათ უმადურობა, რაც, სამწუხაროდ, არასოდეს ყოფილა ჩვენთვის უცხო და ძნელად შესაგუებელი.</p><p>P.S. 1983 წლის ზაფხულში ფოთში ჩავედი ბორის პაიჭაძის წინა თაობის ფეხბურთელების გასაცნობად. შალვა პაიჭაძემ, კაკო ჟღენტმა და იონა ყურუამ კინოკამერის წინ თავიანთი ქალაქის საფეხბურთო ცხოვრების იმდენი საინტერესო ეპიზოდი მიამბეს, რომ მერე სხვებსაც დიდხანს ვუყვებოდი, თუმცა ფოთში გადაღებული ის ინტერვიუ ორჯერ გადასცა ჩვენმა ტელევიზიამ.</p><p>უფულო ფოთელი ფეხბურთელებისათვის ინვენტარი კონტრაბანდულად რომ შემოჰქონდათ, იქიდან შემორჩენილ ბურთის გასაბერ ტუმბოს თბილისში ჩემი ძმა დღესაც სათუთად ინახავსო, მითხრა შალვა პაიჭაძემ (ჩემი მეგობრის, კაკო ლეჟავას მეზობლების, ვალერიან და ანზორ პაიჭაძეების ოჯახში მართლაც ვნახე ის "ნასოსი").</p><p>იონა ყურუას ფოთის პორტში შემოსული იტალიური გემის, "ბრეშას" ეკიპაჟის ფეხბურთელთა გუნდისა და ფოთელების მატჩის ყველა დეტალი ახსოვდა - გაგვაოცეს "დატსკი უდარითო", მითხრა და ფეხის მოძრაობითაც წარმოგვიდგინა ის დარტყმა, რომელმაც მე მაშინვე თბილისის დინამოელის, ბორის ხასაიას თამაში მომაგონა. კაკო ჟღენტმა რამდენჯერმე გაიმეორა, როგორ გაუკვირდათ ფოთელებს, როცა მას, გამოცდილ მცველს, 17 წლის ბორია პაიჭაძემ "ფინტი გაუკეთა".</p><p>შუა ლაპარაკში ვიყავით, უცხო ენაზე მოჟღურტულე ლამაზმა ქალებმა რომ გაიარეს ზღვისპირა სკვერში. რამდენიმე წამით შეწყდა ჩვენი საუბარი და მერე შალვა პაიჭაძე იმ ამბავსაც მოჰყვა, რომელიც ბორის პაიჭაძის უახლოესი მეგობრისა და თანაგუნდელის, მათსავით ფოთელი გიორგი ანთაძისაგან იცოდა: ბორია ძალიან მოსწონდათ ქალებს, განსაკუთრებით კი, რუსეთში დასდევდნენ თურმე.</p><p>ერთხელ მოსკოვში, მეტად მნიშვნელოვანი მატჩის წინა დღეს, მას საგანგებოდ გაუფრთხილებია "დინამოს" სტადიონის საერთო საცხოვრებლის მორიგე, ვინც უნდა დარეკოს, უთხარი, რომ ვარჯიშზე ფეხი ვიტკინე, ექიმმა ერთი დღით სიარული ამიკრძალა და ამიტომ ტელეფონთან ვერაფრით ვერ მივალო...</p><p>გვიან საღამოს ნომერში მორიგე შევიდა შეწუხებული სახით:</p><p>- ბორის, შემჭამეს ქალებმა, ერთმა უკვე მერამდენედ დარეკა. აღარ შემიძლია ამდენჯერ ტყუილის გამეორება! ძალიან გთხოვ, დაელაპარაკე, მეც მოვისვენებ და ისიცო.</p><p>პაიჭაძე წამოდგა და... კოჭლობით წავიდა ტელეფონისკენ.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ევრო 2026 | ლატვია - საქართველო | ევროპის ჩემპიონატის პირველი მატჩი რიგაში
ევრო 2026 | ფუტსალის ნაკრებმა თბილისური შეკრება დაასრულა
ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!
ევრო 2026 | ლატვია - საქართველო | ევროპის ჩემპიონატის პირველი მატჩი რიგაში
მიხაელ აპელგრენი: საქართველო ბევრად უკეთესია ამ ჩემპიონატზე, ვიდრე მეგონა
ტიტე კალანდაძე: ვფიქრობ, შვედეთთან მატჩში არ გვქონდა საბრძოლო სულისკვეთება
ლუის ენრიკეს მოულოდნელი გადაწყვეტილება - "სპორტინგისა" და პსჟ-ს შემადგენლობები ცნობილია
"არსენალი" "ინტერის" მცველის შეძენას შეეცდება
რაფინია დაბრუნდა, ტორესმა ლაზარეთში გადაინაცვლა - "ბარსელონამ" ფეხბურთელების ჯანმრთელობის მდგომარეობაზე ინფორმაცია გამოაქვეყნა
"არ მომწონს, როდესაც ჩვენი ფანები გვისტვენენ" - ვან დეიკი "ლივერპულის" ქომაგების საქციელზე
ძმის გარდაცვალების გამო კარიერა დაასრულა - კევინ კამპლი ფეხბურთიდან წავიდა
ევრო 2026 | ფუტსალის ნაკრების შემადგენლობა ევროპის ჩემპიონატზე
[VIDEO] ევრო 2026. ცხოვრებაძის 11 გოლი და არსენაშვილის ტრავმა - საქართველოს ნაკრები შვედეთთან დამარცხდა
გიორგი ონიანი "სამგურალის" ახალი მწვრთნელია
ევროპის ჩემპიონატი. საქართველოს ნაკრები რუმინეთთან დამარცხდა
სენეგალში ზეიმია - პრეზიდენტმა უქმე დღე გამოაცხადა
ესპანეთის თასის 1/4-ფინალი - "ალბასეტე" "ბარსელონასაც" გამოაგდებს?
დიანა დევისმა და გლებ სმოლკინმა სპორტულ ცეკვებში გამოსვლა მეექვსე ადგილზე დაასრულეს
COPE: "რეალის" ფეხბურთელები ფანების ქმედებით იმედგაცრუებულები არიან
ალონსო თუ გლასნერი? - "ტოტენჰემი" ფრანკის გათავისუფლებისთვის ემზადება
ნანი და პიანიჩი კარიერას ყაზახეთში გააგრძელებენ - "აქტობეს" შემდეგი სამიზნე გერმანელი ვარსკვლავია
[VIDEO] ოიარსაბალის ულამაზესი გოლი - "ბარსელონას" 9-მატჩიანი მოგებათა სერია "სოსიედადთან" დასრულდა
ჩემპიონთა ლიგის დაბრუნება ქართული დუელით და მატჩები სამ დროს
კარგი ამბავი - ბათუმის "დინამოს" ახალი მფლობელი ჰყავს
რატომ ითამაშა ბორის პაიჭაძემ თურქეთის ნაკრებში?
[ფრაგმენტი ისტორიიდან] დაუბრუნეთ ჯემალ ხერხაძეს ტიტული!
[ოთხშაბათის საკითხავი] სამტრედია, სამტრედია, მუდამ მზიანო!
სამეული - ნაწყვეტები დავით ქლიბაძის წიგნიდან "დრიბლინგი"
ის დღეები... დღეს კოტე მახარაძის დაბადებიდან 90 წელი შესრულდა
"ძალიან დაბალი დონის ჩემპიონატი გვაქვს, ყოველი წელი უარესია" - გიორგი ჭიაბრიშვილი "გარეჯთან" გამარჯვების შემდეგ
სლავა - ნაწყვეტები დავით ქლიბაძის წიგნიდან "დრიბლინგი"
ლეგენდასთან - ნაწყვეტები დავით ქლიბაძის წიგნიდან "დრიბლინგი"
[VIDEO] ბათუმის "დინამოს" "თელავთან" შეხვედრაში სათადარიგო ფეხბურთელი აღარ დარჩა
[იდეა] როგორ უნდა იმატოს მაყურებელმა - სალხინოს დერბი, როგორც მოდელი
სამეული - ნაწყვეტები დავით ქლიბაძის წიგნიდან "დრიბლინგი"
მიშა მაინც სხვა იყო... - ნაწყვეტები დავით ქლიბაძის წიგნიდან "დრიბლინგი"
სად წავიდა 3,9 მლნ ლარი? წყალში გადაყრილი ფულისა და აუშენებელი "ფაზისის" ისტორია
ბათუმის "დინამოს" გასხვისების პროცესი დასრულდა - კლუბს ახალი მესაკუთრე ჰყავს
ბათუმის "დინამომ" 2026 წლის სეზონისთვის მზადება დაიწყო
ლეგენდები: მიხეილ მესხი - ერის სიხარული, რომელსაც გული ატკინეს
რაგბი თუ ფეხბურთი? გამოხმაურება დოკუმენტურ ფილმზე "მდგმურები"
სამეული - ნაწყვეტები დავით ქლიბაძის წიგნიდან "დრიბლინგი"
ხარატიშვილი ჩეხურ კლუბში გადავიდა