- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ადამიანი დროში
<p>საქართველოს და საბჭოთა კავშირის დამსახურებულ მწვრთნელს, ღირსების ორდენოსან ვახტანგ სალუქვაძეს რვა ათეული წლის იუბილე მიულოცეს <br> ტევა არ იყო გუშინ ოლიმპიური ჩემპიონის - ნინო სალუქვაძის ტირში: საქართველოს და საბჭოთა კავშირის დამსახურებულ მწვრთნელს, ღირსების ორდენოსან ვახტანგ სალუქვაძეს მასპინძლებთან ერთად რვა ათეული წლის იუბილე უკრაინელმა სტუმრებმაც მიულოცეს.</p><p>ფედერაციამ ტყვიის სროლაში საქართველოს ყველა დროის საუკეთესო მწვრთნელად აღიარა ოლიმპიური ჩემპიონის აღმზრდელი, ჭაბუკობისას თავად შესანიშნავი ჩუბინი, საერთაშორისო კლასის სპორტის ოსტატი, რომელმაც 1967 წელს საბჭოთა კავშირის ხალხთა IV სპარტაკიადა მოიგო, ექვსჯერ სსრკ ჩემპიონატებსა და რვაჯერ შეიარაღებული ძალების საკავშირო პირველობებში გაიმარჯვა, რომ არაფერი ვთქვათ ვერცხლისა და ბრინჯაოს მედლებზე.</p><p>არადა, ცეცხლის ხაზზე შემთხვევით მოხვდა. ჭაბუკობისას, როგორც ყველა ქართველი, ფეხბურთით იყო გატაცებული. სკოლის დამთავრების შემდეგ სწავლა ოდესის ორწლიან სამხედრო სასწავლებელში განაგრძო. იქ აიღო პირველად პისტოლეტი ხელში. მომავალ ოფიცერს მიზანში ზუსტი სროლა სამსახურებრივად ევალებოდა. 1952 წელს ქვეყნის წინაშე სამხედრო ვალის მოსახდელად ოდესის ოლქში გაანაწილეს. სწორედ იმ წელიწადს მოიგო პისტოლეტიდან სროლაში დივიზიის პირველობა. თუმცა დიდ სპორტში დიდი გამარჯვებები ორმოცდაათიანი წლების მიწურულსა და სამოციან წლებში მოვიდა. წარმატებების მიუხედავად, საბჭოთა სპორტის მამები მაინცდამაინც არ სწყალობდნენ.</p><p>- 1968 წელს რომ დავქორწინდით, ვახტანგი უკვე სახელოვანი სპორტსმენი იყო, - მითხრა იუბილარის მეუღლემ ქალბატონმა ნანულიმ. - ხშირად დადიოდა შეჯიბრებებსა და საწვრთნელ შეკრებებზე. მეც თან დავყავდი. ახალგაზრდა ვიყავი და მიხაროდა. ნინოს შეძენის შემდეგ დედა-შვილი უფრო შინ ველოდებოდით. ახალგაზრდობისას ვახტანგს ბევრი ნერვიულობა შეხვედრია. 1960 წელს იხსენებს ხშირად. მაშინ რომის ოლიმპიადაზე 1958 წლის მსოფლიოს ჩემპიონი მაჰმუდ უმაროვი და ვერცხლის პრიზიორი ალექსანდრ გუშჩინი წაუყვანიათ. არადა, უმაროვისთვის, რომელმაც იტალიის დედაქალაქში 552 ქულით ვერცხლის მედალი მოიპოვა, ყველა შეჯიბრება მოუგია. თანაც იმავე პერიოდში ვახტანგმა მოსკოვში დოსააფის საკავშირო პირველობაზე 557 ქულით გაიმარჯვა. ისე კარგად ყოფილა მომზადებული, ოლიმპიადიდანაც უმედლოდ არ დაბრუნდებოდა.</p><p>- 1962 წელს კაიროში მსოფლიოს ჩემპიონატზე უნდა წავსულიყავი, რადგან საკავშირო პირველობასა და სხვა საკონტროლო ტურნირებზე ყველა კონკურენტს ვაჯობე, მათ შორის - ვლადიმირ სტოლიპინს, რომელმაც ეგვიპტის დედაქალაქში ოქროს მედალი მოიპოვა. საკმარისი გახდა, ავადმყოფობის გამო ერთი შეკრება გამეცდინა, ნაკრების სიიდან ამომრიცხეს, - ნაღვლიანი ღიმილით ამბობს იუბილარი.</p><p>- მამა ჯერ კიდევ მოქმედი მსროლელი გახლდათ და კარგ ფორმაშიც იყო, 1984 წლის ზაფხულში მოსწავლეთა საკავშირო სპარტაკიადაზე ოთხი ოქროს მედალი რომ მოვიპოვე. მაშინ გადაწყვიტა, აქტიური სპორტისთვის თავი დაენებებინა და მთელი ყურადღება ჩემს დაოსტატებაზე გადმოეტანა. წარმატებებს სწორედ მას ვუმადლი. რომ არა მამაჩემი, ექვს ოლიმპიადაში ნამდვილად ვერ ვიასპარეზებდი. მერწმუნეთ, როგორც მშობელზე არ ვამბობ: ნამდვილად ღირსია, ტყვიის სროლაში ჩვენთან ყველა დროის საუკეთესო მწვრთნელად რომ აღიარეს. მას ხომ ქართველების გარდა, ყოფილი საბჭოთა კავშირის ახალგაზრდული ნაკრების წევრებზეც დიდი ამაგი მიუძღვის.</p><p>ნინო სალუქვაძის სიტყვები კიდევ ერთმა ოლიმპიურმა ჩემპიონმა, ოდესელმა სპორტის დამსახურებულმა ოსტატმა იაკობ ჟელეზნიაკმაც დაადასტურა:</p><p>- ნახევარი საუკუნეა, ვახტანგ სალუქვაძესთან ვმეგობრობ. ბიჭი ვიყავი, ის რომ გავიცანი თბილისში 1960 წელს უკრაინა-საქართველოს მსროლელთა ამხანაგური მატჩისას. მომდევნო წელს ლვოვში შეიარაღებული ძალების საკავშირო ჩემპიონატში შევხვდით ერთმანეთს. მისი რჩევა-დარიგებები გამომადგა - სპორტის ოსტატის ნორმა შევასრულე. ამიტომ თამამად შემიძლია ვთქვა, რომ ვახტანგ სალუქვაძე ჩემი არა მარტო მეგობარი, არამედ მასწავლებელიც იყო. ახალგაზრდებს გვიყვარდა მასთან ურთიერთობა, როგორც მაშინდელი სროლის მეტრთან, რომელიც ზოგიერთივით ფარშევანგის იერით კი არ დადიოდა, არამედ უბრალოებითა და იუმორის ნიჭით გვხიბლავდა. მე, ოდესელს, იუმორით რომ გამაკვირვებს კაცი!.. სწორედ ასეთი იყო ჩვენი ვახტანგი და ასეთად დარჩა ამ 50 წლის განმავლობაში, რაც კი ვიცნობ. აქტიურ სპორტს რომ ჩამოვშორდი, მის შემდეგაც ხშირად ვეძებდი საბაბს მასთან შესახვედრად. ახლა კი საბაბმა თავად მომძებნა - როგორ შეიძლებოდა ვახტანგ სალუქვაძის 80 წლის იუბილეზე არ ჩამოვსულიყავი საქართველოში.</p><p>და კიდევ ერთი: მამა-შვილმა სასწაული ჩაიდინა. რაც ნინო სალუქვაძემ ვახტანგის დახმარებით გააკეთა, ეს ფანტასტიკაა. სეულის ოლიმპიადაზე ოქრო-ვერცხლის მოპოვების შემდეგ გავიდა ოცი წელიწადი და ნინო სალუქვაძე კვლავ ავიდა კვარცხლბეკზე - ბრინჯაო მოიპოვა ოცი წლის შემდეგ. მსგავსი რამ მსოფლიო სპორტის ისტორიაში არ მახსენდება.</p><p>- ასეთი რამ მხოლოდ სალუქვაძეებს შეეძლოთ ჩაედინათ. უკრაინელი მსროლელების სახელით ვულოცავ ბატონ ვახტანგს იუბილეს, - მეგობრის ნააზრევი უკრაინის სროლის ფედერაციის ვიცე-პრეზიდენტმა, იქაურ ჩუბინთა მთავარმა მწვრთნელმა ანატოლი კუქსამ დაასრულა.</p><p>სანამ სტუმრებს ვესაუბრებოდი, იუბილარი მილოცვებს იღებდა. ტყვიის სროლის განვითარებაში შეტანილი განსაკუთრებული წვლილისთვის ვახტანგ სალუქვაძე სპორტის მინისტრმა ლადო ვარძელაშვილმა, სეოკ-ის პრეზიდენტმა გია ნაცვლიშვილმა, თბილისის მერიის სპორტის სამსახურის უფროსმა მერაბ ჩიქობავამ და სხვებმა დაასაჩუქრეს. იუბილარს სამახსოვრო ჯილდოები უკრაინელმა მეგობრებმაც გადასცეს.</p><p>ლადო ვარძელაშვილი: "ბატონო ვახტანგ, იუბილეს გილოცავთ და დიდხანს სიცოცხლეს გისურვებთ. თქვენ საქართველოს ოლიმპიური ჩემპიონი ნინო სალუქვაძე აღუზარდეთ. კვლავაც ბევრი წარმატებული სპორტსმენი აღგეზარდოთ. მადლობა ნაყოფიერი მუშაობისთვის."</p><p><strong></p><p>ყოველდღიური სპორტული გაზეთი "ლელო"</strong></p><p>.</p>
პარალიმპიადაზე ლადო ჭინჭარაულმა ვერცხლის მედალი მოიპოვა
საქართველოს ტყვიის მსროლელთა ნაკრები ევროპის ჩემპიონია
ნინო სალუქვაძე ოლიმპიურ თამაშებზე მეათედ იასპარეზებს
20 წ. | მსოფლიომდე ინგლისთან
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
ლეგენდა მიდის - "ლიონის" მთავარი თავდამსხმელი მიქაუტაძე გახდება
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია
[VIDEO] ლობჟანიძემ MLS-ში საგოლე პასი შეასრულა
[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა
სკანდალი. "მსაჯი რეციდივისტი და მძარცველია - მამარდაშვილის მომენტის გამო პენალტი არ უნდა დანიშნულიყო" - ესპანური მედია
[VIDEO] მამარდაშვილის მოგერიებები, "აკიდებული" პენალტი და "ვალენსიას" ათმატჩიანი წაუგებელი სერიის შეწყვეტა