- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
მშვილდოსნობა. ევროპის ჩემპიონატი: ქალების ისტორიული წარმატება
<p>ქართველი ქალები გუნდური პირველობის ფინალში გავიდნენ და 29 მაისს ოქროს მედლისთვის უკრაინას შეხვდებიან <br> ბრიტანულ ნოტინგემში მიმდინარე მშვილდოსანთა ევროპის ჩემპიონატზე ჩვენებმა ერთი მთავარი ამოცანა - ვაჟებში ლიცენზიის მოპოვება ვერ შეძლეს, მაგრამ ისტორიულ წარმატებას მიაღწიეს ქალებმა - გუნდური პირველობის ფინალში გავიდნენ და 29 მაისს ოქროს მედლისთვის უკრაინას შეხვდებიან.</p><p>სამწუხაროდ, პირად პირველობაში კონტინენტის პირველობის პლეი ოფს ჩვენები ნაადრევად დაემშვიდობნენ.</p><p>ჩვენი ქალთა ნაკრები - მსოფლიოს ვიცე-ჩემპიონი <strong>ქრისტინე ესებუა, იულია ლობჟანიძე</strong> და ევროპის ვიცე-ჩემპიონი <strong>ხათუნა ნარიმანიძე</strong> პლეი ოფში მეთორმეტე ნომრად შევიდა და ფინალში გააღწია, თუმცა საამისოდ ორჯერ დასჭირდა დამატებითი სერია.</p><p>თავდაპირველად ეს ძლიერ ბელორუსთან დასჭირდათ, სადაც ძირითადი დროც ფრედ დასრულდა (4:4) და დამატებითი სერიაც (27:27), მაგრამ ჩვენებს ბოლო ისარი ცენტრთან უფრო ახლოს ჰქონდათ და მერვედფინალის საგზურიც ამის ხარჯზე მოიპოვეს. შეხვედრა გარდამავალი უპირატესობით მიდიოდა - მეტოქემ მოიგო პირველი სეტი - 54:51, მაგრამ ჩვენებმა ანგარიში მეორეში გაათანაბრეს: 56:47. ეს სეტი ბელორუსებს აშკარად ჩაუვარდათ და ეკატერინა ტიმოფევაამ... 4-იანშიც კი გაარტყა ერთი ისარი. სამაგიეროდ, მესამეში ზუსტად მოზიდეს მშვილდები და 55:49 მოგვიგეს, მაგრამ სიზუსტეში არც ჩვენები ჩამორჩნენ და საერთო ანგარიში ისევ გაათანაბრეს: 54:52.</p><p>საინტერესოა, რომ დამატებით სერიაში ბელორუსებმაც და ჩვენებმაც ყველა, ექვსივე ისარი 9-იანში მოარტყეს, თუმცა ჩვენების ბოლო ნასროლი გამარჯვების მომტანი აღმოჩნდა - 5:4.</p><p>მერვედფინალში ქართულმა ტრიომ ასეთივე ანგარიშით და ასევე დაძაბულ ბრძოლაში დაამარცხა <strong>ნატო ნასარიძის</strong> გაწვრთნილი თურქეთის ნაკრები.</p><p>უპირატესობა ამ შეხვედრაშიც ხელიდან ხელში გადადიოდა და მეტოქეებმა მონაცვლეობით მოიგეს ორ-ორი სეტი: 51:53; 53:52; 47:55; 55:50. დამატებით სერიაში ერთი ქულა დააკლდა და მორიგი ფრე აღინიშნებოდა, მაგრამ ჩვენებმა 28:27 მოიგეს და ნახევარფინალში გავიდნენ.</p><p>იქ მასპინძელი ბრიტანეთი გვერგო მეტოქედ, რომელმაც მანამ რუსეთი სეტის წაუგებლად გააგდო - 6:0. მაგრამ ჩვენებმა ყველაზე იოლად მათთან იმარჯვეს - 5:3, მხოლოდ მეორე სეტი ჩაატარეს სუსტად და 51:55 წააგეს. მესამე ფრედ დასრულდა - 53:53, პირველსა და მეოთხეში კი ჩვენებმა 56:51 და 53:40 იმარჯვეს.</p><p>ბოლო სერიაში სერიოზული მარცხი მოუვიდა ბრიტანელთა ერთ-ერთ ყველაზე გამოცდილ წევრ ნაომი ფოლკარდს, ვისაც ცოტა დააკლდა, კინაღამ ფარს ააცილა ისარი და მხოლოდ 1 ქულა მიითვალა. თუმცა მას 10-იანიც რომ გაერტყა, ჩვენები მაინც იგებდნენ, რადგან წინა ისარი ამი ოლივერიმაც არაზუსტად ისროლა, 6-იანი მოინადავლა.</p><p>როგორც გითხარით, 29-ში ჩვენები ფინალში უკრაინას შეხვდებიან, რომლის შემადგენლობაშიც ამჯერად ანასტასია პავლოვა, ვერონიკა მარჩენკო და ლიდია სიჩენიკოვა გამოდიან.</p><p>თუმცა ნოტინგემის უნივერსიტეტის სასროლეთზე თავდაპირველად პირადი პირველობის მონაწილეები გავიდნენ, რომლებმაც ჯერ ევროპის ჩემპიონატის პლეი ოფი დაასრულეს. იქ ქალებშიც და ვაჟებშიც მხოლოდ თითო ჩუბინი გვყავდა შემორჩენილი.</p><p>იმათგან უფრო წარმატებით <strong>ლაშა ფხაკაძემ</strong> იასპარეზა, ვინც გუშინწინდელ ორ მოგებას გუშინ კიდევ ერთი მიაყოლა - რუსი ალექსანდერ კოზინი 6:4 დაამარცხა და მერვედფინალში გავიდა. თუმცა ეს არ ყოფილა იოლი, რადგან რუსმა პირველი სეტი 28:27 მოიგო. ფხაკაძემ მყისვე გაათანაბრა საერთო ანგარიში, როცა მეორეში 29:28 იმარჯვა, მესამე ფრედ დასრულდა - 26:26, მეოთხეში კი ფხაკაძემ იმავე ანგარიშით იმარჯვა, რომლითაც მეორე მოიგო - 29:28. გადამწყვეტი, მეხუთე სეტიც ფრედ, 27:27 დასრულდა და საერთო ანგარიში 6:4 გახდა ფხაკაძის სასარგებლოდ.</p><p>მერვედფინალში ჩვენებური ტურნირის მთავარ ფავორიტს, საკვალიფიკაციო ეტაპის მომგებ ფრანგ ჟან-მიშელ ვალადონტს შეხვდა და 2:6 წააგო. ფხაკაძეს აქტივში ბოლო ორი სეტის ფრედ დასრულება თუ ჩაეთვლება (28:28; 27:27, თუმცა მესამე სერიაში პირველი ისარი 8-იანშიც გაარტყა), თორემ პირველი ორი წააგო: 27:28; 28:29.</p><p>თავს იმით თუ დავიმშვიდებთ, რომ ქართველი მომავალ ფინალისტთან დამარცხდა - ვალადონტმა მომდევნო წრეებშიც წარმატებით იასპარეზა და 29 მაისს ოქროს მედლისთვის იასპარეზებს, სადაც მისი მეტოქე თურქი მატე გაზოზი იქნება. იმავე დღეს ბრინჯაოს მედლისთვის ბრიტანელი პატრიკ ჰისტონი და ფრანგი დანიელ ლუკასი იასპარეზებენ.</p><p>ქალთა ტურნირში გუშინ ხათუნა ნარიმანიძე გამოდიოდა, თუმცა პირველივე შეხვედრაში 2:6 წააგო ზემოხსენებულ უკრაინელ ანასტასია პავლოვასთან. ქართველმა ცუდად დაიწყო ასპარეზობა და თავიდან ორი სეტი 25:26 და 23:28 დათმო. მესამეში კი შეძლო მობილიზება და 28:26 მოიგო, მაგრამ მეოთხე ისევ ერთქულიანი დეფიციტით - 27:28 დათმო და ბრძოლასაც გამოეთიშა. დასანანია, რომ ეს სეტი ბოლო გასროლით წააგო.</p><p>პავლოვა ნახევარფინალამდე მივიდა, სადაც თანაგუნდელ მარჩენკოსთან დამარცხდა და 29-ში ბრინჯაოს მედლისთვის გერმანელ ლისა უნრუს შეხვდება, მთავარ ფინალში ჩემპიონობისთვის კი მარჩენკო და რუსი ტუიანა დაშიდორჯიევა ისვრიან. აღსანიშნავია, რომ ვალადონტის მსგავსად, დაშიდორჯიევაც შესარჩევი ეტაპის გამარჯვებულია.</p><p>საღამოს ნოტინგემში უკვე ოლიმპიადის საკვალიფიკაციო ტურნირი დაიწყო, სადაც ჩვენგან მხოლოდ ვაჟები გამოდიოდნენ, რადგან ქალებში გვაქვს გუნდური ლიცენზია. პირველი წრე ორმა ჩვენებურმა გადალახა: ფხაკაძემ და <strong>ვლადიმერ დოლიძემ</strong>.</p><p>ფხაკაძემ ხორვატ ალენ რემარს 7:3 მოუგო. ესეც დაძაბული პაექრობა გამოდგა და სამი სეტის შემდეგ საერთო ანგარიში თანაბარი იყო - 3:3. ფხაკაძემ ამის შემდეგ გატეხა მეტოქე და მომდევნო ორი სეტი 29:24; 26:25 მოუგო. ჩვენებური მომდევნო წრეშიც ახლოს იყო გამარჯვებასთან, მაგრამ ფინელ ანტტი ტეკონიემთან გადასროლაში 5:6 დამარცხდა. თუმცა მას მოგება დამატებით სერიაშიც შეეძლო - მინიმუმ, ფრედ დასრულებაც კი შემდეგ ეტაპზე გაიყვანდა.</p><p>დასაწყისში სამი სეტი გარდამავალი უპირატესობით წარიმართა - ჯერ ჩვენებურმა 29:25 მოიგო, მერე 26:28 დათმო, ამას კი 29:28 გამარჯვება მიაყოლა და საერთო ანგარიშშიც დაწინაურდა: 4:2. მეოთხე სეტი ფრედ დასრულდა, 29:29 და მეხუთეში ფხაკაძეს ფრეც ჰყოფნიდა, მაგრამ ცუდად ისროლა და 26:30 წააგო. ამით საერთო ანგარიში გათანაბრდა და დამატებითი გასროლა დაინიშნა, სადაც ფხაკაძეს ცუდად არ უსვრია, მაგრამ ფინელი შეუდარებელი იყო: 10:9 მოიგო. ყურადღება მიაქციეთ - ფინელმა ბოლო ოთხი ისარი (სამი დამატებით სერიაში და ერთიც გადასროლაში) 10-იანში მოარტყა, რაც მის მტკიცე ნერვებზე მიუთითებს.</p><p>დოლიძემ პირველ წრეში ესტონელ იანუშ გროსს 6:4 მოუგო. ამ შეხვედრაში მის სასარგებლოდ ორი მომენტია აღსანიშნავი: ჯერ იყო და, პირველი წაგებული სეტი (27:29) იქვე ამოუქაჩა მეტოქეს (29:25), გამარჯვება კი ბოლო სეტში წარმატებით მოიპოვა. იქამდე ანგარიში 4:4 იყო, რადგან მესამე-მეოთხე სეტებიც მეტოქეებმა რიგრიგობით მოიგეს (28:26; 26:27), ბოლოს კი ქართველმა 28:27 იმარჯვა. სამწუხაროდ, მეორე წრეში ვერც დოლიძე ვერ გახდა ვერაფერს და სლოვენიელ გასპერ სტაჟართან 1:7 წააგო. ჩვენი მესამე მონაწილე ჯაბა მოსეშვილი პირველივე შეხვედრაში დამარცხდა ესტონელ მარტინ რისტთან: 2:6.</p><p>ამდენად, ბრიტანეთში ჩვენები ულიცენზიოდ დარჩნენ. ვაჟებს საგზურების მოპოვების ბოლო შანსად ივნისში ანტალიაში გასამართავი მსოფლიოს თასი რჩებათ, რომელიც ასევე სალიცენზიო სტატუსისა იქნება. ოღონდ, ახლანდელისგან განსხვავებით, იქ პირადთან ერთად საგზურები გუნდურშიც გაიცემა - პირველში ოთხი, მეორეში კი - სამი.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები
თეა წულუკიანი მშვილდოსნობის ფედერაციას შეხვდა
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
დე ძერბი: პსჟ - "ინტერის" მატჩისას კინოს ვუყურებ
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
"შედარება მესისთან?" - რა თქვა ლამინ იამალმა
"იცი ჩვენს შორის რა განსხვავებაა?" - თოფურიამ მახაჩევს უპასუხა
დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...
[VIDEO] სერიამ კულმინაციას მიაღწია - იოკიჩს მხარი მარიმ აუბა და "დენვერმა" "ოკლაჰომა" დაამარცხა
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
ევროპის დიდი პრიზი: ქართველი მშვილდოსანი ქალების მორიგი წარმატება
რიო 2016: ქართველი მშვილდოსნები გუნდურში მედლების გარეშე დარჩნენ
პრეზიდენტი გაურკვევლობაში - ინტერვიუ ხათუნა ნარიმანიძესთან
ანტალიის ტურნირი: ჩვენი ქალებიდან საუკეთესო ქრისტინე ესებუა იყო
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
ბიჭები ახლებურად ივარჯიშებენ - ინტერვიუ თამაზ ფუტკარაძესთან
მშვილდოსნობა. ევროპის დიდი პრიზი: ქრისტინე ესებუა ფინალშია!
რიო 2016. ხათუნა ნარიმანიძე უკრაინელთან დამარცხდა
რიო 2016: ქრისტინე ესებუამ ინდოელის ბარიერი ვერ დასძლია
მშვილდოსნობა. ევროპის ჩემპიონატი: წყვილად შემორჩნენ
მშვილდოსნობა. ევროპის ჩემპიონატი: რას მოვარტყამთ ნოტინგემში?
საქართველოს ჩემპიონატი: ის ურჩევნია მამულსა - დედა-შვილის შერკინება
ანტალიის ტურნირი: დაგვრჩა მხოლოდ ქრისტინე ესებუა
რიოს 2016: ქართველი ოლიმპიელების განრიგი 7 აგვისტოს
დედა შვილს არ აიყვანსო - ინტერვიუ თამაზ ფუტკარაძესთან
საქართველოს მშვილდოსან ქალთა ნაკრებმა "ევროპის დიდი პრიზი" მოიგო
რიო 2016: ქართველი ოლიმპიელების განრიგი 10 აგვისტოს
ნატო ნასარიძე: ერთი ოლიმპიური ციკლი ისევ თურქეთში ვიქნები, მერე კი ვნახოთ...