- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ევრო 2016. F ჯგუფი. ავსტრია-უნგრეთი: უნგრეთმა დერბი მოიგო [VIDEO]
![ევრო 2016. F ჯგუფი. ავსტრია-უნგრეთი: უნგრეთმა დერბი მოიგო [VIDEO]](images/new_photo/01/2016/UCXOURI/1-15JUN/kiraly.jpg)
<p>კირაი ევროს თამასას მაღლა სწევს <br> <strong><span style="font-size: x-small;">* უნგრეთის ნაკრების მეკარე გაბორ კირაი გახდა ევროპის ჩემპიონატების ისტორიაში ყველაზე ხანდაზმული მონაწილე - 40 წლისა და 74 დღის.</p><p>* მან ლოთარ მათეუსის შედეგი გააუმჯობესა, რომელიც 39 წელსა და 91 დღეს შეადგენდა.</p><p>* კირაიმ უნგრეთის ნაკრების ისტორიაში პირველად შეინახა კარი მშრალად ევროპის ჩემპიონატებზე.</p><p>* უნგრეთი გახდა მე-4 გუნდი ევრო 2016-ზე, რომელმაც 2 გოლის გატანა შეძლო.</p><p>* ალეკსანდარ დრაგოვიჩი გახდა მეორე ფეხბურთელი, რომელიც ტურნირზე გააგდეს.</p><p></span></strong></p><p>ავსტრია-უნგრეთის შეხვედრაში ფავორიტად ავსტრიელებს მიიჩნევდნენ, მაგრამ გამარჯვება უნგრელებმა მოიპოვეს. შესაძლოა, ეს არ იყოს ძალიან დიდი სენსაცია, მაგრამ შედეგს მოულოდნელი ეთქმის. ავსტრიამ შესარჩევი ეტაპი შესანიშნავად განვლო, ერთი ამოსუნთქვით გაიარა და ნაკლებად მოსალოდნელი იყო, თუ უნგრეთთან ასე უშანსოდ წააგებდა.</p><p><p><div style="text-align: center;"><strong><span style="color: #ff0000;">ტაქტიკა და სასტარტო შემადგენლობები</span></strong></div></p> ავსტრიამ იმ ტაქტიკით ითამაშა, რომლითაც მთელი შესარჩევი ეტაპი გაიარა. შეტევის წინა ხაზზე იანკო მოქმედებდა, სიღრმიდან კი მას ჰარნიკი, იანუზოვიჩი და არნაუტოვიჩი ეხმარებოდნენ. ავსტრიელთა ლიდერი და მთავარი იმედი ალაბა, ბაუმგარლტლინგერთან ერთად, საყრდენ ხაზს ამაგრებდა. აღსანიშნავია, რომ ავსტრიელთა შვეიცარიელი მწვრთნელი მარსელ კოლერი იშვიათად ცვლის ტაქტიკას და არც ფეხბურთელთა როტაცია უყვარს - ნაცად ტაქტიკა-შემადგენლობას დაეყრდნო, რომელმაც ამჯერად არ გაუმართლა.</p><p>უნგრელთა გერმანელმა თავკაცმა ბერნდ შტორკმა ფრთხილი ტაქტიკა აირჩია და ფეხბურთელები 4-5-1 სქემით განალაგა. წინა ხაზზე ტანმაღალი სალაი გაუშვა, უკნიდან კი ერთბაშად ხუთი ნახევარმცველი დაუყენა. მარცხენა ფრთაზე მოქმედებდა უნგრელთა ყველაზე ცნობილი ფეხბურთელი და გუნდის ლიდერი ბალაჟ ჯუჯაკი.</p><p><p><div style="text-align: center;"><strong><span style="color: #ff0000;">გოლები</span></strong></div></p> 0:1 -ორივე გოლი მეორე ტაიმში გავიდა და ორივე ერთობ ეფექტური გამოვიდა. ანგარიში სალაიმ 62-ე წუთზე გახსნა, რომელმაც კლაინჰაისლერთან ბურთი შესანიშნავად გაითამაშა და ბადეში გაახვია. ტანმაღალმა და თითქოს, მოუქნელმა ფორვარდმა შესანიშნავი კოორდინაცია გამოავლინა და ურთულეს ვითარებაში გადაგზავნა ბურთი კარის ჩარჩოში.</p><p>0:2 - მეორე გოლი მაშინ გავიდა, როდესაც ავსტრია დიდი ძალებით იყო გადასული მეტოქის ნახევარზე და თანაც, კაცნაკლული თამაშობდა. შესაბამისად, ავსტრიელებს ზონები მოშიშვლებული ჰქონდათ - 82-ე წუთზე შეცვლაზე შესული შტიბერი მეკარესთან პირისპირ დარჩა და ბურთი ტექნიკური, რბილი დარტყმით გადაგზავნა ბადეში.</p><p><p><div style="text-align: center;"><strong><span style="color: #ff0000;">მატჩის შემდეგ</span></strong></div></p> <strong>მარსელ კოლერი</strong> (ავსტრია): "თამაში კარგად დავიწყეთ და ანგარიშის გახსნის შესანიშნავი შანსიც გვქონდა. მატჩის დიდი ნაწილი, უპირატესობას ვფლობდით, მაგრამ ეს შედეგში ვერ ავსახეთ. გოლის გაშვება ყოველთვის სამწუხაროა, მაგრამ ჩვენ ყველაზე ცუდ დროს გაგვიტანეს - უნგრეთს ფრთები შეესხა და შემდეგ მეორეც გაგვიტანა. რთულ ვითარებაში ვართ, მაგრამ ბრძოლა გრძელდება და ვეცდებით, რომ მერვედფინალის საგზური მოვიპოვოთ".</p><p><strong>ბერნდ შტორკი</strong> (უნგრეთი): "უნგრეთის ნაკრები შეკრული გუნდია. ჩვენ კარგად ვიცნობთ ავსტრიას, ვიცით მათი ძლიერი მხარეები და სუსტიც. ჩვენი წარმატების მიზეზი კი ისაა, რომ შევძელით მეტოქის ყველაზე მნიშვნელოვანი მოთამაშეების თამაშიდან გამოთიშვა. შემდეგი მეტოქე ისლანდიაა, ასევე ძლიერი გუნდი, რომელმაც საკვალიფიკაციო ეტაპი ბრწყინვალედ გაიარა. მიხარია უნგრელი ფანების გამო, მათ გახარებულ სახეებს რომ ვუყურებ".</p><p><p><div style="text-align: center;"><strong><span style="color: #ff0000;">მატჩის გმირი</span></strong></div></p> ეს არ იყო მატჩი, რომელშიც ერთმა ფეხბურთელმა გაიბრწყინა და ყველასგან გამოირჩა. უნგრეთმა გუნდური თამაშით სძლია მეტოქეს და ამ წარმატებაში თითოეულმა ფეხბურთელმა თანაბარი წვლილი შეიტანა. მატჩის გმირად შეგვიძლია ადამ სალაი შევრაცხოთ, რომელმაც ურთულეს ვითარებაში შეძლო გოლის გატანა, ანგარიშის გახსნა და უნგრეთის გამარჯვებას დაუდო სათავე.</p><p><p><div style="text-align: center;"><strong><span style="color: #ff0000;">მსაჯი</span></strong></div></p> მატჩის არბიტრი ფრანგი კლემან ტურპენი გახლდათ, რომელმაც დაკისრებულ მოვალეობას თავი კარგად გაართვა. უხეში შეცდომა არ დაუშვია და ზოგადად, შეუმჩნეველი იყო, რაც მსაჯისთვის ყველაზე დიდი კომპლიმენტია. მან 66-ე წუთზე დრაგოვიჩი გააძევა მოედნიდან და ავსტრია კაცნაკლული დატოვა, რისთვისაც მას ვერავინ გაამტყუნებს.</p><p><p><div style="text-align: center;"><strong><span style="color: #ff0000;">ანალიზი</span></strong></div></p> დარჩა შთაბეჭდილება, რომ უნგრელებმა უფრო კარგად იცოდნენ, თუ რა უნდა ეკეთებინათ მოედანზე. მათთვის მთავარი საკუთარი კარის უსაფრთხოება იყო, გოლის შეგდებას კი კონტრშეტევებზე ცდილობდნენ. უნგრელებმა ორგანიზებული ფეხბურთი ითამაშეს და სწორედ ამის ხარჯზე მიაღწიეს გადამწყვეტ უპირატესობას. შტორკის შეგირდები ვერ გამოირჩევიან უბადლო ტექნიკით, მაგრამ სწორი თამაშით ცდილობენ ამ ნაკლის კომპენსირებას, რაც ავსტრიელებთან შეხვედრაში ძალიან კარგად გამოუვიდათ.</p><p>უნგრელებმა არაერთი სახიფათო მომენტი შექმნეს და კიდევ უფრო დიდი ანგარიშით შეეძლოთ მოგება. ფაქტია, რომ უნგრელთა ერთი შეხედვით, მოუხეშავი და მოუქნელი შეტევები ხშირად სრულდებოდა კარში დარტყმით, ორჯერ კი ბურთი ბადეში აღმოჩნდა. უნგრეთმა იმაზე უკეთესი შთაბეჭდილება დატოვა, ვიდრე ამის მოლოდინი იყო საფეხბურთო ევროპაში, ან გნებავთ, მსოფლიოში.</p><p>აი, ავსტრიამ კი აშკარად გააწბილა გულშემატკივარი, რადგან შესარჩევ ეტაპზე ნაჩვენები შესანიშნავი თამაშის შემდეგ ამ გუნდისგან ასეთ უსუსურ გარჯას არავინ ელოდა. უნგრელების არ იყოს, ვერც ავსტრიელები დაიკვეხნიან ტექნიკით და როდესაც არც სხვა კომპონენტებში ვარგიხარ, წარმატების იმედი არ უნდა გქონდეს. კოლერის შეგირდები თამაშობდნენ ნელ ტემპში, ფანტაზიის გარეშე, ასე კი რთულია თუნდაც ლოკალური წარმატების მიღწევა.</p><p>პერიოდულად ალაბა ცდილობდა თამაშის საკუთარ თავზე აღებას და რამდენჯერმე გაისროლა კიდეც მეტოქის კარის მიმართულებით, მაგრამ ერთი მერცხალი რომ გაზაფხულს ვერ მოიყვანს, ცხადზე უცხადესია. საერთოდ დაკარგული იყო ავსტრიელთა კიდევ ერთი გამორჩეული ფეხბურთელი, მარკო არნაუტოვიჩი, რომელიც ფლანგიდან ირჯებოიდა, მაგრამ სახეირო არაფერი გაუკეთებია.</p><p>მთლიანობაში, უნგრეთმა აშკარად აჯობა მეტოქეს და სრულიად დამსახურებული გამარჯვება მოიპოვა. ამ მოგებით, შტორკის შეგირდებმა დიდი ნაბიჯი გადადგეს მერვედფინალისკენ, თუმცა წინ კიდევ ორი რთული მატჩია...</p><p><p><div style="text-align: center;"><strong><span style="color: #ff0000;">დასკვნა</span></strong></div></p> კიდევ ერთხელ გამოჩნდა, რომ ფეხბურთში პროგნოზების კეთება უმადური საქმეა. უნგრეთის ნაკრებმა ფავორიტად შერაცხული ავსტრია დაამარცხა და, რაც მთავარია, თამაშით აჯობა მეტოქეს. უნგრეთი მერვედფინალს მიუახლოვდა, ჩვენ კი იმედი დავიტოვოთ, რომ ავსტრიის ნაკრები მსოფლიოს 2018 წლის ჩემპიონატის შესარჩევ ეტაპზეც ასევე იასპარეზებს.</p><p><p><div style="text-align: center;"><strong><span style="color: #ff0000;">whoscored.com-ის ტოპ-5</span></strong></div></p> ზოლტან გერა უნგ. 8,4</p><p>ტამაშ კადარი უნგ. 8,1</p><p>გაბორ კირაი უნგ. 7,4</p><p>ადამ ნადი უნგ. 7,3</p><p>რიჩარდ გუზმიჩი უნგ. 7,3</p><p><p><div style="text-align: center;"><a href="/euro2016video.html?view=video&video=7715" target="_blank" style="font-size: x-small; line-height: 15.808px; text-align: center;"><span style="color: #ff0000;"><strong>იხილეთ ვიდეო</strong></span></p><p><img src="pictures/artimages/image16/c1de018f43fb2893af93281f7c0d2953.jpg" border="0" alt="Sportall.Ge" title="ევრო 2016. F ჯგუფი. I ტური: უნგრეთის ნაკრებმა ავსტრია დაამარცხა [VIDEO]" /></a></div></p></p><p><span style="text-decoration: underline;">14 ივნისი. ბორდო. "სტად დე ბორდო"</p><p></span><strong><em>ავსტრია-უნგრეთი 0:2</p><p></em></strong>გოლები: 0:1 სალაი (62. კლაინჰაისლერი), 0:2 შტიბერი (87. პრიშკინი)</p><p>ავსტრია (4-2-3-1): ალმერი - კლაინი, დრაგოვიჩი, ჰინტერეგერი, ფუხსი - ბაუმგარტლინგერი, ალაბა - ჰარნიკი (78. შიოპფი), იანუზოვიჩი (60. ზაბიტცერი), არნაუტოვიჩი - იანკო (65. ოკოტიე)</p><p>უნგრეთი (4-5-1): კირაი - ფიოლა, გუზმიჩი, ლანგი, კადარი - ნემეცი (89. პინტერი), ნადი, გერა, კლაინჰაისლერი (79. შტიბერი), ჯუჯაკი - სალაი (69. პრიშკინი)</p><p>გაფრთხილება: ნემეცი (უნგრეთი)</p><p>გაძევება: დრაგოვიჩი (66. ავსტრია)</p><p>კუთხური: 4-4; ჯარიმა: 10-16; თამაშგარე: 0-1; კარში დარტყმა: 13-15 (3-8); ბურთის ფლობა: 48%-52%.</p><p>მაყურებელი: 34 424</p><p><strong>ყოველდღიური სპორტული გაზეთი "ლელო"</strong></p>
საქართველოს ამერიკული ფეხბურთის ნაკრების წარმატება
"ლივერპულს" კვლავ განადგურების შეეშინდა - უცხოური მედია "დინამოს" ტრიუმფს იხსენებს
მიზანი ერთია, დიადი ნათელი - ცნობილი გახდა ანჩელოტის ამოცანა და ხელფასი
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
უნგრელი ფეხბურთელი მძიმე ტრავმის შემდეგ სამშობლოში დაბრუნდა
თურქეთმა მცველის დუბლით ავსტრიას მოუგო და 1/4-ფინალში ნიდერლანდებს შეხვდება [VIDEO]
რაულ გონსალესის ბოლო აკორდი
ევრო 2016-ის ამბები: სრნა ხორვატიას დაემშვიდობა
ევრო 2016. უნგრეთის ნაკრები: დიდი გუნდის დაბრუნება?
ლევანდოვსკიმაც ვერ უშველა - ავსტრიამ პოლონეთს სძლია [VIDEO]
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
ჰუნტელაარის შემცვლელი? ჯერ არა!
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
ინგლისის ნაკრები: სათადარიგო გეგმა არ იყო
თურქეთმა უნგრეთს მოუგო - ისევ ესპანეთთან თამაში მოგვიწევს? [VIDEO]
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
მყესი გაწყვეტილია: კლაას-იან ჰუნტელაარისთვის პირველი წრე დამთავრდა
ფეხბურთელები, რომლებიც მხოლოდ ნაკრებში თამაშობენ...
უნგრელთა მწვრთნელი: ჩვენ ან საქართველო ისევე უნდა ვიყოთ დაცულები როგორც გერმანია, ინგლისი და იტალია
ევრო 2016: ოლსენი, იბრა, კირაი და სხვები - პლეი ოფის გმირები
საქართველოს ნაკრებში რომ არ ეთამაშა - ანტალ იააკობიშვილს უნგრეთის ეროვნულ გუნდში უხმეს
სომხეთის მარცხი ფარერებთან და ჩერჩესოვის "ისტორიული შედეგი"
საფრანგეთმა ავსტრიას მოუგო - მბაპე საავადმყოფოში გადაიყვანეს [VIDEO]
ავსტრიამ აზერბაიჯანი დაამარცხა და ევრო 2024-ზე გავიდა
ტანში ჟრუანტელი რომ დაგივლის - უნგრეთის ნაკრების კაპიტნის სიტყვა [VIDEO]
გერმანია შვეიცარიასთან წაგებას გადაურჩა - უნგრეთმა 90+10-ე წუთზე გატანილი გოლით შოტლანდიას მოუგო [VIDEO]
იტალიისა და გერმანიის ნაკრებებმა მილანში ამხანაგური მატჩი დაგეგმეს
ავსტრია D ჯგუფში პირველია - საფრანგეთი მეორე [VIDEO]
ბუნდესლიგის XV ტური ”ჰოფენჰაიმმა” "აინტრახტის" დამარცხებით გახსნა
სანიოლის აუხდენელი სურვილი - საქართველოს ნაკრები კვლავ ესპანეთს შეხვდება [VIDEO]
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს