ლადო ბურდული: დიდი იმედი მაქვს, ჩემი დაბრუნება გუნდისთვის სასარგებლო იქნება

ბოლნისის "სიონის" გენერალური დირექტორი პარალელურად არმაზ ჯელაძის ასისტენტად იმუშავებს ბოლნისის "სიონმა" ჩემპიონატის დაწყებამდე რამდენიმე ძლიერი ფეხბურთელი კი შეიმატა, მაგრამ ქვეყნის პირველობა ზედიზედ 4 მარცხით დაიწყო. მთელ რიგ შემთხვევებში "სიონის" თამაშის ხარისხი ცუდი არ არის, მაგრამ შედეგი არ ჩანს. ისიც ითქვა, რომ შესაძლოა, გუნდი მთავარმა მწვრთნელმა არმაზ ჯელაძემ დატოვოს, რაზეც "სიონის" გენერალურმა დირექტორმა ლადო ბურდულმა გვითხრა, რომ ჯელაძე მთავარ მწვრთნელად რჩება და ისიც დასძინა, რომ თავადაც უბრუნდება სამწვრთნელო ასპარეზს.მოგეხსენებათ, ბურდული ერთხელ უკვე იყო "სიონის" საჭესთან და მაშინ ბოლნისურმა კლუბმა საქართველოს ჩემპიონატში წარმატებით ითამაშა - ევროპალიგის საგზური მოიპოვა.მოკლედ, ის დროა, სიტყვა მივცეთ ლადო ბურდულს...- რა თქმა უნდა, სტარტი ძალიან ცუდია. ყველა ფეხბურთელი, გუნდის ყველა თანამშრომელი მობილიზებული უნდა იყოს იმისთვის, რომ სიტუაცია რაც შეიძლება მალე გამოსწორდეს. ძალიან მოკლე ჩემპიონატია, მაგრამ მიუხედავად ამისა, ჩვენ გვაქვს დრო, რომ გამოვასწოროთ ყველაფერი. მე ვპირდები "სიონის" ყველა გულშემატკივარს, ყველა ბოლნისელს, რომ გუნდი აუცილებლად შეინარჩუნებს ადგილს უმაღლეს ლიგაში.- რამდენად დიდია არმაზ ჯელაძის ნდობის ვოტუმი?- არმაზს ბოლომდე ვენდობით. ის გუნდში რჩება და ჩვეულებრივ აგრძელებს მუშაობას. ჩვენ მას სრულ ნდობას ვუცხადებთ. ამ ეტაპზე არ მიგვაჩნია საჭიროდ გუნდში ახალი მთავარი მწვრთნელის მოყვანა. უბრალოდ, შექმნილ სიტუაციაში, მას შემდეგ, რაც მე და არმაზმა ვისაუბრეთ, გადავწყვიტეთ, რომ დავუბრუნდე სამწვრთნელო საქმეს და ვიყო მთავარი მწვრთნელის ასისტენტი.სხვათა შორის, ეს თავად არმაზის ინიციატივა იყო. მოგეხსენებათ, უკვე მაქვს სამწვრთნელო გამოცდილება და ძალიან გავიხარებ, თუ დღეს ის "სიონს" გამოადგება. ახლა ისეთი სიტუაციაა კლუბში, რომ ბოლომდე უნდა შევიკრათ ყველა. ვესაუბრე ბოლნისელ გულშემატკივრებს და უნდა გითხრათ, რომ მათი დიდი იმედიც მაქვს. დარწმუნებული ვარ, ყველა საშინაო თამაშში ჩვენს მოწინააღმდეგეს ნამდვილ საფეხბურთო ჯოჯოხეთს მოვუწყობთ.- არადა, მთელ რიგ შემთხვევებში "სიონი" ცუდად არ თამაშობს...- უნდა დაგეთანხმოთ. თუნდაც გორში გამართული ბოლო შეხვედრა ავიღოთ. ჩემი აზრით, სულ მცირე, ფრეს ვიმსახურებდით. იყო მსაჯის პატარა შეცდომები, ოღონდ, რა თქმა უნდა, არა - შეგნებული. ადამიანები ვართ, ყველანი ვცდებით...და მაინც, მთავარი შედეგია. მე მჯერა, რომ "სიონის" აღმავლობა დაიწყება "ზუგდიდთან" შეხვედრაში.- გუნდში რაიმე ცვლილებები ხომ არ არის?- გადავწყვიტეთ, კონტრაქტი შევუწყვიტოთ მეკარე ალექსანდრ ილუშჩენკოვს. ასევე გავწყვიტეთ ხელშეკრულება ლაშა შინდაგორიძესთან.- რა თქმა უნდა, გაძლიერება დაგჭირდებათ...- აუცილებლად დაგვჭირდება და დავიმატებთ კიდეც ახალ ფეხბურთელებს უახლოეს მომავალში, მათ შორის - ლეგიონერსაც. მას სერიოზული "სივი" აქვს. დავიმატებთ ორ მეკარესაც.- თქვენ უკვე მოსინჯეთ ძალა სამწვრთნელო ასპარეზზე. რა განსხვავებაა მაშინდელ და ახლანდელ ბურდულ-მწვრთნელს შორის?- ალბათ, მთავარი არის ის, რომ მეტად გამოცდილი გავხდი. ფეხბურთშიც ასეა და ცხოვრებაშიც - ადამიანი შეცდომებზე სწავლობს. ასაკი გვემატება, ვფიქრობთ, სად და როდის დავუშვით შეცდომები, რა და როგორ უნდა გამოვასწოროთ... მართალია, ბოლო დროს "სიონის" დირექტორის პოსტზე ვმუშაობ, მაგრამ ყველა დამერწმუნება, რომ მივლინებას თუ არ ჩავთვლით, გუნდის ერთი ვარჯიშიც კი არ გამიცდენია. მაქსიმალურად ახლოს ვიყავი და ვარ ფეხბურთელებთან, მათი ჭირითა და ლხინით ვცხოვრობდი და ვცხოვრობ.ერთიც უნდა ვთქვა - მას შემდეგ, რაც დირექტორად გადავინაცვლე, არასოდეს ჩავრეულვარ "სიონის" არცერთი მწვრთნელის საქმეში...- ალბათ, ზედმეტი ემოციებიც საბოლოოდაა უკან მოტოვებული...- გეხსომებათ, ამის გამო ხანგრძლივი დისკვალიფიკაციით დავისაჯე. მაშინ საკუთარ თავს სიტყვა მივეცი, რომ მსაჯის კომპეტენციაში არასოდეს ჩავერეოდი. მაქსიმუმ, შეიძლება იყოს სუფთა პროფესიული მსჯელობა კითხვა-პასუხის რეჟიმში, მეტი არაფერი. რა უნდა მოხდეს, ეს პირობა რომ დავარღვიო?!. მოკლედ, ძალიან დიდი იმედი მაქვს, რომ ჩემი დაბრუნება სამწვრთნელო ასპარეზზე წარმატებული იქნება "სიონისთვის".კიდევ ერთხელ ვიტყვი: ახლა ის დროა, რომ ყველა ერთ მუშტად შევიკრათ.(იბეჭდება მცირე ცვლილებით)ყოველდღიური სპორტული გაზეთი "ლელო"

დილა გორი-s

ამდენ რამეს თუ აკეთებს ეს ადამიანი, ძეგლი უნდა დაუდგან ბოლნისში ) . ისე, მისცენ ეს კლუბი საკუთრებაში, მასზე უკეთესად ვერავინ მიხედავს .
გიგა

ვა კაია მერე ეგ. ეს კაცი ყოველთვის საქმეს აკეთებს. სიონისთვის იმენა გადამკვდარია. მიდი ლადო მიხედე საქმეს ამ გუნდს გავარდნა არ ეკადრება და ჩვენ ფანებს გვჯერა რომ გადაარჩენ ამ სირცხვილს სონს. წარმატებები ბურდულს და ყველა სიონის ფეხბურთელს მოიხოდეთ ბიჭებოოოოოოოოოოო.
DINAMO

მიდი ლადო მიაწექი ხო იცი შენ უშველი სიონს დაანახე ამ უმადურებს რისი შნოც გაქვს
დილა გორი

ამ კაცრს საერთოდ რაუნდა კაციშვილმა არიცის მწვრთნელია დირექტორია ფიზ მომზადებასაც ითავტსებს ექიმი და ღამე დარაჯის ფუნუქციასაც იითავსებს ჩამოყალიბ/დი ლადუკა ბოლოს და ბოლოს რა გინდა.
joni

კარგი ფეხბურთელი იყო, ტექნიკური. მაგრამ ზარმაცი, ხშირად ეხვევოდა ინტრიგებში თავისი უდისწიპლინობით. მაშასადამე ვერ გამოდგება ვერც მწმთვნელად და ვერც საკლუბო ფუნქციონერად. პატივის ცემით>

ლიდერი შეიცვალა... "დილა" პირველია; ფოთელებმა კი "იბერია 1999"-ს მოუგეს

ბასილაძის ჰეთ-თრიქი; ფრე კახურ დერბიში; გაგრას ზედიზედ მეოთხე მოგება

ალთუნაშვილი "იბერია 1999-ში" დაბრუნდა

7-კაცა | მზადება დაიწყო - ახალი მწვრთნელით, ახალი სისტემით და გაფართოებული შემადგენლობით

ყველაფერს ითვლიან - მესი და რონალდო ერთმანეთს გაფუჭებულ პენალტებშიც მიუახლოვდნენ

"ბრაზილიის ნაკრების შემდეგ მხოლოდ ამ კლუბში დავბრუნდები" - კარლო ანჩელოტი

ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს

უმტიტიმ 31 წლის ასაკში კარიერა დაასრულა

"კვარასთვის" გადამწყვეტი მომდევნო 24 საათი იქნება" - პსჟ-ს დირექტორი

აბიდალმა თავისი გარდაცვალების ცნობა უარყო

ესპანეთში ლუკა გაგნიძის დებიუტი შედგა - ქართველი მწვრთნელმა შეაქო

შესანიშნავი ამბავი - კვარაცხელიას ტრავმა სერიოზული არ აღმოჩნდა და მისი დაბრუნების თარიღი ცნობილია

იყო გმირი, ახლა კი ზოგიერთი მოღალატეს უწოდებს - ჯოკოვიჩს მთავრობასთან დაპირისპირების გამო სერბეთის დატოვება მოუწია

"ყველაზე მეტად მე ვიტანჯები" - ამორიმი წაგებული მანჩესტერული დერბის შემდეგ

"რეალი" ესპანეთში მსაჯობის მდგომარეობასთან დაკავშირებით FIFA-ში საჩივარს შეიტანს

დათხოვნიდან 1 კვირაში შესაძლოა, კვლავ პრემიერ ლიგაში დასაქმდეს - ესპირიტო სანტუს ახალი ვარიანტი აქვს

სალაჰი უკვე მეოთხეა - ეგვიპტელის მორიგი მიღწევა პრემიერ ლიგაში

ბერნარდო სილვა სერია A-ში? - ფეხბურთელი იტალიურ გრანდს შესაძლოა, უფასოდ შეუერთდეს

[VIDEO] პირდაპირ კუთხურიდან ჩაახვია - დი მარიას საოცარი გოლი არგენტინის ჩემპიონატში

[PHOTO] ყველაფერი სახეზე ეტყობა - პსჟ-ის პრეზიდენტის რეაქცია კვარაცხელიასა და მისი თანაგუნდელების ტრავმის შემდეგ

"დაველოდოთ სამედიცინო პერსონალის ტესტის პასუხებს" - ლუის ენრიკეს პირველი კომენტარი კვარაცხელიას ტრავმაზე

64 წლის შემდეგ გადაწერილი ისტორია - მოდრიჩი 40 წლის ასაკშიც შესანიშნავ ფორმაშია

"შტურმი" კიტეიშვილი გარეშე სახლში დამარცხდა

"გაგრამ " "ტორპედო" მინიმალური ანგარიშით დაამარცხა [VIDEO]

ბოლნისის "სიონმა" "საბურთალო" დაამარცხა [VIDEO]

საქართველოს ორი ჩემპიონი ერთმანეთის პირისპირ - შესამჩნევი იაპონელი და განელებზე კარგი შთაბეჭდილებით

"ისეთები გვითხრა, მზად ვიყავით რუსეთის ნაკრები შეგვეჭამა!" - ლადო ბურდულმა მოჰყვა, როგორ აუმაღლა ივო შუშაკმა მოტივაცია საქართველოს ნაკრების ფეხბურთელებს რუსეთთან მატჩამდე

უმაღლესი ლიგის VIII ტურის წინ: ლიდერთა ჯახი "წითელ ჯგუფში"

"საქართველოს ნაკრების ფეხბურთელები ვერ ახდენენ საკუთარი თავის 100 %-ით რეალიზებას"

სიონი-დინამო (ბთ) 0:3 - ელგუჯას თამაში [VIDEO]

ეროვნული ლიგა. XIV ტური. "სიონი" - "დილა" [LIVE]

ეროვნული ლიგა. XVII ტური. "ტორპედო" - "სიონი" [LIVE]

ლადო ბურდული: ძალიან არ მსიამოვნებს ამის თქმა, მაგრამ "ყარაბაღი" ფავორიტია...

ლადო ბურდული: შეიძლება, ფეხბურთელებს ეს აღარც ახსოვდეთ...

[სპეციალისტის აზრით] "ჩიხურამ" და "ბათუმმა" კარი როგორმე "მშრალად" უნდა შეინახონ

ლადო ბურდული: ბოლნისის "სიონი" არ გავარდება!

ქართველები ვარსკვლავთა მატჩში - სავარაუდო შემადგენლობა

ბოლნისის "სიონში" მთავარ მწვრთნელად კობა ჟორჟიკაშვილს უხმეს?

უმაღლესი ლიგის X ტურის წინ: ყოველმხრივ არაპროგნოზირებადი...

სიონი-სამტრედია 0:3 - "სამტრედიამ" "სიონი" დააქვეითა [VIDEO]

ეროვნული ლიგა. XXX ტური. "სიონი" - "დინამო" თბ [LIVE]