<p>"ბარსელონას" შენება დასრულებულია <br> სატრანსფერო ზაფხული ბოლოსწინა დღეს კატალონიურ-ვალენსიური როქით დასრულდა - "ბარსელონამ" "ვალენსიას" შეტევის ლიდერი პაკო ალკასერი იყიდა და "ღამურებში" იჯარით მუნირ ელ ჰადადი გაუშვა.</p><p>2016/17 წლების სეზონის "ბარსელონა" საბოლოოდ დაკომპლექტდა, ტორტის ბოლო ნაჭერი საკმაოდ მსუყედ გამოიყურება - "ვალენსიასა" და ესპანეთის ნაკრების ფორვარდი პაკო ალკასერი "ბარსელონასთვის" შეუტევს.</p><p>"მარკას" ინფორმაციით, "ღამურებს" ეს ტრანსფერი 30 მილიონი ევროთი გაამდიდრებს, რომელსაც მომავალში დაახლოებით 2 მილიონი ევრო ბონუსებად დაემატება (ეს თანხა მოგვიანებით, ოფიციალურმა წყარომაც დაადასტურა). პაკომ სამედიცინო შემოწმება ადრევე, მადრიდში გაიარა, ამიტომ უბრალოდ საჭირო იყო ხელშეკრულებაზე ხელის მოწერა და მედიის წინაშე ახალი მაისურით გამოჩენა.</p><p>ალკასერმა 2021 წლამდე გააფორმა ხელშეკრულება. ამ ხუთი წლის განმავლობაში მისი მსურველი კლუბი "ბარსელონასთან" წინადადებით და 100-მილიონიანი ჩეკით უნდა მივიდეს. ტრანსფერის ნაწილია მუნირ ელ ჰადადის "ბარსადან" "ვალენსიაში" ერთწლიანი იჯარით გადასვლა.</p><p>ლუის ენრიკეს თავიდან კევინ გამეიროს შეძენა სურდა, მაგრამ კატალონიელებს "ატლეტიკომ" დაასწრო, ამიტომ ფრანგი ფორვარდის ალტერნატივად მწვრთნელმა პაკო დაისახა და მიზანსაც მიაღწია. სხვათა შორის, პაკო 23 წლის სწორედ გუშინ გახდა და შესანიშნავი საჩუქარიც მიიღო.</p><p><p><div style="text-align: center;"><strong><span style="color: #ff0000;">139 მილიონი "ვალენსიასთვის"</span></strong></div></p> პაკომ გზა "მესტალიიდან" "კამპ ნოუმდე" უკვე გაკვალული ბილიკებით გაიარა. ბოლო წლებში "ბარსელონაში" "ვალენსიას" ფეხბურთელებზე დიდი მოთხოვნაა და მათში კარგადაც იხდიან. ბოლო ექვს სეზონში "ვალენსიამ" 5 ფეხბურთელი გაყიდა "ბარსელონაში" და ჯამში 139 მილიონი ევროც მიიღო. შეგახსენებთ, რომ ამ სეზონში "ღამურებმა" ესპანეთის ჩემპიონს ევროპის ჩემპიონი ანდრე გომეში მიჰყიდეს, რომლის სანაცვლოდაც 35 მილიონი ევრო მიიღეს, ბონუსებად კი 20 მილიონ ევროს ელიან.</p><p><p><div style="text-align: center;"><strong><span style="color: #ff0000;">გამონაკლისი</span></strong></div></p> "ბარსელონაში", როგორც წესი, არ სწყალობენ ესპანელ ფორვარდებს - გუნდი ან ადგილობრივი კადრებით კომპლექტდება შეტევაში, ან ლეგიონერებით. წარმოიდგინეთ, 1980 წლის მერე "ბარსამ" მხოლოდ 10 ესპანელი ფორვარდი დაიმატა. პირველი ქუინი იყო, ბოლო კი პაკოა.</p><p>ბოლო 16 წელიწადში კატალონიელებმა ერთადერთი ესპანელი ცენტრფორვარდი იყიდეს, დავიდ ვილია. ეს 2010 წელს მოხდა (სხვათა შორის, ეს ტრანსფერიც "ვალენსიადან" განხორციელდა). ვის არ ნახავდით "ბარსას" შეტევის ხაზში: რონალდოს, სავიოლას, რონალდინიოს, ლუის სუარესს, რივალდოს, ჰენრიკ ლარსონს, ზლატან იბრაჰიმოვიჩს, ტიერი ანრისა და სხვებს, მაგრამ იშვიათი გამონაკლისის გარდა, იქ ნაყიდი ესპანელი ფორვარდები არ თამაშობდნენ. ვილია "ბარსელონას" ისტორიაში ყველაზე მეტი გოლის ავტორია ნაყიდ ესპანელ ფორვარდებში - "ელ გუახემ" "ბარსას" მაისურით 119 მატჩში 48 გოლი გაიტანა.</p><p><p><div style="text-align: center;"><strong><span style="color: #ff0000;">ვინ არის პაკო?</span></strong></div></p> პაკო ვალენსიას მხარეში, ქალაქ ტორენტში დაიბადა. "ვალენსიაში" (და "ხეტაფეში" იჯარით) მან სამ სეზონში 146 მატჩი ითამაშა. 2014 წლის სექტემბერში მას დებიუტი ესპანეთის ეროვნულ ნაკრებში ჰქონდა. 13 სანაკრებო მატჩში მან 6 გოლი გაიტანა. ბოლო სეზონში პაკო გარი ნევილმა "ვალენსიას" კაპიტნად დანიშნა.</p><p><p><div style="text-align: center;"><strong><span style="color: #ff0000;">მესის, სუარესისა და ნეიმარის გვერდით</span></strong></div></p> პაკო ალკასერი: "როცა კი გავიგე "ბარსელონას" ინტერესის შესახებ, პირდაპირ ვუთხარი კლუბის პრეზიდენტს, რომ გავეშვი, რადგან ეს კარგი იქნებოდა ჩემი კარიერისთვისა და "ვალენსიასთვის". ზოგი, ალბათ, ვერ გაიგებს ჩემს გადაწყვეტილებას, მაგრამ იმედია, პატივს სცემენ მას.</p><p>"ვალენსია" ყოველთვის დარჩება ჩემს გულში და როცა საშუალება მომეცემა, აუცილებლად ვივლი "მესტალიაზე" "ვალენსიას" საქომაგოდ. ძალიან მონდომებული ვარ და ერთი სული მაქვს, როდის დავიწყებ ჩემი კარიერის ახალ ეტაპს. ჩემთვის დიდი პატივია მესის, სუარესისა და ნეიმარის თანაგუნდელობა. ეს სამი ფეხბურთელი მსოფლიოში საუკეთესოებად მიმაჩნია".</p><p>ფეხბურთელი ახლა ესპანეთის ნაკრებს შეუერთდება და "ფურია როხასთან" ერთად ბელგიასთან მატჩისთვის მოემზადება.</p><p><p><div style="text-align: center;"><strong><span style="color: #ff0000;">საკადრო რევოლუცია სათადარიგოთა სკამზე</span></strong></div></p> მაშ ასე, ლუის ენრიკემ დაასრულა გუნდის დაკომპლექტება. რა შეცვალა მან? "ბარსა" საკმაოდ აქტიური იყო, ბევრი ფეხბურთელი დაიფერთხა და ბევრიც აიყვანა. მაგრამ გუნდს, თითქოს, არც გაუყიდია და არც უყიდია სასტარტო თერთმეტეულის წევრი. ლუის ენრიკეს საკადრო რევოლუცია ძირითადად სათადარიგოთა სკამს შეეხო.</p><p>ახლა გუნდს ჰყავს პაკო, რომელიც საქვეყნოდ ცნობილ ტრიდენტს დაეხმარება. გუნდში ანდრე გომეში, დენის სუარესი, შუახაზს გააძლიერებენ; სამუელ უმტიტი და ლუკა დინი დაცვას გააძლიერებენ, იასპერ სილესენი კი, სავარაუდოდ, ტერ შტეგენის შემცვლელი იქნება.</p><p>"ბარსელონადან" ამ ზაფხულს 13 ფეხბურთელი წავიდა და მხოლოდ ორს ეთქმოდა სასტარტო თერთმეტეულის წევრი (ბრავო, დანი ალვეში). 13-დან 5 გაანათხოვრეს, 8 კი საბოლოოდ გაყიდეს (ან თავისუფალ აგენტებად წავიდნენ). ახლა კი მხოლოდ დრო გამოაჩენს, რამდენად მართალი იყო ლუის ენრიკე, როცა ეს საკადრო რევოლუცია ჩაიფიქრა.</p><p><p><div style="text-align: center;"><strong><span style="color: #ff0000;">ამბიციური გამოწვევა</span></strong></div></p> მუნირ ელ ჰადადი "ვალენსიას" ფეხბურთელია. ის "ღამურებს" პაკოს "ხურდაში" ერგო - 20 წლის ფორვარდი ამ სეზონში იჯარით ითამაშებს "მესტალიაზე". მან უკვე მიიღო მე-9 ნომერი, რომელიც აქამდე სწორედ ალკასერის საკუთრება იყო.</p><p>მუნირმა "სელტაში" გადასვლაზე უარი თქვა, მაგრამ "ვალენსიაში" სიამოვნებით წავიდა. პაკო აიესტარანის გუნდს სეზონის ბოლოს მუნირის გამოსყიდვა შეუძლია, თუკი 12 მილიონ ევროს გადაიხდის, რაც არც ისე დიდი თანხაა ესპანეთის ნაკრების ახალგაზრდა ფორვარდის სანაცვლოდ.</p><p>"ძალიან ბედნიერი ვარ "ვალენსიაში" გადმოსვლით. ჩემთვის ეს ამბიციური გამოწვევაა. ასეთ შანსს ხელიდან ვერ გავუშვებდი. "ვალენსია" დიდი კლუბია, ის ყოველთვის ტოპ-გუნდი იყო და იმედი მაქვს, რომ ისევ დაუბრუნდება ამ დონეს. ჩემი მხრიდან ყველაფერს გავიღებ "ვალენსიას" წარმატებისთვის. დარწმუნებული ვარ, რომ აქ კიდევ უფრო გავიზრდები, როგორც ფეხბურთელი", - განაცხადა მუნირმა.</p><p><strong>ყოველდღიური სპორტული გაზეთი "ლელო"</strong></p>
ლუნინი "რეალს" მხოლოდ ერთ შემთხვევაში დატოვებს
40 წლის კაზორლას გოლი - "ოვიედო" ლა ლიგაში დაბრუნდა
"რეალის" ფეხბურთელი შეიძლება "ფენერბაჰჩეში" გადავიდეს
გუგეშაშვილი "პაოკში" წარადგინეს - ძირითადი მეკარე გუნდს ტოვებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
U21. საქართველო-ესპანეთი 2:5 - კითხვები ალექსანდრე ჩივაძის მიმართ [VIDEO]
რჩება მამარდაშვილი და ალისონი - კელეჰერი ზაფხულში "ლივერპულიდან" წავა
ერთი ქართველი წავიდა, მეორე მიდის - ჩაკვეტაძის დამატება "ვალენსიას" სურს
[VIDEO] ასე გააცილეს მამარდა "მესტალიადან"
"დორტმუნდს" მილანის "ინტერთან" 2 ლიდერი ვერ დაეხმარება
მაროკო მუნირის მათ ნაკრებში თამაშის უფლების მოპოვებას ცდილობს
პაკო ალკასერი ესპანეთში აპირებს დაბრუნებას
ვინ სად გადავიდა? - ბოლო სატრანსფერო დღის გარიგებები
48 მლნ ევრო მცველში - მადრიდის "რეალმა" მესამე ტრანსფერი განახორციელა
[VIDEO] გიორგი ქოჩორაშვილმა საქართველოს დამოუკიდებლობის დღეს "ლევანტეს" ლა ლიგაში დაბრუნება საკუთარი ქვეყნის დროშით აღნიშნა
ჩემპიონთა საერთაშორისო თასი: "ბარსამ", "რეალმა" და "ჩელსიმ" მოიგეს [VIDEO]
"ბარსელონამ" "ესპანიოლთან" ელ ჰადადის დუბლით მოიგო [VIDEO]
მუნირს მსოფლიოს ჩემპიონატზე მაროკოს ნაკრებში თამაშის უფლება არ დართეს
"ბარსელონაში" გადასვლა ძვირად დაუჯდა - გარსია სახლიდან ვეღარ გადის
"ლივერპულმა" "მამარდას" შემთხვევაშიც მსგავსი რამ გააკეთა" - "ბარსას" სპორტული დირექტორი
"ბაიერნი" ხავსს ეჭიდება - მიუნხენში იმედოვნებენ, რომ "ბარსელონა" უილიამსს ვერ დაარეგისტრირებს
"ბარსელონამ" მუნირი არენდით "ალავესში" გაუშვა
"მოგწონთ რაც იამალმა გააკეთა? მე არ მომწონს" - გუტიმ "ბარსელონას" ვარსკვლავზე ისაუბრა
მისი აგენტი "ბარსელონას" თავად დაუკავშირდა - ნიკო უილიამსი "ბლაუგრანას" უახლოვდება
"ოკლაჰომა-სიტი" მონსტრი ხდება: კარმელო უესტბრუკთან და ჯორჯთან წავიდა
"იცით, "ალავესის" ფეხბურთელმა რა მითხრა?" - მამარდაშვილი
"დორტმუნდმა" პაკო ალკასერი გამოისყიდა
პსჟ-ს, შესაძლოა, ტრანსფერების განხორციელება აეკრძალოს
იამალი სკანდალში გაეხვია - ვინ არის ესპანელის 30 წლის შეყვარებული, რომელსაც მოკვლით ემუქრებიან?
"დორტმუნდი" ბუნდესლიგაზე პირველად დამარცხდა - თანაც "ფორტუნასთან" [VIDEO]
Corriere dello Sport-მა ტოპ-5 ჩემპიონატის ყველაზე ეფექტური ფორვარდი დაასახელა
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
ბუნდესლიგა. XIII ტური: "დორტმუნდმაც" გაიმარჯვა და "ბაიერნმაც" [VIDEO]