თბილისის "დინამოს" ახალი სპორტული დირექტორი ლევან გაბრიჩიძე "დინამო არენის" მედიადარბაზში ჟურნალისტებს ესაუბრა
თბილისის "დინამოს" ახალი სპორტული დირექტორი ლევან გაბრიჩიძე დღეს, 1-ელ სექტემბერს, "დინამო არენის" მედიადარბაზში ჟურნალისტებს ესაუბრა.

შეგახსენებთ, რომ გაბრიჩიძე "დინამოს" ახალ სპორტულ დირექტორად დღეს გუნდის პრეზიდენტმა რომან ფიფიამ წარადგინა.

ფიფიამ გაბრიჩიძეს გუნდის გაახალგაზრდავება დაუსახა მიზნად.

- რომან ფიფია: დავიღალე გუნდის დაშლით

"პირველ რიგში, დიდი მადლობა მსურს განვუცხადო რომან ფიფიას ნდობისთვის. ერთმანეთს დიდი ხანია ვიცნობთ, "დინამოსთან" დაკავშირებით კარგა ხნის განმავლობაში გავდიოდით კონსულტაციებს. წინადადება დაახლოებით 1 კვირის წინ მივიღე.

2010 წლიდან ვარ საფეხბურთო სამყაროში. სპორტული სააგენტოს დამფუძნებელი ვარ, რომელიც სკაუტინგს ემსახურება - საკმაოდ ბევრი კონტაქტი მაქვს ძლიერ კლუბებთან და ორგანიზაციებთან. იტალიის, ჰოლანდიის, ბელგიის ჩემპიონატების გუნდებთან...

გუნდში ჩატარდება რეფორმები, ძირითადი აქცენტი კი აკადემიაზე გაკეთდება. "დინამოს" ძირითადი პრობლემა არასწორი სელექციაა. ასე რომ, უნდა დაინერგოს გადაწყვეტილების მიმღებთა ჯგუფი, რომელიც კარგ ანალიზს გააკეთებს და ლეგიონერების საჭიროების შემთხვევაში, სწორად იმუშავებს.

შეგნებულად არ მსურს ვადებზე საუბარი, რადგან ჩემთვის დღეს პირველი დღეა", - განაცხადა გაბრიჩიძემ.

კალანდაძე პლოცკის "ვისლას" ფეხბურთელი გახდა

"დღეს როგორც არასდროს ამაყი ვარ" - რომან ფიფიამ ხვიჩა კვარაცხელიას ჩემპიონთა ლიგის მოგება მიულოცა

"გადავწყვიტეთ მივმართოთ ფედერაციას თხოვნით, რომ კანკავას წითელი ბარათი გაუქმდეს" - გორის "დილას" განცხადება

თეგები:

თბილისის დინამო

ლევან გაბრიჩიძე

გაზიარება:

(0)

/

(0)