<p>საქართველოს XXVII ჩემპიონატი. უმაღლესი ლიგა. "წითელი ჯგუფი". V ტური</p><p><br> ვინ წარმოიდგენდა, რომ საქართველოს ჩემპიონატის ერთი ჩვეულებრივი მატჩი, რომელიც თავიდან ბევრით არაფრით გამოირჩეოდა, მართლაც რომ განსაკუთრებულ სანახაობად იქცეოდა. ფეხბურთი სწორედ ამიტომ გვიყვარს - მას ძალიან ხშირად ვერაფერს გაუგებ.</p><p>"საბურთალომ" მატჩის ბოლოს გამოგლიჯა ხელიდან 3 ქულა "დილას". გორელთა დებიუტანტს, საქართველოს ნაკრების ყოფილ ფორვარდ ნიკა გელაშვილს კი კარში ჩადგომა მოუხდა...</p><p>მაგრამ მოდით, ყველაფერზე თანმიმდევრობით. მატჩის პირველი სახიფათო მომენტი "საბურთალომ" შექმნა. თავის გამოჩენა გარსია პენას შეეძლო, თუმცა ესპანელი ფორვარდის დარტყმას სიზუსტე დააკლდა. ორივე გუნდი შედარებით ფრთხილობდა - ჩემპიონატის ახალი ფორმატიდან გამომდინარე, ყველა ქულას ოქროს ფასი ადევს...</p><p>27-ე წუთზე კი, ბევრი რომ არ მოელოდა, "დილამ" ანგარიში გახსნა. გორელებმა კარგად ჩაათამაშეს ბურთი. თენგიზ წიქარიძემ ალეკო გამცემლიძე მონახა, ამ ახალგაზრდას კი, გორელთა ბოლო მატჩებში თავი კარგად რომ წარმოაჩინა, სიზუსტემ არც ამჯერად უმტყუნა. სხვათა შორის, ცოტა ხნის წინ გამცემლიძე სწორედ "საბურთალოში" ვარჯიშობდა. აქვე ვთქვათ, რომ თავის ყოფილ კლუბს დაუპირისპირდა "დილას" კიდევ ერთი ნახევარმცველი - რატი ცაცკრიალაშვილი.</p><p>გოლის გაშვების შემდეგ "საბურთალომ" შეტევა სცადა. გრიგოლ ჩაბრაძემ და თედორე გრიგალაშვილმა სახიფათო მომენტები ვერ გამოიყენეს. იყო "დილას" შანსიც. ნიკა გელაშვილმა მახვილი კუთხიდან კარს კარგად ვერ დაუმიზნა.</p><p>მეორე ტაიმში "საბურთალო" უფრო შემართული გავიდა სათამაშოდ. მართალია, მასპინძლებს ბევრი რამ არ გამოსდიოდათ და, ვფიქრობთ, პაბლო ფრანკო მარტინი ბოლომდე კმაყოფილი არ დარჩებოდა შეგირდების გარჯით, მაგრამ ისინი ამ ნაკლის კომპენსირებას განსაკუთრებული თავდადებით ცდილობდნენ.</p><p>კინაღამ გოლი მოჰყვა საბურთალოელთა გააზრებულ, ორსვლიან შეტევას. ის კარში დარტყმით სანდრო ალთუნაშვილმა დააგვირგვინა, თუმცა ნახევარმცველმა მიზანი კარგად ვერ გაისწორა და გორელები გადარჩნენ.</p><p>"საბურთალოს" ესპანელმა დამრიგებელმა ცვლილებებში მაგრად გარისკა. ყველაფერს რომ თავი დავანებოთ, მან მოხსნა მცველი გრიგალაშვილი, ვისაც მსუბუქი ტრავმა აწუხებდა და მის ნაცვლად მოიერიშე გიორგი კოხრეიძე შეუშვა. შესანიშნავად ჩაერთო თამაშში ბრაზილიელი ვაგნერიც...</p><p>73-ე წუთზე ანგარიში გათანაბრდა. ფლანგზე ნოდარ იაშვილმა ერთხელაც იაქტიურა, მის ჩაწოდებულს კი ფრანსისკო გარსია პენამ შედეგიანი თავური მოაყოლა. ცხადი იყო, მასპინძლები ბოლო წუთებზე თამაშის მოსაგებად გაიწევდნენ. ასეც მოხდა.</p><p>77-ე წუთზე "საბურთალომ" სწრაფი კონტრშეტევა განახორციელა. ვაგნერმა სასწაული სისწრაფე განავითარა, დაასწრო გორელთა მეკარე გიორგი ბეგაშვილს და ეს უკანასკნელი იძულებული იყო, "ბოლო იმედის" ჯარიმით შეეჩერებინა შემტევი.</p><p>არბიტრი ბაკურ ნინუა აბსოლუტურად სწორად მოიქცა. მან ჯარიმა დანიშნა გორელთა კარის მიმართულებით, ბეგაშვილი კი მინდვრიდან გააძევა. ამ დროს უჩა სოსიაშვილს ყველა შეცვლა გამოყენებული ჰქონდა. "დილას" კარის დაცვა გელაშვილმა ითავა. მან ორი ბურთის მოგერიება კი შეძლო, მაგრამ "საბურთალოს" მორიგი კუთხურისას, რა გასაკვირია და, დამაჯერებელი ვერ იყო გამოსვლაზე და შეტევაში ჩართულმა ცენტრალურმა მცველმა გაგი მარგველაშვილმა დაუცველ კარში მშვიდად გაიტანა.</p><p>"დილას" თამაშის გადარჩენა მაინც შეეძლო. მსაჯის მიერ დამატებულ ბოლოსწინა წუთზე მეკარე ბექა ქურდაძე უპატიებლად შეცდა. გიორგი ერისთავმა დარტყმა კი მოასწრო, მაგრამ ცარიელი კარიდან ბურთი "საბურთალოს" ერთ-ერთმა მცველმა გამოიტანა.</p><p>საბოლოოდ, ამ საფეხბურთო თრილერში გამარჯვება "საბურთალოს" დარჩა და დამსახურებულადაც იზეიმა გამარჯვება. უნდა ითქვას ისიც, რომ ორივე გუნდის ქმედებაში ბევრი წუნი იყო და სათაურმაც შეცდომაში არ შეგიყვანოთ - ის მხოლოდ შეხვედრის დრამატული სიუჟეტის გამო შევარჩიეთ.</p><p><span style="color: #3366ff;"><strong>საქართველოს XXVII ჩემპიონატი. უმაღლესი ლიგა. "წითელი ჯგუფი". V ტური</strong></span></p><p><em><strong>საბურთალო-დილა 2:1</strong></em></p><p>11.09. თბილისი. "მიხეილ მესხი"</p><p>გოლები: 0:1 გამცემლიძე (27), 1:1 პენა (73), 2:1 მარგველაშვილი (88)</p><p><span style="text-decoration: underline;">საბურთალო:</span> ქურდაძე, იაშვილი, მარგველაშვილი, თედ. გრიგალაშვილი (66. კოხრეიძე), ჩაბრაძე (34. სოფრომაძე), ალთუნაშვილი, ტერა, ხარაიშვილი, ფანცულაია (55. ვაგნერი), ხარა, პენა.</p><p>სათადარიგოები: გოშაძე, მამუჩაშვილი, კარასკო, რუხაძე</p><p>მწვრთნელი: პაბლო ფრანკო მარტინი</p><p><span style="text-decoration: underline;">დილა:</span> ბეგაშვილი, სამხარაძე, სალუქვაძე, ღონღაძე, რაზმაძე (53. გავაშელიშვილი), ცაცკრიალაშვილი (46. ეტუ), გამცემლიძე (68. ერისთავი), ნონიკაშვილი, წიქარიძე, მოდებაძე, გელაშვილი.</p><p>სათადარიგოები: მუჯრიშვილი, ლომიძე, მიზრახი, ჩახვაშვილი</p><p>მწვრთნელი: უჩა სოსიაშვილი</p><p><span style="text-decoration: underline;">გაფრთხილება:</span> გამცემლიძე (28), ტერა (36), ნონიკაშვილი (63), ალთუნაშვილი (87)</p><p><span style="text-decoration: underline;">გაძევება:</span> ბეგაშვილი (77)</p><p><span style="text-decoration: underline;">არბიტრი:</span> ბ. ნინუა.</p><p><span style="color: #3366ff;"><strong>მომდევნო ტური. 17 სექტემბერი</strong></span></p><p><strong>"წითელი ჯგუფი"</strong></p><p>დილა-სამტრედია</p><p>დინამო (ბთ)-სიონი</p><p>ზუგდიდი-საბურთალო.</p><p><strong>"თეთრი ჯგუფი"</strong></p><p>ჩიხურა-გურია</p><p>ლოკომოტივი-დინამო (თბ)</p><p>ტორპედო-ცხინვალი.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
divi
გელაშვილი მეკარეც კარგი ყოფილა. დინამოს გამოადგებოდა.
გივი გაგნიძე
შე ...ნინუა,არ გრცხვენია რაც გორის დილას გაუკეთე,შენ მსაჯობის რა ღირსი ხარ,საფეხბურტო მინდორზე საერთოდ არ უნდა შეგიშვან.მოეფერე,ხომ საბურთალოს ხელმძღვანელობას. ალბათ მიულოცავდი ეგრეთ წოდებულ ბ-ნ მინისტრს,ვაი თქვენს პატრონს,რა გეშველებად.არა უშავს ჩვენს სიტყვას ჩვენ მაინც ვიტყვით
პაატა
წითლები და თეთრები,ბოლშევიკები და მენშევიკები,კომკავშირელები და პიონერები,ბოლშევიკური რეფორმების ტერმინოლოგია.მეტი ვერაფერი მოიფიქრეთ.
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"საქართველოში ამით ძალიან გაკვირვებული დავრჩი" - "გაგრას" ბელარუსი მეკარე
მეორე წრე დასრულდა: გოლი მე-20 წამზე და სხვა ამბები
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
ანშლაგი ქუთაისში - საქართველო - კაბო-ვერდე | 7 ივნისის განრიგი
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
"მესი თუ რონალდო?" - იგუაინმა უცნაური არჩევანი გააკეთა
[VIDEO] ჰალიბარტონის და "ინდიანას" მორიგი სასწაული - "ოკლაჰომა" სუპერფინალის პირველ მატჩში დამარცხდა
შენგელიას ლიდერობით "ვირტუსმა" მილანში იმარჯვა და სერია A-ს ფინალამდე 1 მოგება აშორებს
ნიონში გოგონათა ასაკობრივი გუნდების წილისყრა შედგა
კაპაძის ხელმძღვანელობით - უზბეკეთი პირველად გავიდა მსოფლიოს ჩემპიონატზე
[VIDEO] 5:4 - ესპანეთმა საფრანგეთს მოუგო და ფინალში გავიდა
სანიოლი: საუკეთესო ლობჟანიძე გახლდათ - მეორე ტაიმში მეტი ემოცია და ნაკლები მონდომება იყო
ფარერების მწვრთნელი: დასანანია, ფრეს რომ ვერ გამოვრჩით
[VIDEO] ლორიას ბოლო და 16 წლის ხარებაშვილის პირველი მატჩი - საქართველოს ნაკრებმა ფარერებს მოკრძალებული ანგარიშით მოუგო
[VIDEO] პირველი ტაიმის შემდეგ საქართველოს ნაკრები ფარერებს 1:0 ამარცხებს
გაგი მარგველაშვილი თბილისის "დინამოს" ფეხბურთელია
კახა კაშია: ელვინ ტერას ქართული პასპორტის აღება ნამდვილად სურს
ბუდუმ "კიოლნსაც" გაუტანა - "სლოვანი" "ზრინსკისთან" დამარცხდა [VIDEO]
ეროვნული ლიგა. XXVIII ტური. "ლოკომოტივი" - "საბურთალო" [LIVE]
ჯერ ჭყინტი, მაგრამ ტექნიკური... ვინ არის "წლის აღმოჩენის" კანდიდატი ალეკო გამცემლიძე?
გორის "დილა" მთავარმა მწვრთნელმა დატოვა - მოტამ დემჩენკოს მსგავსი პუნქტით ისარგებლა და სომხური გუნდი ჩაიბარა
"სამგურალის" მწვრთნელად უჩა სოსიაშვილი დანიშნეს
ნიკა გელაშვილი გორის "დილაში" ვარჯიშს ორ კვირაში განაახლებს
სეზონის დაწყებიდან ეროვნული ლიგის გუნდი მეორე მწვრთნელმა დატოვა
"ლოკომოტივიდან" ფეხბურთელები მიდიან - 3 ახალწვეული "საბურთალოში"
პაბლო მარტინიც გაუშვეს - ესპანელი სპეციალისტი "საბურთალოს" აღარ გაწვრთნის
"სიონის" მწვრთნელად სოსიაშვილი დანიშნეს
ჩაკვეტაძის ტრავმა, კანკავას გაძევება და "სლოვანის" გმირობა - "ლეხი" გავიდა, "ფეჰერვარი" გამოვარდა [VIDEO]
ევროტურნირების წინ, "საბურთალო" მთავარმა მწვრთნელმა დატოვა
უმაღლესი ლიგა. VI ტური: თბილისურ დერბიში გოლი არ გასულა
"საბურთალო" ტრადიციას არ ღალატობს - 17 წლის ფეხბურთელის წარმატებული დებიუტი
ორი 11:0 ქართული კლუბების მონაწილეობით - მოსამზადებელი ეტაპი
თბილისის "დინამომ" გორის "დილადან" ალეკო გამცემლიძე დაიმატა
ნიკოლოზ გელაშვილი გორის "დილას" ღირსებას დაიცავს
გიორგი ხარაიშვილი: "საბურთალოს" სამეულში მოხვედრაც შეუძლია
"სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]
ჩხუბი ფეხბურთელებს შორის მოედანზე - "დილას" ამხანაგური მატჩი უკრაინულ გუნდთან აღარ გაგრძელდა
"რუსთავში" რევაზ ძოძუაშვილი იმუშავებს
უმაღლესი ლიგის IV ტურის მიმოხილვა და სიმბოლური ნაკრები
"ყარაბაღმა" ჩერჩესოვის "ფერენცვაროში" გამოაგდო - აზაროვის "ცრვენა ზვეზდაც" პლეი-ოფშია
"შუქურა" უჩა სოსიაშვილმა დატოვა
საჩხერის "ჩიხურა": პლუს ლევან გეგეჭკორი და ნიკა გელაშვილი
კავკასიური დერბი - რა გუნდია "სამტრედიის" მეტოქე "ყარაბაღი"
მას ლიგა 1-ში 146 მატჩი აქვს ჩატარებული - გორის "დილამ" გამოცდილი მცველი დაიმატა
"სლოვანის" საბერძნეთში ხელიდან გაშვებული გამარჯვება, ზივზივაძის გოლი და "ლეხის" მორიგი მარცხი [VIDEO]
"იბერია 1999"-მა და "დილამ" მოიგეს, ფოთში ფრე დაფიქსირდა
დილა-სამტრედია 1:2 - გამცემლიძის სერია და ცეცაძის სცენარი [VIDEO]
გია ჭიაბრიშვილი: პაბლოს გუნდი კარგად იცავდა თავს, ჩვენ უკეთ ვუტევთ
"გადავწყვიტეთ მივმართოთ ფედერაციას თხოვნით, რომ კანკავას წითელი ბარათი გაუქმდეს" - გორის "დილას" განცხადება
გია ჭიაბრიშვილის არჩევანი: ნაკრები თუ ისევ "საბურთალო"?
ეროვნული ლიგა. XXX ტური. "ტორპედო" - "საბურთალო" [LIVE]
სათასო ისტორიები: ეს ჯერ არ მომხდარა - ქვედალიგელთა აღლუმი!
ნიკა გელაშვილი ქუთაისის "ტორპედოს" ღირსებას ჩემპიონატის ბოლომდე დაიცავს
"სიონი" გიორგი ჭელიძემ ჩაიბარა
თბილისის "დინამოს" ფეხბურთელი ამერიკულ გუნდში გადავიდა
"საბურთალომ" ყველა ესპანელი, მათ შორის, მანოლო იეროც გაუშვა
უმაღლესი ლიგის VI ტურის მიმოხილვა და სიმბოლური ნაკრები