გარიგებული მატჩები - "საოცრებები", რომლებიც ჩვენი ჩემპიონატის ქვედა ლიგებში ხდება

არსებობს ეჭვი, რომ კლუბების გარკვეული ნაწილი მხოლოდ ტოტალიზოტორში შედეგებით მანიპულირებისთვისაა შექმნილი ფაქტია, რომ ევროპის ძალიან ცნობილ ტოტალიზატორებში ფსონების დადება აქტიურად ხდება საქართველოს არა მარტო პირველ, არამედ მეორე ლიგის თამაშებზეც. კონკრეტულ მატჩზე მომხმარებელს დაახლოებით 20 სხვადასხვა ტიპის ფსონის გაკეთების საშუალება აქვს და ე.წ. კუშები "ლაივ რეჟიმში" იცვლება, ზოგი მათგანი კი - საეჭვოდაც კი...სანამ იარსებებს ტოტალიზატორი და ფეხბურთი, მანამდე ეჭვები არ განელდება საქართველოშიც და სხვაგანაც. თუმცა, ჩვენ ყველაზე საგანგაშოდ ის გვეჩვენება, რომ ამ ტოტალიზატორებში საქართველოს 19-წლამდელთა ჩემპიონატის თამაშებიც არის შეყვანილი და აქაც, ანალოგიურად, მომხმარებელს უამრავი ფსონის გაკეთება შეუძლია. კუშები აქაც უცნაურად იცვლება...მართალია, სფფ-მ აქტიურად დაიწყო ბრძოლა გარიგებული თამაშების მიმართ და რამდენიმე კლუბი, მწვრთნელი თუ ფეხბურთელი მკაცრად დაისაჯა კიდეც, თუმცა არსებობს ვარაუდი, რომ ჩვენს ფეხბურთში გარიგებაში "დახელოვნებული" ადამიანებისგან შემდგარი რამდენიმე ჯგუფი კვლავაც წარმატებით "მოღვაწეობს".როგორც ქართულ ფეხბურთში კარგად ჩახედულმა პირმა, ინკოგნიტოდ დარჩენის პირობით გვითხრა, დღეს ქართულ ფეხბურთში, განსაკუთრებით პირველ და მეორე ლიგებში, "საოცრებები" კვლავაც მრავლად ხდება.<a href="/როგორ ხდება საქართველოში გარიგებული მატჩის ამოცნობა - სფფ-ის მოქმედების პრინციპი" target="_blank">- როგორ ხდება საქართველოში გარიგებული მატჩის ამოცნობა - სფფ-ის მოქმედების პრინციპი</a>18:0, 15:0, 13:0, 12:0, 10:0, 8:0, 6:0, 13:1, 12:3, 8:5, 9:3 - ეს ის ანგარიშებია, რომელიც მეორე ლიგის შეხვედრებში ფიქსირდება და ცხადია, თუ ოდნაც მაინც ერკვევი ფეხბურთში, ეჭვები გაგიჩნდება.შესაბამისად, არსებობს არცთუ უსაფუძვლო ვარაუდი, რომ ჩვენს ქვედა ლიგებში კლუბების გარკვეული ნაწილი მხოლოდ ტოტალიზოტორში შედეგებით მანიპულირებისა და თანხის ამ გზით მიღებისთვისაა შექმნილი. ასეთ კლუბებში, სადაც ხელფასები მიზერულია, ინფრასტრუქტურა თუ ინვენტარი - სასაცილო და სატირალი ერთად, წმინდა სპორტული შედეგის მიღწევა არც არავის აღელვებს, მთავარი - ტოტალიზატორით მიღწეული შედეგია!თამაში კი ყველაფერზე შეიძლება: მოგება-წაგებაზე, მეტ მიღებულ-გაშვებულ გოლზე, გაძევება-შეცვლებსა და ა.შ. შედეგად კი ვიღებთ ერთ სახასიათო სურათს ჩვენი ჩემპიონატის ქვედა ლიგის მატჩიდან - ზის ამა თუ იმ კლუბის მეპატრონე ტრიბუნაზე და თამაშს კი არ უყურებს და ღელავს ამა თუ იმ სახიფათო ეპიზოდისას, მთელი 90 წუთის განმავლობაში ტელეფონით ესაუბრება ვიღაცას...გამომდინარე იქიდან, რომ სფფ ამ მატჩების შესახებ უეფასგან რაპორტებს არ იღებს, შეგვიძლია ვივარაუდოთ, რომ ამ ტიპის გარიგებებში არცთუ დიდ თანხებზეა საუბარი (დაახლოებით 3-5 ათასი ლარი). წინააღმდეგ შემთხვევაში, ტოტალიზატორი ამოიღებდა ინფორმაციას და მიაწვდიდა უეფას, ეს უკანასკნელი კი - სფფ-ს.არის მეორე ვარიანტიც: ჩვენი ჩემპიონატის "საქმოსნები" ამა თუ იმ ტოტალიზატორთან არიან შეკრულები...ასეა თუ ისე, ერთი რამ ცხადია: სფფ-მ განსაკუთრებული ყურადღება უნდა მიაქციოს ჩვენი ქვედა ლიგების მატჩებსა და ამ მატჩებზე ცნობილ ტოტალიზატორებში უცნაურად "მოთამაშე" კოეფიციენტებს.ვფიქრობთ, საეჭვოა, როცა მატჩის პირველ 15 წუთში 5 გოლი გადის, თანაც, არა ერთი გუნდის კარში, არამედ - მორიგეობით... უცნაურია, როცა გუნდის მწვრთნელი, რომელიც 5:0-ს იგებს, მეკარეს ცვლის, რომელიც შემოსვლიდან 1 წუთში მსაჯის გინების გამო წითელ ბარათს იღებს...უცნაურია, როდესაც 90-ე წუთის შემდეგ, როცა ანგარიში 0:0-ია, 4 პენალტი ინიშნება...ყველაზე უცნაურად და სამწუხაროდ კი მაინც ის ფაქტი მიგვაჩნია, რომ ტოტალიზატორებში ფსონები საქართველოს 19-წლამდელთა ჩემპიონატის მატჩებზეც იდება... იმ ჭაბუკ ფეხბურთელთა თამაშებზე, რომლებმაც ხვალ-ზეგ დიდი და აუცილებლად "სუფთა" ფეხბურთი უნდა ითამაშონ და ევროპაში საქართველოს სახელი გაიტანონ.

vladimeri

აწყობენ თამაშებს და მასე მიდის მაგათი ბედი
Zaza

რატო გგონიათ ,რომ როსტოვს ყველა ვარიანტში უნდა წაეგო? მე საერთოდ არ მიმაჩნია სენსაციად....ბაიერნის დონის გუნდი არ წვება...ია ატაკ დუმაიუ...აი დაბალი ლიგების რა გითხრათ, მაგათზე თავს ვერ დავდებ...
ნოდო

როგორც ჩანს სატატიის ავტორი ერთხელაც არ ყოფილა მეორე ლიგის თამაშზე, მაგალითისთვის შევარდენში თამაშობენ გამოცდილი ფეხბურთელები ვიში ლიგა რომ აქვთ ნათამაშები, და ავაზაში 13-14 წლის ფეხბურთელები არიან 2001 წლიანი მეკარე ყავთ და როგორ გგონია 18-0 რატოა შეუძლებელი? სტატიის ავტორი 80წლის მოხუცივით წერს, რომელსაც რაღაც კონსპირაციის პოვნა უნდა.
ქარ

სუფთა ფეხბურთი არ არსებობს ბუნებაში, რით ვერ გაიგეთ ხალხო?! ანდა რა ქვედა ლიგებში გუშინ მიუნხენმა რა გააკეთა, უმოტივაციო არა ზღმარტლის კურკა, სუფთა ტოტალიზატორი გააგორა, ასეა ყველა თამაშში აბსოლუტურად, ზოგზე შედეგზე ზოგზე სხვა რაღაცეებზე. მოკლედ ფეხბურთი არ იყო არ არის და არ იქნება სუფთა. გაიხსენეთ პირველი მერცხალი, ყალბი ფულის მომენტი მაშინაც კი ფეხბურთი აფიორა და ხალხის თვალში ნაცრის შეყრა იყო, ნუ კარგი შოუპროგრამა არის მაგას ვერავინ წაართმევს.

“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება

"ჩემი ფეხბურთელები სასურველი შედეგისთვის მზად არიან" - "იბერიას" მწვრთნელმა "მალმიოსთან" დაპირისპირებაზე ისაუბრა

გიტის პაულაუსკასმა ბათუმის "დინამო" დატოვა და სლოვაკეთში გადაბარგდა

შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა

პსჟ შეიძლება მალე დონარუმას გარეშე დარჩეს

ქართული კლუბების შესაძლო მეტოქეები კონფერენციის ლიგის შესარჩევის მეორე რაუნდში

გრანიტ ჯაკა შესაძლოა, პრემიერლიგაში დაბრუნდეს

"რა გაუკეთებია, რომ "ბარსელონაში" ითამაშოს?" - "იუნაიტედის" ლეგენდამ რაშფორდი გააკრიტიკა

"რეალს" ალაბასთან კონტრაქტის გაწყვეტა სურს

აღფრთოვანება შეცდომის მიუხედავად - ქოჩორაშვილმა "სპორტინგში" სადებიუტო მატჩი ჩაატარა

საქართველოს 20-წლამდელთა ნაკრებს 3 ლიდერი გამოაკლდა

ერთი მოედანზე, მეორე ჯერ ტრიბუნაზე - ფრანგულ გუნდში ორი ქართველი ითამაშებს?

"ეს საქმეს მიმარტივებს" - თოფურიამ ახსნა, როგორ ახერხებს მეტოქეების დანოკაუტებას

"ლივერპული ამით ყველა გრანდს ჯობნის" - რა განაცხადა ფერდინანდმა?

პსჟ-ს კიდევ ერთი ფეხბურთელი დატოვებს

დიეგო ლონგო: ერთ-ერთი მთავარი მიზანია გულშემატიკარმა ჩვენით იამაყოს

"ნაპოლის" თავდამსხმელი შეიძლება სერია А-ში გადასულ გუნდში ჩაირიცხოს

რა მოქაჩა თმაზე ასეთი - პსჟ-ს ნახევარმცველს დისკვალიფიკაცია ემუქრება

პსჟ-დან "მანჩესტერში" - ბრაზილიელმა ლეგიონერმა შეიძლება პარიზული გუნდი დატოვოს

დირკ შუსტერი: აქ ყველას ჩვენი დამარცხება სურს

"ლევერკუზენმა" გრანიტ ჯაკას საუდის არაბეთში გაყიდვაზე უარი განაცხადა

ბელინგემი დღეს ოპერაციას გაიკეთებს - ჯუდს სეზონის დასაწყისი გაუცდება

რა გეგმა აქვს შუსტერს? - დღეს 2 ქართული კლუბი ითამაშებს

გარიგებულ მატჩებთან ბრძოლა, 600 ათასი ხის დარგვა - რა განიხილეს უეფას აღმასკომზე

სფფ-ის მიერ კორონავირუსთან საბრძოლველად გამოყოფილი თანხა StopCov ფონდში გადაირიცხა

4 ივნისს სფფ გარიგებულ მატჩებზე, მომხდარ ჩხუბებსა და ინციდენტებზე იმსჯელებს

გარიგებული მატჩების საქმეზე ბრალდებული 11 ფეხბურთელის სასამართლო პროცესი დღეს გაიმართება

სასამართლომ გარიგებული მატჩებისთვის დაკავებულ 4 პირს პატიმრობა, 7-ს კი გირაო შეუფარდა

სიახლეები ისტორიულ მატჩთან დაკავშრებით

სფფ-ის წარმომადგენლებმა ევროტურნირების მონაწილე კლუბებთან ვიდეო კონფერენცია გამართეს

საქართველოს ფეხბურთის ფედერაცია კორონავირუსთან დაკავშირებით სპეციალურ განცხადებას ავრცელებს

"თავს ვალდებულად ვთვლი, ე.წ. გარიგებული მატჩების საქმეზე გავაკეთო განცხადება და პირველ რიგში..."

სფფ-მ ჩემპიონატის შეცვლილი ფორმატი და თასის დებულება დაამტკიცა

"მიხეილ მესხზე" ეკრანები დამონტაჟდება - სფფ-ის ინიციატივით, გულშემატკივარს ევრო 2024-ზე ერთობლივად საქართველოს ნაკრების მატჩების ხილვა შეეძლება

"გარიგებული მატჩები სიმსივნეა, ამ ბოროტებას ვებრძვით, მაგრამ ჩვენ პოლიცია არ ვართ"