<p>ბერძნულ-რომაულ ჭიდაობაში ევროპის ჩემპიონის წინააღმდეგ მსოფლიოს ფედერაცია სანქციებს არ გაატარებს <br> როგორც ეტყობა, ევროპის ჩემპიონი ბერძნულ-რომაულ ჭიდაობაში <strong>ზურაბ დათუნაშვილი</strong>, ვინც უკვე მიაშურა 80 კილოგრამ წონას, პირობითი სასჯელით გადარჩება და მის წინააღმდეგ არც მსოფლიოს ფედერაცია გაატარებს სანქციებს. ყოველ შემთხვევაში, საქართველოს ჭიდაობის ფედერაციაში დაგვარწმუნეს, რომ ისინი სადამსჯელო ღონისძიებებს არ მიმართავენ და ამ ფაქტზე რეაგირება ჩვენი პრეროგატივაა.</p><p>ფაქტი კი ჭიდაობის ყველა მოყვარულს მოეხსენება: ბუქარესტში "ევროპის ერთა თასზე", რუსეთის ნაკრებთან შეხვედრისას, დათუნაშვილმა და მისმა მეტოქემ, მსოფლიოს 2010 წლის მესამეპრიზიორმა (ოღონდ დათუნაშვილის მსგავსად, მანაც 75-ში მოიპოვა ეს ჯილდო) იმილ შარაფედინოვმა იჩხუბეს.</p><p><a href="/sport/tcidaoba/klasikuri-tcidaoba/98548-qarthvelma-motcidavem-russ-sportsmenthan-ichkhuba-video.html" target="_blank"><span style="color: #0000ff;">- ქართველმა მოჭიდავემ რუს სპორტსმენთან იჩხუბა [VIDEO]</span></a></p><p>უშუალოდ ლეიბზე საქმე ჯიკაობამდე მივიდა, რაშიც ჩვენი ნაკრების სხვა წევრებიც ჩაებნენ - ისინი ტრიბუნიდან შეცვივდნენ არენაზე. ცემა-ტყეპა და მასობრივი ჩხუბი არ ყოფილა, თუმცა ჩვენების დაშოშმინებას კარგა დიდი ძალისხმევა დასჭირდა.</p><p>ვინ-ვინ და ასეთი საქციელი დათუნაშვილისგან მართლაც რომ გასაკვირია. ჩხუბი მისი უმცროსი ძმის - <strong>გიორგისგან</strong> კი გვახსოვს (თუმცა იქაც სიტუაციაში ვერ გაერკვა, რაც მერე მწარედაც ინანა, მაგრამ 6-თვიანი დისკვალიფიკაცია კი მოიხადა), თორემ ზურა ფრიად მოწესრიგებული, ვარჯიშსა და შრომაზე კონცენტრირებული, თავშეკავებული ბიჭია, ვისაც ნამდვილად ვერ დავწამებთ ჩხუბისთავობას და ავყიობას. უბრალოდ, იქ ისეთი ვითარება შეიქმნა, მანაც ვერ გააკონტროლა თავი.</p><p>როგორც ჩვენი ნაკრების მწვრთნელები ამბობენ, ეს აგრესია ჯერ კიდევ წინა წონის - 75 კილოგრამის პაექრობიდან წამოვიდა, სადაც ახალგაზრდებში მსოფლიოს მოქმედმა ჩემპიონმა <strong>გელა ბოლქვაძემ</strong> ჭიდაობით აშკარად დაჩაგრა უფროსებში მსოფლიოს ჩემპიონი ჩინგიზ ლაბაზანოვი, მაგრამ მსაჯებმა ისე წარმართეს შეხვედრა, არც გააფრთხილეს, მის პასიურობას არაერთხელ დაუხუჭეს თვალი და საბოლოოდ მაინც რუსს მოაგებინეს.</p><p>დათუნაშვილისა და შარაფედინოვის შეხვედრაც ამ სცენარით წარიმართა - თათარი მოჭიდავე პასიურობდა, გაურბოდა ბრძოლას, მსაჯები კი არ აფრთხილებდნენ. ბუნებრივია, დათუნაშვილმა იგრძნო, არბიტრები მასაც სწირავდნენ და თავად მოინდომა საქმის გამოსწორება - თურმე მეტოქეს შეეკამათა, იჭიდავე, რას გარბიხარო. ამას შეპასუხება მოჰყვა და ასე დაიწყო ეს კონფლიქტი, რომლის მოგვარებაშიც ქართულ-რუსული მხარეები აქტიურად ჩაებნენ.</p><p>ვიცით, რომ თბილისიდან რუსეთის ნაკრების ქართველ მწვრთნელ <strong>გოგი კოღუაშვილსაც</strong> დაურეკეს და მოჭიდავეთა შერიგება სთხოვეს. ადგილზე მყოფმა მწვრთნელებმა მართლაც ყველაფერი გააკეთეს საამისოდ და მოგვიანებით რუსეთის ჭიდაობის ფედერაციის პრეზიდენტმა <strong>მიხეილ მამიაშვილმა</strong> საჯაროდ განაცხადა, რომ სპორტსმენები შერიგდნენ.</p><p><a href="/sport/tcidaoba/klasikuri-tcidaoba/98574-mikheil-mamiashvili-dathunashvilma-da-sharafetdinovma-erthmaneths-bodishi-moukhades.html" target="_blank"><span style="color: #0000ff;">- მიხეილ მამიაშვილი: დათუნაშვილმა და შარაფეტდინოვმა ერთმანეთს ბოდიში მოუხადეს</span></a></p><p>ამ ამბავმა ჩვენი რუსი კოლეგების დიდი ინტერესი გამოიწვია და მეორე დღესვე რუსეთიდან ჩვენს ჭიდაობის ფედერაციაში რამდენიმე ტელეკომპანიიდან დარეკეს, რა სანქციებს გაატარებთ დათუნაშვილის წინაააღმდეგო. ქართული მხარის პოზიცია ასეთია: რაკი დათუნაშვილი არაა უდისციპლინო ფალავანი (პირიქით: როგორც ზემოთ გითხარით, ძალიან მოწესრიგებულია) და მისთვის ეს პირველი შემთხვევა იყო, სიტყვიერი გაფრთხილებით შემოიფარგლებიან.</p><p>კეთილი და პატიოსანი, თუმცა, აჯობებს, დათუნაშვილი სხვა დროს მსგავს შემთხვევაში თავს თუ შეიკავებს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
"ტოტენჰემი", "რომა" და სხვები - მიქაუტაძის შეძენის სურვილი რამდენიმე კლუბს აქვს
"მივიღე გადაწყვეტილება, ჩავერთო პოლიტიკაში, იმიტომ, რომ..." - ზურაბ დათუნაშვილი ნიკა გვარამიას დაფუძნებულ გუნდს უერთდება
გამარჯვებას ნიკა მელიასა და ძმებ წულუკიძეებს ვუძღვნი - ზურაბ დათუნაშვილი
მსოფლიოს ჩემპიონატი ჭიდაობაში: უღიმღამოდ და ულიცენზიოდ [VIDEO]
დათუნაშვილმა სერბეთს ბრინჯაო მოუპოვა
საქართველოს "ბერძნულ-რომაული" ნაკრების 6 მედალი რუმინეთიდან
ისევ უმედლოდ: ნაკრები ოლიმპიადისთვის მზად არაა!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
ზურაბ დათუნაშვილი სერბეთის საუკეთესო სპორტსმენად აღიარეს
მინსკი 2019: ქართველი სპორტსმენების 28 ივნისის განრიგი
ბოლქვაძემ მსოფლიოს ჩემპიონატზე ოქროს მედალი მოიპოვა, ზოიძემ ვერცხლის, მელიამ კი - ბრინჯაოსი [VIDEO]
პატარიძე და წურწუმია მსოფლიოს ჩემპიონები გახდნენ [VIDEO]
რუსული ტურნირის ქართული აქცენტები - კოღუაშვილის რაზმი ჩვენ წინააღმდეგ
"თავისუფალთა" ნაკრები მინსკში უძლიერესი შემადგენლობით გაემგზავრა
ნუგზარ წურწუმია მსოფლიოს ჩემპიონატის ფინალში გავიდა
სერბებმა დათუნაშვილი დააფასეს - საპატიო სპორტსმენობა
"ბრავო, ოსტატო!" - როგორ მიულოცა ნოვაკ ჯოკოვიჩმა ზურაბ დათუნაშვილს ოლიმპიური მედალი [PHOTO]
საქართველოს "ბერძენ-რომაელთა" ნაკრები მინსკში მესამე ადგილზე გავიდა