"უმცროსი ბორჯღალოსნები" | აფრიკა ხელიდან დაგვისხლტა

პარადოქსია,მაგრამ სწორედ იმიტომ წავაგეთ,რომ გამარჯვება შეგვეძლო!აფრიკელის სინბინის შემდეგ,ჩვენმა ბიჭებმა გამარჯვების სიახლოვე იგრძნეს და აღელდნენ!ამას მოჰყვა ჩვენი და მსაჯის შეცდომები.მათმა დამრტყმელმაც ფანტასტიკურად ითამაშა და მოსაგები თამაში წავაგეთ!რაც აქ დაგვემართა,ამას სხვისი ნაამბობით ვერ ისწავლი,თვითონ უნდა გამოსცადო და ბიჭებმა,ეს მწარე გამოცდილებაც მიიღეს.სწავლით კი,სწრაფად სწავლობენ და იმედია გაკვეთილს აღარავის გაამეორებინებენ.
ინგლისთან მატჩების კომენტირებისას ჩვენი ბიჭებისადმი, ერთი შენიშვნა გამოვთქვი,რომლის გამოსწორებასაც,ვარჯიშიც კი არ სჭირდება,მაგრამ ის შეცდომა,აქაც გაიმეორეს და ისევ დავკარგეთ ქულები.საქმე იმაშია,რომ იქაც და აქაც,ჩვენი მორაგბე,(კონკრეტულად ამ თამაშში,კიკაბიძე)ჩათვლის მოედანზე შეიჭრა და რა თქმა უნდა ბურთის დამიწება იჩქარა.თუმცა იქაც და აქაც,ცოტა უფრო გულგრილად რომ ყოფილიყო, ჩვენი ლელოს დამდები,დაინახავდა,რომ თანაგუნდელი,უკეთეს პოზიციაში ჰყავდა და ძელებთან უფრო ახლოს,ის დადებდა ლელოს.არც იქ,და არც აქ,ეს არ გააკეთეს და ამის გამო,გარდასახვები გაგვიფუჭდა!ამ თამაშში,კიკაბიძემ ლელო რომ დადო,ბურთი მაშინ დაამიწა,მასზე მეტოქის მორაგბე რომ წავიდა,ძელებთან მასზე უფრო ახლოს კი,ჩვენი 16 ნომერი იდგა,რომელიც ძალიან იოლად დადებდა ბურთს და ძელებიდან გაცილებით უფრო,სულ ცოტა 5 მეტრით ახლოს.ხუციშვილმა ვერ გარდასახა,იქიდან კი,აუცილებლად გაიტანდა და ანგარიში,20-17 გახდებოდა!მერე,ჯარიმაც გავიტანეთ და ამით ანგარიში გათანაბრდებოდა.ამ შემთხვევაში,აფრიკელებს,თამაშის გადარჩენის შანსი,ვფიქრობ აღარ ექნებოდათ,რადგან სრული ფსიქოლოგიური უპირატესობა,ჩვენს მხარეს იქნებოდა და ისინი,წელში ვეღარ გაიმართებოდნენ.ჩვენები კი,უფრო დამშვიდდებოდნენ.გასაგებია,როცა ლელოს დადება შეგიძლია,სხვას აღარაფერს უყურებ და მხოლოდ სამიზნეს ხედავ,მაგრამ როცა იცი,რომ დამრტყმელი,სრულიად საიმედო არ გყავს,ალბათ ამასაც უნდა მიაქციო ყურადღება.აფრიკასთან წაგება,მსოფლიოში არავისთვისაა სირცხვილი,მით უფრო ჩვენვის,მაგრამ თავს დავდებ რომ ერთი კვირის შემდეგ,კიდევ გვათამაშონ და ჩვენ დავამარცხებთ!ასევე იყო ინგლისელებთანაც.პირველ თამაშში ნახეს და განმეორებით თამაშში,უკვე დაამარცხეს კიდეც!იმ თამაშების შემდეგ დავწერე,ჩემპიონატის წინ,ორიოდე,კიდევ ასეთივე დონის მატჩის გამოცდილება აკლიათ მეთქი ბიჭებს და სწორედ ეს მიუღებელი გამოცდილება დააკლდათ,რომ ბოლომდე ერწმუნათ საკუთარი ძალის და წუხელ,დაემარცხებინათ სამხრეთ აფრიკის ნაკრები.წარმომიდგენია ამ ნაკრებს 6 ერის ახალგაზრდული ნაკრებების ტურნირში რომ მიეღო მონაწილეობა,იქაური გამოცდილებით,აქ რას იზამდნენ!ძალიან,ძალიან მაგარი ბიჭები არიან და მაგ შემთხვევაში,დღეს ჩვენს გრაფაში ეწერებოდა გამარჯვება.

ყოჩაღ, ბიჭებო! ყველაფერი ჩადეთ თამაშში, ცოტა გამოცდილება დაგაკლდათ, თორემ ოსტატობით მაგათზე ნაკლები არ ხართ.
ერთია! ეს სმითი მართლა 20 წლისაა? რაღაც სიმელოტე შეპარული მომეჩვენა.