საფრანგეთის სპორტის მინისტრმა პატრიკ კანერმა უარყო ინფორმაცია იმის შესახებ, რომ ფეხბურთში ევროპის 2016 წლის ჩემპიონატის დროს ფან-ზონები გაუქმდება."ევრო 2016-ის უსაფრთხოებაზე სათანადოდ ვზრუნავთ და ვითარებას ვაკონტროლებთ. ტურნირისთვის მზადება უმაღლეს დონეზე მიმდინარეობს. გადაწყდა, რომ ფან-ზონები შენარჩუნდება და ისინი აბსოლუტურად უსაფრთხო იქნება", - დაწერა კანერმა სოციალურ ქსელში.
მანამდე ვრცელდებოდა ცნობა, რომ საფრანგეთში ჩასატარებელ ტურნირზე ტერაქტების საფრთხის გამო ფან-ზონები გაუქმდებოდა.
კონტინენტის პირველობა საფრანგეთში სტარტს 10 ივნისს აიღებს და ერთ თვეს გასტანს. ტურნირში პირველად, ევროპის 24 უძლიერესი ეროვნული ნაკრები ითამაშებს.
![ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]](/pictures/image7/1c62bd71a76c279e109e261138a49833.jpg "ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]")
