9 ოქტომბერს, ევროპის ჩემპიონატის პირველ საკვალიფიკაციო ეტაპზე, საქართველოს 19-წლამდელთა ნაკრებმა სტუმრად უნგრეთი 4:2 დაამარცხა.
საქართველოს ნაკრებმა მატჩი კარგად დაიწყო და მე-11 წუთზე დაწინაურდა კიდეც - კვარაცხელიამ საჯარიმოდან ბურთი მეტოქის მეკარისგან მარჯვენა ცხრიანში გაიტანა. ამის შემდეგ სტუმრებმა შემოგვიტიეს დ ტოტი-გაბორმა ანგარიში გაათანაბრა. სამწუხაროდ, 32-ე წუთზე კვარაცხელიამ ტრავმა მიიღო და შეცვალეს. ტაიმის დასასრულს მეორე ყვითელი ბარათი მიიღო მადიართა მცველმა კალმარმა და გააძევეს.
შესვენების შემდეგ კაცნაკლული მასპინძლები მცირე ხნით ინიციატივას დაეუფლნენ. ტოტი-გაბორი ჩვენმა მცველმა საჯარიმოში წააქცია, პენალტი კი სკრიბეკმა გამოიყენა. აქედან მოყოლებული, რამაზ სვანაძის შეგირდებმა მეტოქის კარზე იერიშების მიტანა დაიწყეს და ჯერ გულიაშვილმა თავურით დალაშქრა ასვანის კარი, ცოტა ხანში მოისწრაფიშვილმა ჩვენი გუნდი წინ გაიყვანა, ხოლო 82-ე წუთზე მექვაბიშვილმა მეოთხედ დაამწუხრა მეტოქე.
12 ოქტომბერს ჩვენი გუნდი ყაზახეთს შეხვდება.
დიორი. "ეტო პარკი"
უნგრეთი - საქართველო 2:4
გოლები: 0:1 კვარაცხელია (11), 1:1 ტოტი-გაბორი (27), 2:1 სკრიბეკი (49, პენ), 2:2 გულიაშვილი (62), 2:3 მოისწრაფიშვილი (65), 2:4 მექვაბიშვილი (82)
გაძევება: კალმარი (42)
უნგრეთი: ასვანი, ჰუჟტი, შუკსი, ბენდერეკი, კალმარი, კოშიჩი (კომენდი 46), ჰიდი (ნიარი 82), სკრიბეკი, საბო (რადიჩი 46), ბუტკა (გიპფი 68), ტოტი-გაბორი (ბეკე 68)
საქართველო: კუტალაძე, კაპანაძე (ჭავჭანიძე 86), გელაშვილი, კალანდაძე, ჯანგიძე, აზაროვი, მექვაბიშვილი, მესიაჩენკო (იაკობიძე 60), გულიაშვილი, დავითაშვილი (ნონიკაშვილი 86), კვარაცხელია (მოისწრაფიშვილი 32)
ხვიჩა კვარაცხელიას ტრავმის შესახებ ინფორმაცია ცნობილია
U19. უნგრელებმა საქართველოს ნაკრებთან წაგება კაცნაკლულობას დააბრალეს
U19. უნგრეთი VS საქართველო - მატჩი, რომელიც უპირობოდ უნდა მოვიგოთ
![საქართველოს 19-წლამდელთა ნაკრებმა ლიეტუვა დაამარცხა [VIDEO]](/pictures/image7/e298fae04c08659f43d27d52505f0618.jpg "საქართველოს 19-წლამდელთა ნაკრებმა ლიეტუვა დაამარცხა [VIDEO]")
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
