როგორც მოსალოდნელი იყო, მეტოქე თავიდანვე დაეუფლა ინიციატივას, თუმცა ჩვენი გუნდი თავს უნარიანად იცავდა, მომენტების შექმნის შესაძლებლობას არ აძლევდა, შუა პირველ ტაიმში მეტოქის ნახევარზე აწევა, თამაშის მეტ-ნაკლებად გათანაბრება და ანგარიშის გახსნა შეძლო. წიტაიშვილის მიერ გადაკიდებულ ბურთზე ბრძოლა გაგუამ არაუხოს მოუგო და ბიაის კარი დალაშქრა. სტუმრებმა კარში პირველად მხოლოდ 43-ე წუთზე დაარტყეს, როდესაც სოუზას გასროლილი მეკარე კუტალაძემ მოიგერია. კომპენსირებულ დროში კი კუთხურიდან ჩაწოდებულ ბურთს საზონოვმა პორტუგალიელთა კარში მიუჩინა ადგილი. მოკლედ, ორიდან ორივე შანსი გამოიყენეს და პირველი ტაიმი 2:0 მოიგეს.
მოწინააღმდეგის მწვრთნელმა რუი ჟორჟემ შესვენებაზე შეტევაში ორმაგი ცვლილება განახორციელა და დიდი ძალებით იერიშებზე გადმოვიდნენ. ჩვენი გუნდის მწვრთნელმა სვანაძემაც გააკეთა ცვლილებები - ჯერ პირველი ნაკრებიდან დაბრუნებული გოჩოლეიშვილი და აზაროვი წიტაიშვილისა და გულიაშვილის ნაცვლად შეუშვა მოედანზე, შემდეგ მოისწრაფიშვილი დავითაშვილით შეცვალა. სამწუხაროდ, ადრე მიღებული ტრავმა გაუმიზეზდა ჩვენს კაპიტან მექვაბიშვილს, რომელიც ლომინაძემ ჩაანაცვლა. კონტრშეტევაზე გაგუას პასით გოჩოლეიშვილი მეკარესთან პირისპირ გაიჭრა, არაუხომ წააქცია და ის მსაჯმა ბოლო იმედის ჯარიმის გამო გააძევა. დარჩენილ დროში ანგარიში არ შეიცვალა და საქართველოს ნაკრებმა ტურნირი შესანიშნავი გამარჯვებით დაიწყო.
პარალელურ მატჩში ბელგია და ნიდერლანდები დაზავდნენ (0:0) და A ჯგუფში ჩვენი გუნდი გალიდერდა. საქართველოს ახალგაზრდული ნაკრები 24 ივნისს ბელგიას, ხოლო პორტუგალია ნიდერლანდებს შეხვდება.
თბილისი. „დინამო არენა“
საქართველო - პორტუგალია 2:0
გოლები: 1:0 გაგუა (37), 2:0 საზონოვი (45+1)
გაძევება: არაუხო (76)
საქართველო: კუტალაძე, ხვადაგიანი, საზონოვი, გელაშვილი, კალანდაძე, წიტაიშვილი (აზაროვი 58), გულიაშვილი (გოჩოლეიშვილი 58), მექვაბიშვილი (ლომინაძე 67), ნ. გაგნიძე, მოისწრაფიშვილი (დავითაშვილი 67), გაგუა (სიგუა 90+4)
U21. მატჩის დღე! ეროვნული ნაკრების ფეხბურთელები უკვე აქ არიან - პორტუგალიით ვიწყებთ...
![U21. საქართველოს ნაკრებმა სტუმრად გიბრალტარს სძლია [VIDEO]](/pictures/image7/fe4e9d7c96d5bbc6f331ddfa41f43e81.jpg "U21. საქართველოს ნაკრებმა სტუმრად გიბრალტარს სძლია [VIDEO]")
![U21. აბუაშვილის ლამაზი გოლი და არდანიშნული პენალტი - საქართველოს ნაკრები თურქეთთან 1:2 დამარცხდა [VIDEO]](/pictures/image7/b03e93a191b81a51b9216ae5d5995726.jpeg "U21. აბუაშვილის ლამაზი გოლი და არდანიშნული პენალტი - საქართველოს ნაკრები თურქეთთან 1:2 დამარცხდა [VIDEO]")
![U21. საქართველოს ნაკრები ბათუმში შვედეთს დაუზავდა [VIDEO]](/pictures/image7/e4c2f4eb6f8f27786d59c5bffe039f6d.jpg "U21. საქართველოს ნაკრები ბათუმში შვედეთს დაუზავდა [VIDEO]")
გაგუა საღოლ!
კომენტატორებო, თქვენი თავისთვის მოგისმენიათ? 2:0 ვიგებთ და ესეთი შიშნაირი ვაიმე ოღონდ მალე მორჩეს თუნდაც ეხლავე მორჩეს...სირცხვილია ბიჭო
არაა საჭირო ეს გაუგებარი ბოღმა და ღვარძლი
ახლა მივმართავ ხვიჩა კვარაცხელიას მლანძღველებს: შორს თქვენი ბინძური ხელები კვარასგან!!! ზუსტად ხვიჩას დამსახურებაა დღეს საერთოდ ქართულ ფეხბურთს რომ განვიხილავთ!!! გულის ამრევია ქართველებისგან მისი ლანძღვა!!! ბიჭი თანამედროვე ფეხბურთის ერთ-ერთი ამომავალი ვარსკვლავია და თქვენ როგორ მოიხსენიებთ!!! შეგრცხვეთ მართლა და მართლა!!! საუკეთესო სეზონი ქონდა კვარას და მომავალში კიდე უკეთესი ექნება თქვენი გულის გასახეთქად!!! მადლობა ხვიჩას!!! მადლობა ნაკრების ყველა მოთამაშეს,რომლებმაც ბრძოლა არ დააკლეს გუშინდელ ძალიან რთულ შეხვედრას!!!