ახალგაზრდულ ევროპირველობაზე საქართველოს ნაკრები ნიდერლანდებს დაუზავდა (1:1) და მეოთხედფინალში გავიდა, მეტოქე კი ჯგუფში ჩარჩა. ნიდერლანდურმა პრესამ მარცხს დრამატული უწოდა, აღნიშნა, რომ მწვრთნელმა ერვინ ვან დე ლოიმ 21-წლამდელებში ხუთწლიანი მუშაობა წარუმატებლად დაასრულა და მას მიხაელ რაიციგერი შეცვლის, რაც დიდი ხანია ცნობილი იყო.
"ტელეგრაფი" წერს, რომ ისევე, როგორც წინა ორი მატჩი, "ნარინჯისფერებმა" მასპინძლებთანაც თამაში დამაჯერებლად დაიწყეს, დებიუტში სამი მომენტი ვერ გამოიყენეს, შემდეგ საზარდულის ტრავმის გამო თავდამსხმელი ბრაიან ბრობი შესაცვლელი გახდა, ხოლო ქართველებმა პირველივე შანსის რეალიზება მოახერხეს, როდესაც ზურიკო დავითაშვილი გრძელი სოლო-რეიდით კვილინდში
ჰარტმანს, მიკი ვან დე ვენს, იან პოლ ჰეკესა და სხვებს გასცდა და ბურთს კარის მარცხენა კუთხეში მიუჩინა ადგილი. თუმცა შესვენებაზე გასვლის წინ კენეტ ტეილორმა ანგარიში გაათანაბრა, ხოლო მეორე ტაიმში ნაკლები შანსები ჰქონდათ და ტურნირს დაემშვიდობნენ, რაც ძალიან მტკივნეულია.
AD.nl აღნიშნავს, რომ დამაგვირგვინებელ ფაზაში ნიდერლანდელები სათანადოდ ვერ მოქმედებდნენ, მეტოქის დაცვითი ბარიერების გადალახვა ვერ შეძლეს და ჯგუფში ჩარჩნენ.
ნიდერლანდების ფეხბურთის კავშირის საიტმა მარცხი ასე ახსნა: "კონტრასტი დიდი გახლდათ. ორი შეხვედრა თითქმის ცარიელ სტადიონზე ჩავატარეთ, მესამე ტურში კი "დინამო არენა", სადაც 43 ათასი მაყურებელი იყო, კინაღამ დაინგრა. ტურნირი საქართველოში ძალიან საინტერესოდ მიმდინარეობს. მასპინძლები ლიდერები იყვნენ, თუმცა შემდეგ ეტაპზე გამსვლელის ვინაობა უნდა გარკვეულიყო. ის, რომ ანგარიში 1:0 გახდა, ისევე წარმოუდგენელი იყო, როგორც დაუმსახურებელი. ზურიკო დავითაშვილმა დაცვა გაარღვია და ახლო მანძილიდან გაიტანა. სამართლიანობა მოითხოვს, აღინიშნოს, გოლი შესანიშნავი და განსაკუთრებული გამოუვიდა. საქართველო მოულოდნელად ჯგუფის გამარჯვებული გახდა. პორტუგალიამ ბელგიას 2:1 მოუგო და ტურნირზე ასპარეზობას ისიც გააგრძელებს".
ვან დე ლოიმ NOS-თან ინტერვიუში განაცხადა, რომ ბიჭებმა თავი არ დაზოგეს, ბოლომდე იბრძოლეს, ბევრი მომენტი შექმნეს, სამ მატჩში გატანილი ორი გოლი ძალიან ცოტაა, დაცვაში ჩამდგარ საქართველოსთან გაუჭირდათ, ტურნირს სამარცხვინოდ დაემშვიდობნენ, რაც მტკივნეულია, რადგან საქართველოში ოქროს მედლების მოსაპოვებლად ჩავიდნენ; თუმცა წინა ორ ევროპირველობაზე წარმატებით იასპარეზეს და ეს კარგი გასახსენებელია.
![alt](/pictures/image50/79c077e1ff843241e12e64d47e84a197.png ""დრამა, სირცხვილი და ზურიკოს განსაკუთრებული გოლი" - ნიდერლანდული მედია და მწვრთნელი მრცხის მიზეზებზე")
U21. დასწრების ახალი რეკორდი და მომავალი მატჩიც "დინამო არენაზე"![alt](/pictures/image50/bd9de016dadce9eb8dbb1e124ac54759.jpg ""დრამა, სირცხვილი და ზურიკოს განსაკუთრებული გოლი" - ნიდერლანდული მედია და მწვრთნელი მრცხის მიზეზებზე")
ზურიკო დავითაშვილი: პირველ ტაიმში გაგვიჭირდა - ახლა მეოთხედფინალზე უნდა ვიფიქროთ![alt](/pictures/image50/e8edff2556ca2b383edf7241e6f81e91.jpg ""დრამა, სირცხვილი და ზურიკოს განსაკუთრებული გოლი" - ნიდერლანდული მედია და მწვრთნელი მრცხის მიზეზებზე")
რამაზ სვანაძე: შედეგი ისტორიულია - ვეცდებით, მეოთხედფინალისთვის ძალები აღვიდგინოთ![alt](/pictures/image50/8b2a771e2fa5d9a792c04b12cd953ba6.jpeg ""დრამა, სირცხვილი და ზურიკოს განსაკუთრებული გოლი" - ნიდერლანდული მედია და მწვრთნელი მრცხის მიზეზებზე")
U21. გამარჯვების ტოლფასი ფრე - საქართველოს ნაკრები მეოთხედფინალში ჯგუფიდან პირველი ადგილით გავიდა! [VIDEO]
![U21. საქართველოს ნაკრებმა თამაში შემოატრიალა და ევროპის ჩემპიონატის პლეი-ოფში გავიდა! [VIDEO]](/pictures/image7/5f8a7ab5a8bc1870138ff06dddcbaabb.jpg "U21. საქართველოს ნაკრებმა თამაში შემოატრიალა და ევროპის ჩემპიონატის პლეი-ოფში გავიდა! [VIDEO]")
აუცილებელია ჩვენი ახალგაზრდების თამაში ეროვნულში ეს ძალიან გვჭირდება და აუცილებლად ასაკიანებმა უნდა დაუთმოს ამ ახალგაზრდებს ადგილი
ამათზე უნდა აშენდეს ძირითადი ნაკრები ესენი არიან მომავალი და განვითარებსითვის აუცილებელია ეს ყველაფერი წარმატებეი ჩვენ ნაკრებს მინიმუმ ნახევარფინალში ველოდები ჩვენ სასწაულს გუნს და ბიჭებს