ეროვნული ლიგის მე-16 ტურში ლიდერმა "ვიტ ჯორჯიამ" მცხეთაში 4:1 დაამარცხა "შევარდენი". მასპინძლებმა პირველი ტაიმი 3:0 მოიგეს და მატჩის ბედიც გადაწყვიტეს. გოლები პაატა ღუდუშაურმა (პენალტით), ნოდარ კიკნაველიძემ და ირაკლი ზარიძემ გაიტანეს. შესვენების შემდეგ შეცვლაზე შესულმა ბექა კაკუშაძემ მეოთხედ დალაშქრა მეტოქის კარი, 79-ე წუთზე კი ვარლამ კილასონიამ პრესტიჟის გოლი გაიტანა.
ტურის ყველა დანარჩენი შეხვედრა ხვალ ჩატარდება.
