16 მაისს, ეროვნული ლიგა 2-ის 3 მატჩი გაიმართა.
ლიდერმა "მერანმა" თბილისის "სპაერის" სტადიონზე 4:0 გაანადგურა "ცხინვალი". გოლები გიორგი დათუნაიშვილმა, რევაზ გეწაძემ, გიორგი ნიქაბაძემ და გიორგი კახელიშვილმა (პენალტით) გაიტანეს.
"სამტრედია" საკუთარ მოედანზე "გურიას" დაუზავდა (1:1). ანგარიში მე-5 წუთზე სტუმართა გუნდის თავდამსხმელმა ვანო წილოსანმა გახსნა, 37-ე წუთზე კი მასპინძელთა ფორვარდმა გურამ სამუშაიამ საპასუხო გოლი გაიტანა.
ლიდერთა ჯგუფის წარმომადგენლების, "თელავისა" და "შევარდენის" შეხვედრა კი 0:0 დასრულდა.
"მერანი" მეორეადგილოსან "თელავს" 4 ქულით გაექცა, ხოლო მესამე პოზიციაზე მყოფ "შევარდენს" - 6 ქულით.
17 მაისს ტურის
დარჩენილი 2 თამაში გაიმართება: "კოლხეთი" "ზუგდიდს", "გაგრა" კი "შუქურას" უმასპინძლებს.
