უკრაინული Football24.ua-ს ინფორმაციით, გორის "დილას" ლეგიონერი მიკოლა კოვტალიუკის გადაბირებით ესპანური "სალამანკა" ინტერესდება."სალამანკა" ესპანეთის რანგით მესამე დივიზიონში - სეგუნდა B-ში ასპარეზობს და პირველ ჯგუფში მე-8 პოზიციას იკავებს.
მიკოლა კოვტალიუკმა ეროვნული ლიგის გასულ სეზონში 21 გოლი გაიტანა და ამ მაჩვენებლით მხოლოდ ბომბარდირებს - გიორგი გაბედავას და ბუდუ ზივზივაძეს ჩამორჩა.
მას კარიერის განმავლობაში კიევის "არსენალის", "პოლტავას", ფოთის "კოლხეთის" და თბილისის "დინამოს" რიგებში უთამაშია.
გორის "დილა" უკრაინელი ფეხბურთელის სანაცვლოდ 375 ათას ევროს ითხოვს.
![alt](/pictures/image50/f8c9d1b73e9d0c95ed5040f9b293e5ff.png ""დილას" ფეხბურთელით ესპანური კლუბი ინტერესდება - გორელები 375 000-ს ითხოვენ")
უკრაინულმა საიტმა "დილას" თავდამსხმელი კოვტალიუკი 11 საუკეთესო ლეგიონერს შორის დაასახელა
