ახალგაზრდა მოთამაშემ კლუბის Facebook-გვერდთან "ტორპედოზე", თურქულ შეკრებასა და სხვა საკითხებზე ისაუბრა.
"დეკემბერში გავიგე, რომ შანსი მქონდა, სინჯებზე ისეთ დიდ გუნდში მივსულიყავი, როგორიც "ტორპედოა" და მთელი ეს დრო ვემზადებოდი სინჯებისთვის. დიდ ყურადღებას ფიზიკურ მომზადებას ვუთმობდი. ფიზიკურად თავიდან ძალიან გამიჭირდა.
გუნდში ძალიან გამოცდილი ფეხბურთელები არიან, მაგრამ პირველი ვარჯიშების სირთულეები მაინც დავძლიე. შემდეგ კი ბევრად გამიმარტივდა. არ ვიცი, ეს სიტყვებით როგორ გადმოვცე. ძალიან მიხარია ამ გუნდის წევრობა, რადგან ასეთ კლუბში პროგრესირება და უკეთესად გახდომა შესაძლებელია. ვიყავით შეკრებაზე, სადაც 6 კარგ გუნდს ვეთამაშეთ.
გუნდში ჩემსავით რამდენიმე ახალწვეულია და შეკრებაზე ერთმანეთთან ურთიერთობა დავამყარეთ. ვფიქრობ, რომ კარგი და ნაყოფიერი შეკრება გამოგვივიდა და კარგი სეზონი გვექნება. მთელი ჩემი ბავშვობა საქართველოში მაქვს გატარებული. ყოველ ახალ წელს და ზაფხულის არდადეგებს საქართველოში ვატარებდი. ზღვაზე ან კუნძულზე დასვენებას საქართველოში ოჯახთან ყოფნა მერჩივნა.
აქ ბევრი ნაცნობი მყავს, როგორც ქუთაისში, ისე სხვა ქალაქებში. ამიტომ თავს ისე ვგრძნობ, როგორც სახლში. აუცილებლად ვისწავლი ენას და შემდეგ ინტერვიუს ქართულად მოგცემთ." - განაცხადა ვახტანგ ნებიერიძემ.
![alt](/pictures/image50/16843d46e08602cfb1c22e80439a48d2.jpg ""აუცილებლად ვისწავლი ქართულ ენას" - "ტორპედოს" რუსეთში დაბადებული ქართველი ახალწვეული")
რუსეთში დაბადებულ-გაზრდილი ქართველი - "ტორპედოს" კიდევ ერთი ახალწვეული
!["მე არაბიძეს გამოვიძახებდი! ვიღაც საუბრობს, რომ ცუდი ხასიათი ჰქონდა, მაგრამ..." - ჩხეტიანი სანიოლის გადაწყვეტილებასა და "ტორპედოს" ფეხბურთელზე საუბრობს [VIDEO]](/pictures/image7/cc879bbbba4eda5e48fc73622de0bb73.jpg "\"მე არაბიძეს გამოვიძახებდი! ვიღაც საუბრობს, რომ ცუდი ხასიათი ჰქონდა, მაგრამ...\" - ჩხეტიანი სანიოლის გადაწყვეტილებასა და \"ტორპედოს\" ფეხბურთელზე საუბრობს [VIDEO]")
![ერთმანეთზე ლამაზი გოლები - არაბიძემ "ლევადიას" დუბლი შეუსრულა [VIDEO]](/pictures/image7/92a0a2610e0a7dd542aec1e4bed87046.jpg "ერთმანეთზე ლამაზი გოლები - არაბიძემ \"ლევადიას\" დუბლი შეუსრულა [VIDEO]")
![საჯარიმოს გარედან - არაბიძემ "ჰერკულესს" სუპერგოლი გაუტანა [VIDEO]](/pictures/image7/0600ad9fc3688ea3db833aea363c107c.png "საჯარიმოს გარედან - არაბიძემ \"ჰერკულესს\" სუპერგოლი გაუტანა [VIDEO]")
![გაიცანით ბიორნ იონსენი - ქუთაისის "ტორპედოს" ნორვეგიელი ახალწვეულის მიერ გატანილი გოლები [VIDEO]](/pictures/image7/e94ae6c6abca2665f87b2dffcb57f2fa.jpg "გაიცანით ბიორნ იონსენი - ქუთაისის \"ტორპედოს\" ნორვეგიელი ახალწვეულის მიერ გატანილი გოლები [VIDEO]")
