ფოტო: fcdinamo.ge
თბილისის "დინამოს" მთავარი მწვრთნელი ესპანელი სპეციალისტი ფელის ვისენტე გახდა.
შეგახსენებთ, რომ სეზონის დასრულებამდე გუნდს ზაურ სვანაძე წვრთნიდა.
Sportall.ge კლუბის პრესსამსახურს დაუკავშირდა, სადაც გვითხრეს, რომ ეროვნული ლიგის დაწყებამდე რამდენიმე დღით ადრე კლუბის პრეზიდენტის, რომან ფიფიას გადაწყვეტილებით, ესპანელი სპეციალისტი გუნდის მთავარ მწვრთნელად დაინიშნა. ვისენტე გუნდს ერთი წლის განმავლობაში უხელმძღვანელებს.
აღსანიშნავია, რომ თავიდან ვისენტე "დინამოში" ფიზმომზადების მწვრთნელად დაინიშნა, თუმცა ახლა ის მთავარი მწვრთნელის პოსტს იკავებს.
ვისენტეს ასისტენტები კი ზაურ სვანაძე და ჩისკო მუნიოსი არიან.
ვისენტეს ფიზმომზადების პოზიციაზე სხვადასხვა დროს "ლეგანესში", "პარლაში",
"ლევანტეში", "ალმერიასა" და ჩინურ "დალიან იფანგში" უმუშავია, ხოლო მთავარ მწვრთნელად მუშაობის გამოცდილება არ ჰქონია.
აქვე გეტყვით, რომ თბილისის "დინამომ" ეროვნული ლიგის სტარტზე პირველი მატჩი საჩხერის "ჩიხურას" 2:0 მოუგო, ხოლო მეორე შეხვედრაში ბოლნისის "სიონთან" 1:2 წააგო.
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
![ეროვნული ლიგა. VIII ტური. "დინამო" (თბ) - "კოლხეთი" [LIVE]](/pictures/image7/561d5ff7131c5b2c63dbc262099c8520.jpg "ეროვნული ლიგა. VIII ტური. \"დინამო\" (თბ) - \"კოლხეთი\" [LIVE]")
![ოქრიაშვილის დაბრუნება - ბათუმის "დინამომ" თბილისის "დინამო" დაამარცხა [VIDEO]](/pictures/image7/fd2a659ebbd43666ba5cdb3b2dce11f8.jpg "ოქრიაშვილის დაბრუნება - ბათუმის \"დინამომ\" თბილისის \"დინამო\" დაამარცხა [VIDEO]")
