რომან ფიფია: 100-მდე ლეგიონერი გვყავდა, ანაზღაურებით 5-დან 30 ათასამდე, ჩისკოს გარდა არავინ გამოგვადგა

AutoSharing Option
დღეს, 23 დეკემბერს, თბილისის "დინამოს" მფლობელი რომან ფიფია ჟურნალისტებს შეხვდა და მოსალოდნელ სიახლეებზე ესაუბრა.

"მინდა წარვადგინო ახალი მწვრთნელი  კახა ჩხეტიანი. ჩვენთვის დიდი პატივია, რომ ის ჩვენი გუნდის მწვრთნელი გახდა. ამავე დროს, მინდა დიდი მადლობა გადავუხადო ესპანელ მწვრთნელებს, რომლებმაც "დინამო" დატოვეს.

ფელის ვისენტეს ჰქონდა პრობლემები, ჩისკოს ლიცენზია არ გააჩნდა. საზოგადოებამ უნდა იცოდეს, რომ ყველანაირი მეთოდით ვცადეთ ამ საკითხის გადაჭრა, თუმცა ეს ვერ მოხერხდა. ამიტომ დღეს აქ კახასთან ერთად ვიმყოფებით და ვიმეორებ, რომ ეს ჩვენთვის დიდი პატივია.

"დინამო" ოთხჯერ გახდა ჩემპიონი ჩემს
ხელში. არცერთი მწვრთნელი მე არ გამიშვია, ვინც გუნდი ჩემპიონობამდე მიიყვანა. მწვრთნელებმა თავიანთი გადაწყვეტილებით ითხოვეს და წავიდნენ. მე ზუსტად ვიცი, რომ კახას არსად არ ეჩქარება და უცხოეთში წასვლას არ აპირებს, აქ ბევრი საქმე აქვს.

რაც შეეხება უცხოელ ლეგიონერებს, მე დარწმუნებული ვარ, ჩემზე უკეთ იცით, რა ხდება ჩვენს ქვეყანაში. ყველაზე წარმატებული ლეგიონერი იყო ჩისკო. მის გარდა 100-მდე ლეგიონერი გვყავდა ჩამოყვანილი, სხვადასხვა ანაზღაურებით, 5 ათასიდან 30 ათასამდე, მაგრამ არავინ გამოგვადგა.

აქ კარგი ლეგიონერის ჩამოყვანა სერიოზული პრობლემაა, მათ არ უნდათ აქ ჩამოსვლა. თვეში 30 ათასის ხელფასის გადახდა არ ნიშნავს, რომ მაღალი დონის ლეგიონერი ჩამოგყავს. ჩვენ უნდა ვეცადოთ, რომ როგორმე ჩამოვიყვანოთ გამოცდილი ფეხბურთელი, რომელიც სხვაგან ძირითად შემადგენლობაში ვერ ხვდება. უნდა დავიჭიროთ ბალანსი. ეს არ არის ადვილი საქმე, მაგრამ ვეცდებით, როგორმე მივაღწიოთ ამ ბალანსს.

რა თქმა უნდა, კახას გადასაწყვეტია თითოეული ფეხბურთელი, ვინც მოვა "დინამოში". მერწმუნეთ, ეს არაა ადვილი, გამართლებაზეა. გვინდა 4-5 ფეხბურთელის ჩამოყვანა. ვნახოთ, როგორც გამოგვივა, ისეთ წარმატებებს მივაღწევთ.

ლევან მჭედლიძეს რაც შეეხება, ჩვენ გვინდა, რომ მან ითამაშოს და "დინამოს" სარგებელი მოუტანოს. ძალიან ნიჭიერი ფეხბურთელია. სამწუხაროდ, ტრავმიანობა პრობლემაა, მაგრამ ვიმედოვნებთ, რომ კარგ ფორმაში იქნება. ახლა მეტს ამაზე ვერაფერს გეტყვით, ძალიან მონდომებულია და იმედი გვაქვს, საუკეთესო ფორმაში შევა.

მწვრთნელების შენარჩუნება? მაგალითად, დუშან უჰრინი ჩემთან მოვიდა და მითხრა, რომ ახალი წინადადება ჰქონდა და უნდა გამეშვა. მე ვერაფერი გავაკეთე, მიუხედავად იმისა, რომ მისი შენარჩუნება მინდოდა. დარწმუნებული ვარ, კახასთან მსგავსი არ მოხდება და ჩვენ გვერდში მაქსიმალურად დავუდგებით. ვიმეორებ, რომ წარმატებული მწვრთნელი მე არცერთი გამიშვია და ეს კრიტიკა ხშირად მისაღები არაა.

მე მაქვს 9-წლიანი გამოცდილება და ამ გამოცდილებიდან გამომდინარე, ჩვენ ვიღებთ გადაწყვეტილებას, რომელიც ყველაზე მეტად შეესაბამება "დინამოს". ჩვენ ვთქვით, რომ ვინც გუნდშია მოსაყვანი, პირველ რიგში, ქართველი და ვინც შესაძლებელია გვინდოდეს და შანსი არსებობს, საქართველოში სათამაშოდ ჩამოვიდეს, ის აუცილებლად ჩვენთან ითამაშებს", - განაცხადა რომან ფიფიამ.

მკითხველის კომენტარები / 29 /
არაადეკვატურ კომენტარებს წერს ბევრი. ჯერ ფლამარიონის ტრანსფერზე რომ ამბობთ, მგონი დინამო თბილისი გახდა ჩემპიონი და ლეგიონერებიც არავიზე ნაკლები იყო. არადა იდეაში სიმართლეს ამბობს ეს კაცი, უბრალოდ ზედმეტად ბევრი შეცდომები მოზდის და ეს უფრო მრჩეველების და სპორტული მენეჯერების ბრალია.
გურამი
23 დეკემბერი 2019 23:23
8
ბათუმმა თუ ჩამოიყვანა ფლამარიონი? ცუდი ფეხბურთელია? ე.ი შესაძლებელი ყოფილა
ლევანი
23 დეკემბერი 2019 21:19
1
შენ გენაცვალე რომანა ფიფია. ზუსტად ჩვენს გულში ზიხარ რასაც აკეთებ “დინამოს” განადგურებისთვის.. ზოგჯერ ჩვენთვისაც კი ზედმეტი მოგდის. ნამდვილად არ გვეგონა ასიათასობით ქართველის უსაყვარლეს გუნდს თუ ერთ-ერთ ჩვენნაირს ჩაუგდებდნენ ხელში საჯიჯგნად. ასე გააგრძელე .....
თბილისის “დინამოს” დაუძინებელი მტერი
23 დეკემბერი 2019 20:09
6
კი მაგრამ, ჩვენ ჩამოგვყადა უვარგისი ფეხბურთელები?!
მერაბი
23 დეკემბერი 2019 17:19
1
ჟვანიამ თასიც მოიგო და ჩემპიონობაც მაგრამ უნამუსოდ გუშვი და ნუ გვაბოლებ აქ.
nikk
23 დეკემბერი 2019 17:09
2
ჩემო რომან, ნაგვები ჩამოგყავდა და როგორ გამოგადგებოდა?
Status quo
23 დეკემბერი 2019 16:41
2
და გგონია ნორმალური ლეგიონერის ჩამოყვანა შესაძლებელია ჩვენს ჩემპიონატში?
ემრე
23 დეკემბერი 2019 17:39
6
ფულის დახარჯვა არ გინდა თორე როგორ არ ჩამოვა,ყარაბახმა გაბალამ ბატემ და ბოლობოლო არარატარმენიამ როგორ ჩამოიყვანა
oto
23 დეკემბერი 2019 16:28
3
არარატ არმენიამ ვინ ჩამოიყვანა წესიერი და რას მიაღწიეს? საბურთალო რომ გამოაგდეს?? ბატეს არავინ არ ჩამოუყვანია და ძირრითადად ბელარუსი ფეხბურთელებით მიაღწია ყველაფერს და რაც შეეხება ყარაბახს და გაბალს თავის დროზე ამ დროისთვის ყარაბახის ბიუჯეტი 50 მილიონ $ აღემატება ყავთ ფეხბურთელი ვისაც წელიწადში 1$ მილიონს უხდიან და ყარაბახს მთავრობა აფინანსებს ასე რომ დინამოს ნუ შეადრით და რომანას ნუ მოსთხოვთ რომ აზერბაიჯანის სახელმწიფოს გაუწიოს კონკურენცია, დანარჩენს რაც შეეხება მიკელ ალვარო, პიტერ გრაიცერი თუნდაც უსტარიცი საკმაოდ ნორმალური დონის ლეგიონერები იყვნენ. 4-5 დაბალი დონის მოთამაშის ჩამოყვანას და მათვის 5დან 30მდე გადახდას ჯობია 2 შედარებით მაღალი დონის ფეხბურთელის ჩამოყვანა და 30-50ს გადახდა დინამოს ახალგაზრდა ფეხბურთელებიც მეტად გაიზრდებიან და საქართველოშიც არის რესურსი რომ 2-3 მაღალი დონის ლეგიონერის გარშემო ააწყო ქართველი ფეხბურთელებით გუნდი. მაგრამ მე მაინც მგონია რომ აფრიკის და სამხრეთ ამერიკის ბაზრის ათვისება და იქიდან პერსპექტიული ახალგაზრდების ჩამოყვანა ჯობია.
nika
23 დეკემბერი 2019 17:07
6
kutaisis torpedos nomer pirveli mteri.
KUTAISELI
23 დეკემბერი 2019 16:26
14
იქნებ ცოტა თავი გაატოკოთ ბატონო ფიფია, 100 ლეგიონერიდან არავინ რომ არ გამოგადგად ჩვენც ვხედავთ, მარა რისი ბრალია რომ ვერ გამოგადგათ, დამნაშავე ვინ არის ამდენ ხანს ვერ მიხვდით? ძალიან ცუდია თუ ამდენ ხანს ეგეც ვერ მიხვდით.
G.LA
23 დეკემბერი 2019 16:24
0
100 მდე ლეგიონერი გვყავდა და არცერთი გამოგვადგაპ
იაგო
23 დეკემბერი 2019 15:58
0
მთელი არზა წერილი გამოვგზავნე და ერთი წინადადება გამოაქვეყნეს
იაგო
23 დეკემბერი 2019 16:15
0

სიახლეები პოპულარული