![](https://sportall.ge/pictures/image31/4ec72ec792ff162b97ab535490f9787a.jpg)
კორონავირუსის გამო შეწყვეტილი სეზონისას ქართული გუნდებიდან პირველმა ვარჯიში "ლოკომოტივმა" განაახლა.
ამის შესახებ ინფორმაციას კლუბი თავისი "ფეისბუქის" გვერდით ავრცელებს:
"ორთვიანი პაუზის შემდეგ "ლოკომოტივის" ფეხბურთელები სავარჯიშო მოედანს უბრუნდებიან. აღდგენილი სავარჯიშო პროცესი სრული დატვირთვით მიმდინარეობს. ორკაციან ჯგუფებად დაყოფილი ფეხბურთელები "ლოკომოტივის" აკადემიის დიღმის მოედანზე ვარჯიშობენ".
შეგახსენებთ, "ლოკომოტივი" 2 ტურის შემდეგ 6 ქულით ჩემპიონატის ლიდერია და გუნდს ლევან კორღალიძის ნაცვლად სათავეში სოსო ფრუიძე ჩაუდგა.
ჯერ უცნობია, როდის განახლდება ეროვნული ლიგის გათამაშება.