ფოტო: თბილისის "დინამოს" "ფეისბუქ" გვერდი
გუშინ ევროპა ლიგის საკვალიფიკაციო ეტაპის "პლეი-ოფის" პირველ შეხვედრაში ერევნის "ალაშკერტი" გლაზგოში, "რეინჯერსთან" 0:1 დამარცხდა. მიუხედავად იმისა, რომ სომხური კლუბის ფეხბურთელები 43-ე წუთიდან რიცხობრივ უმრავლესობაში იყვნენ, კარისკენ მხოლოდ ერთხელ დაარტყეს (კარში არცერთხელ) და შოტლანიდიელებმაც გოლი უმცირესობაში ყოფნისას გაიტანეს. იმის თქმა გვინდა, რომ სომხებს განსაკთრებული ფეხბურთი არ უჩვენებიათ, მაგრამ საპასუხო მატჩისთვის ევროპა ლიგის ჯგუფურ ეტაპზე გასვლის შანსი შეინარუჩნეს და ეგეც რომ არა, ქართული კლუბებისთვის ამდენი წლის აუხდენელ ოცნებას მიაღწიეს და ევროპულ ტურნირზე მაინც ითამაშებენ - კონფერენს ლიგის
ჯგუფური ეტაპი "ალაშკერტს" განაღდებული აქვს.
სანაკრებო ფეხბურთის დონეზე კავკასიის ქვეყნებს შორის მინი შეჯიბრის შუაში ვარ - FIFA-ს რეიტინგში სომხეთი გვისწრებს, ხოლო აზერბაიჯანი ჩამოგვრჩება. საკლუბო დონეზე აზერბაიჯანი რომ გვჯობს, ცოტა ხნის წინ თბილისის "დინამოსა" და ბაქოს "ნეფთჩის" დაპირისპირებაშიც გამოჩნდა. არაფერს ვამბობთ "ყარაბაღის" ცოტახნისწინანდელ მიღწევებზე და იმაზე, რომ დიდი შანსია იმისა, რომ აზერბაიჯანელები 2021/22 წლების სეზონის ევროტურნირებზე წარმოდგენილი ორი გუნდით იყვნენ. ახლა კი ევროპული ტურნირის ჯგუფურ ეტაპზე სომხური გუნდიც გავიდა.
რასაკვირველია, ეკონომიკური და სხვა ბევრი ფაქტორის გათვალისწინებით დასავლურევროპულ კლუბებს ვერც შევედრებით, ახლა კი რომც შევეჯიბროთ, ჩვენი რეგიონის ქვეყნებიც გვისწრებენ. საკლუბო ფეხბურთი ჩვენს ქვეყანაში უკან და უკან მიდის, ან სხვები იმდენად სწრაფად მიდიან წინ, რომ ჩვენი ტემპები არასკმარისია. ჩამორჩენის აღმოსაფხვრელად შენი სისწრაფე წინ მყოფზე უფრო მაღალი უნდა იყოს...
იმავე ტურნირზე ითამაშებს გიბრალტარის ან ლატვიის ჩემპიონატის წარმომადგენელი გუნდი (ერთმანეთს ხვდებიან), ირლანდიის ან ესტონეთის ჩემპიონატის წარმომადგენელი გუნდი (ესენიც ერთმანეთის ეთამაშებიან), ფინეთის ჩემპიონატის წარმომადგენელი გუნდი, შანსებს ინარჩუნებს ლიეტუვური "ჟალგირისი", ყაზახურ კლუბებზე აღარაფერს ვამბობთ...
ქართული კლუბების "მესვეურები" კი აგრესიას გამოხატავენ ქართველი მსაჯების მიმართ, წარუმატებლობას აბრალებენ ნეპტუნის იუპიტერის ზონაში თავხედურად შესვლას, წყლის ქიმიურ ფორმულის ცვლილების შედეგად "გია ჯაჯანიძის შოუს" ასიმპტომურ დეჰიდრადაციას.
ერთადერთი ქართული კლუბი, რომელიც ვითარდება - ბათუმის "დინამო" გახლავთ. განვითარებაში ვგულისხმობთ არა მხოლოდ ევროტურნირებიდან "ღირსეულად" გამოვარდნას, არამედ პირველ რიგში იმას, რომ ამ კლუბმა სტადიონზე გულშემატკივრის მიყვანა შეძლო. ეს ქართული რეალობით დიდ ქალაქებში მნიშვნელოვანი საზომია...
თბილისის "დინამოს" ბოლო წლების პროცესი უჩა ჩაჩხიანის სიმღერის მცირედშეცვლილი სათაურით შეგვიძლია დავახასიათოთ - "ტრიუმფალური სვლა ფსკერისკენ"... რატომ აღვნიშნავთ თბილისის "დინამოს"? ქართული საკლუბო ფეხბურთის სიმბოლო სწორედ ეს გუნდია, თან ჩემპიონი თავისი 1:6-ით.... 1:5-ით.... კლუბის პრეზიდენტმა რეორგანიზაცია ახლა გამოაცხადა, რამდენიმე დღის წინ, ალბათ ფარერებზე ნაჭამი სირცხვილი საკმარისი არ იყო....
ვიცით, რომ ბევრი ფული არ გვაქვს, კონკურენცია დაბალია... მოლდოვის ჩემპიონატის თამაშები გინახავთ ვინმეს? თუ კი, საწინააღმდეგო არ გექნებათ რომ ვთქვათ, ეროვნული ლიგის თამაშები გაცილებით კარგი შესახედი და უფრო სანახაობრივია, მაგრამ ტირასპოლის "შერიფი" ჩემპიონთა ლიგის ჯგუფურ ეტაპთან ძალიან ახლოსაა და ზაგრების "დინამოს" პირველ მატჩში 3:0 მოუგო, იმ "დინამოს", რომელთანაც "საბურთალო" 2 მატჩის ჯამში 0:5 დამარცხდა, ის "საბურთალო", რომლის მფლობელი და პრეზიდენტი ქართველ მსაჯებს საჯაროდ აგინებს და არაპროფესიონალიზმში ადანაშაულებს იმ მსაჯს, რომელიც უეფამ ახალგაზრდული ევროპის ჩემპიონატის ფინალის მთავარ არბიტრად დანიშნა... არაპროფესიონალიზმში მსჯებს იმ კლუბის პრეზიდენტი ადანაშაულებს, რომლის გუნდის თამაშებზეც 27 ადამიანი არ დადის...
და კიდევ "ტორპედო", თავისი მიმდინარე ისტორიით...
მოკლედ, რა უნდა მოხდეს კიდევ, რომ ხმამაღლა ვთქვათ, თუ ყელს რა მასაც მოადგა და ასე ყოფნა აღარ შეიძლება?
საჭირო რევოლუციური ნაბიჯებია და არა რევოლუციური რეფორმები. რეფორმები რევოლუციას არ იწვევს, პირიქით არსებულის შენარჩუნებას უწყობს ხელს, არსებული კი რაცაა, კარგად ვიცით. ასეთი რადიკალური ნაბიჯების გადადგმა კლუბების საქმეა, მაგრამ მსგავსი მოლოდინის ქონა ზედმეტი გულუბრყვილობა იქნება...
ამიტომ, რადიკალური, ერთგვარად ავანტიურისტული სვლები ფეხბურთის ფედერაციამ უნდა გადადგას და მაგალითად, პროფესიონალურ გუნდებს დაფინსება სრულად შეუწყვიტოს, თუ კლუბი გარკვეული ოდენობის კერძო ფულს არ მოიზიდავს (მაგალითად, 1 მილიონ ლარს, ეროვნული ლიგის მონაწილე კლუბის შემთხვევაში). გამოთავისუფლებული თანხები კი, ალბათ, ჯობს ინფრასტრუქტურასა და სფფ-ის აკადემიათა ქსელის გაუმჯობესებასა და გაფართოებას მოხმარდეს, რაც საუკეთესო პროექტია, რაც 21-ე საუკუნის ქართულ ფეხბურთში გაკეთებულა...
ცხადია, ზედა აბზაცში აღნიშნული ვარიანტი ერთი რიგითი მოსაზრებაა და არა ხილული ჭეშმარიტება, მაგრამ ასე არ უნდა გაგრძელდეს, რაღაც უნდა მოხდეს და ისეთი რაღაც, რაც წარუმატებლობის კედლებს დაანგრევს....
![ეროვნული ლიგა. XVIII ტური. "დინამო" (თბ) - "გაგრა" [LIVE]](/pictures/image7/6cf3fa7f322a696b7f8aad497a079cbc.jpg "ეროვნული ლიგა. XVIII ტური. \"დინამო\" (თბ) - \"გაგრა\" [LIVE]")
![ეროვნული ლიგა. XVIII ტური. "სამტრედია" - "დინამო" (ბთ) [LIVE]](/pictures/image7/3d0177eb5fb7106e8355542893954f2a.png "ეროვნული ლიგა. XVIII ტური. \"სამტრედია\" - \"დინამო\" (ბთ) [LIVE]")
![ეროვნული ლიგა. XVII ტური. "გაგრა" - "იბერია 1999" [LIVE]](/pictures/image7/a34767226b08ade8801bd46892fd6b19.png "ეროვნული ლიგა. XVII ტური. \"გაგრა\" - \"იბერია 1999\" [LIVE]")
ისე კი ვერანაირი რევოლუცია ვერ დაძრავს ამ საქმეს. ჩვენს ფეხბურთში მოღვაწე პერსონებისგან, ადამიანური მიდგომა, თანაც მასიურად არის იმდენ ამაზრზენი რომ დიდ ჭაობს ჰგავს.
ჩემი აზრით რამდენიმე წლით გასაუქმებელია ეროვნული ჩემპიონატი და დასატოვებელია მხოლოდ ასაკობრივი ჩემპიონატები და მანდაც მწვრთნელ, მენეჯერიანად სულ უცხოელები არიან დასანიშნნი. სანამ აღნიშნული ასაკობრივები არ გაიზრდებიან მანამ არცაა ეროვნული ჩემპიონატი აღსადგენი !!!!
ახალი სფფ.
მაგრამ არა მაგარი.უფრო მეტად მიაწექი ამ საზიზღრებს!უფრო მეტი ცინიზმით და შეურაცხყოფით! მესმის რო ამ არაადამიანედს სირცხვილის გრძნობა არ გააჩნიათ მაგრამ მაინც!უფრო მეტად გააშუქეთ 1:6 1:5 და ამავდროულად ფარერების გიბრალტარის ესტონეთის მოლდოვის ლატვიის ჩემპიონატები. იქნებ მოიპოვოთ ამ გუნდების სახელფასო ინფორმაციები და მერე ერთად ავაფაროთ განსაკუთრებით ფიფიას!! მოლდავეთი რომელიც ალბათ ჩვენს ქვეყანაზე დაქცეულია რომლის ჩემპიონატი სრულიად გეთანხმები რო უსაზიზღრესია...
ძირითადი პრობლემა - ფიზიკურად,მით ინდივიდუალურად ს უ ს ტ ე ბ ი არიან ,ე.ი. ი იმდენად სუსტად მომზადებულები არიან ბავშვობიდან, რომ ინდივიდუალიზმსს ვეღარ აჩვენებენ და ერთ დონეზე ჩერდებიან, მერე დეგრადირხებიან ...
საჭიროა ბ ა ვ შ ვ თ ა მწვრთვნელების მასობრივი გადამზადება - მივლინება გერმანია, ჰოლანდია, ინგლისში ...
- რისთვისაც დიდი- სერიოზული ფინანსებია საჭირო - ბავშთა ფეხბურთიდა დაწყებისათვის ...ფინანსებისათვის- ეკო -კის აღორძინება, ეკო - კის აღორძინებისათვის - დასავლეთის გამოცდილება- პ ა რ ტ ნ ი ო რ ო ბ ა და ა.შ. და ა.შ.