წვიმიან ამინდში ჩატარებული მატჩი მოულოდნელად სტუმართა შეტევებით დაიწყო, გოლი კი მასპინძლებმა გაიტანეს, როდესაც ჯიღაური დებიუტანტ ვადის გაექცა და ბურთს სპენკელინკის კარში მიუჩინა ადგილი. ამის შემდეგ ბათუმელები ინიციატივას დაეუფლენ, მაგრამ ანგარიშის გაზრდა ვერ მოახერხეს.
მეორე ტაიმის დასაწყისში ჯერ დარცმელიამ ანგარიში გაათანაბრა, შემდეგ კი კირკიტაძე აზაცკის გაექცა და „ლოკო“ დააწინაურა. თუმცა, „რკინიგზელთა“ სიხარული ხანმოკლე გამოდგა - შეცვლაზე შესულმა ნავალოვსკიმ საჯარიმოს გარედან მახვილი კუთხიდან ძლიერად დაარტყა, ვადიმ ბურთის მოგერიება ვერ შეძლო, მეკარესაც ხელი შეუშალა და - 2:2. შემდეგ ჩაწოდებული კუთხურისას ჯიღაური უმეთვალყურეოდ დატოვეს და თავურით დაამწუხრა დედაქალაქელები, 72-ე წუთზე გაფრინდაშვილი ფლანგზე ადვილად დაუსხლტა მეურვეს და კარის წინ ფანცულაიას საგოლე გადაცემა გაუკეთა, მერე თავად გაფრინდაშვილმაც გაიტანა, ფანცულაიამ დუბლი შეასრულა, აზაროვმაც გამოიჩინა თავი, ხოლო ბოლოს გავაშელიშვილმა ანგარიში შეამცირა.
მოკლედ, ბათუმის „დინამოს“ მწვრთნელის, გეგუჩაძის მიერ განხორციელებულმა ცვლილებებმა გაამართლა, მაგრამ ისიც სათქმელია, რომ მეტოქეზე უფრო გრძელი სათადარიგოთა სკამი აქვს და უთუოდ უნდა აღინიშნოს ორივე გუნდის დაცვის ძალიან ცუდი თამაში.
20 სექტემბერს ლიდერი ბათუმის „დინამო“ გასვლაზე „თელავს“ დაუპირისპირდება, მეხუთეადგილოსანი „ლოკომოტივი“ კი „სამგურალს“ უმასპინძლებს.
ბათუმი. „აჭარაბეთ არენა“
დინამო (ბთ) - ლოკომოტივი 7:3
გოლები: 1:0 ჯიღაური (21), 1:1 დარცმელია (51), 1:2 კირკიტაძე (55), 2:2 ნავალოვსკი (65), 3:2 ჯიღაური (69), 4:2 ფანცულაია (72), 5:2 გაფრინაშვილი (80), 6:2 ფანცულაია (84), 7:2 აზაროვი (87), 7:3 გავაშელიშვილი (89)
დინამო (ბთ) (4-2-3-1): კუპატაძე, აზაროვი, აზაცკი, კობახიძე (კ), ჩაბრაძე (გაფრინდაშვილი 19), ზარია (ფანცულაია 57), ჯიღაური (გროზურეკი 77), ტეიდი, მანჯგალაძე (ნავალოვსკი 57), მამუჩაშვილი, ფლამარიონი (ნიქაბაძე 77)
მწვრთნელი: გეგუჩაძე
ლოკომოტივი (4-3-3): სპენკელინკი, ანდრონიკაშვილი, გაბაძე (მჭედლიშვილი 82), უბილავა (კ), ვადი, დარცმელია, სამურკასოვი, იმრანი, შონია (კახაბრიშვილი 74), კირკიტაძე (ჭიაბრიშვილი 82), სიხარულიძე (გავაშელიშვილი 74)
მწვრთნელი: ჭიაბრიშვილი
![alt](/pictures/image50/290671cac86c554e29e114c2eb0afd83.jpg "ათგოლიანი მატჩი ბათუმში - "დინამომ" "ლოკომოტივი" გაანადგურა")
ბათუმელთა ხელიდან გაშვებული და "თელავის" ისტორიული გამარჯვება [VIDEO]
![ეროვნული ლიგა. XXXII ტური. "ტორპედო" - "დინამო" (ბთ) [LIVE]](/pictures/image7/35ca7b0ee15305d4b455c21328380b04.png "ეროვნული ლიგა. XXXII ტური. \"ტორპედო\" - \"დინამო\" (ბთ) [LIVE]")
![ეროვნული ლიგა. XXXI ტური. "დინამო" (ბთ) - "თელავი" [LIVE]](/pictures/image7/657764ee57ee032da5797e3c77c7848c.png "ეროვნული ლიგა. XXXI ტური. \"დინამო\" (ბთ) - \"თელავი\" [LIVE]")
ესიგი რა გამოდის ჩვენ არასწორად ვზრდით თაობებს თორემ ნიჭიერება ღმერთისგან ბოძებული სიმდიდრეა.ამაზე არის დასაფიქრებელი და სამუშაო ჩასატარებელი, ფედერაცია ამიტომ გვჭირდება რომ საფეხბურთო ფილოსოფია და პოლიტიკა შეცვალოს. ჩვენ კი თითქმის ბოლო ოცი წელიწადია ერთ ადგილს ვტკეპნით.სიმართლე თუ გინდათ მე ქართული ფეხბურთი ბოლო 40 წელიწადია არ მინახავს. 1982 წლიდან დაიწყო კრიზისი, რომელიც გაღრმავდა და დღეს სადაც ვართ კი ხედავთ, ეს უკვე კატასტროფაა.