მსოფლიოში ერთ-ერთმა ყველაზე ცნობილმა და სანდო იტალიელმა ჟურნალისტმა ფაბრიციო რომანომ დაადასტურა, რომ ხვიჩა კვარაცხელია "ნაპოლიში" გადადის. როგორც მან საკუთარ Twitter-ის გვერდზე დაწერა, "ნაპოლი" ხვიჩა კვარაცხელიასა და მატიას ოლივეირას ტრანსფერებს ხურავს და ორივე მომავალი სეზონიდან ნეაპოლელთა მაისურს მოირგებენ.
როგორც იცით, კვარაცხელიას "ნაპოლიში" გადასვლის შესახებ ბოლო 1 თვეა აქტიურად იწერება, მაგრამ ფაბრიციო რომანოსგან ამის მოსმენა უკვე მართლაც ინფორმაციის უტყუარობას ნიშნავს და ხვიჩაც მომავალი სეზონიდან სერია A-ში ითამაშებს.
