საქართველოს ეროვნული ნაკრების მთავარმა მწვრთნელმა ვლადიმირ ვაისმა 6 ოქტომბერს, უელსთან მატჩის შემდგომი პრესკონფერენცია "დინამო არენაზე" გამართა.მსოფლიო ჩემპიონატის საკვალიფიკაციო ეტაპის მატჩში, საქართველოს ნაკრებმა უელსის ნაკრები მიიღო და 0:1 დამარცხდა.
- საქართველოს ნაკრებმა უელსთან ისტორიაში პირველად წააგო [VIDEO+PHOTO]
- წაგების მიზეზი იყო თუ არა ნახევარდაცვის ცენტრში უთამაშებელი ფეხბურთელების ყოფნა?
- რა თქმა უნდა, ერთ-ერთი მიზეზი ესეც იყო. სხვა გამოსავალი ამ მომენტისთვის არ გვქონდა, ძალიან ბევრი უთამაშებელი ფეხბურთელი გვყავდა. ამიტომ იყო თამაშის ხარისხი დაბალი და გადამწყვეტ მომენტში ბოლო პასი გვაკლდა. ამ ფაქტორმა
ჩემს ფეხბურთელებს ვერ ვუსაყვედურებ, რადგან ისინი ბოლომდე დაიხარჯნენ.
- როგორ აღიქვამთ თქვენს პროფესიულ კარიერაში მსოფლიო ჩემპიონატის ციკლის მოგების გარეშე ჩატარებას?
- დიახ, მე ვარ მწვრთნელი და მომეთხოვება შედეგი, მაგრამ დააკვირდით, სად თამაშობენ თქვენი ფეხბურთელები. ყაზახეთი, პოლონეთი, დანია და ა.შ.
ურთულესი თამაში იქნება სერბეთში. დიდი მნიშვნელობა ექნება იმას, თუ როგორ ითამაშებს ჩვენი მომავალი მეტოქე ავსტრიაში. ჩვენ მოსაგებად გავალთ მოედანზე, მაგრამ ფაქტია, რომ სერბეთს უკეთესი მოთამაშები ჰყავს.
რა თქმა უნდა, მოლდოვასთან თამაში უნდა მოგვეგო, მაგრამ არ გაგვიმართლა. დანარჩენს რაც შეეხება, წარმატებისკენ სვლა ხანგრძლივი პროცესია და ეს მალე არ მოხდება.
- ამ ეტაპზე, პროგრესს ხედავთ ეროვნულ ნაკრებში?
- რა თქმა უნდა, ქულების რაოდენობის მხვრივ არ არის პროგრესი, მაგრამ გუნდმა შეიძინა დიდი გამოცდილება და გამოჩნდნენ ახალგაზრდა ფეხბურთელები, რომლებმაც კარგ დონეზე ჩაატარეს თამაში. შეცდომები ბევრია და მეც ვუშვებ შეცდომებს. ვფიქრობ, რომ ამ გუნდს პროგრესიც აქვს და პერსპექტივაც.
მე ვიქნები თუ არა მწვრთნელი, საქართველოს ნაკრები შემდეგ საკვალიფიკაციოზე შეძლებს წარმატების მიღწევას, რადგან იქ სუსტი გუნდები იქნებიან.
- თქვენ ამბობთ, რომ ძლიერი ამარცხებს სუსტს. მაგრამ თქვენვე დააწერინეთ ისტორია სლოვაკეთის ეროვნულ ნაკრებს, სადაც ძლიერები დაამარცხეთ. რატომ ვერ ვაკეთებთ ამას ჩვენ?
- პირველ რიგში, აღვნიშნავ, რომ სლოვაკეთის ნაკრები არის ძალიან ძლიერი გუნდი და უკეთესი რეიტინგიც აქვს. სამწუხაროდ, ყველაფერი ისე არ ხდება ხოლმე, როგორც გვინდა...
- როდესაც პრაქტიკას გულისხმობთ, როგორ შეაფასებდით ჯაბა კანკავას 90 წუთს, არ იყო ეს შეცდომა? რატომ ვიგვიანებთ შეცვლებს, ხომ არ ჯობდა მეტ შემტევ ფეხბურთელს ეთამაშა?
- ყველანაირად ვეცადეთ, რომ შემტევი ფეხბურთი გვეთამაშა და მომენტები შეგვექმნა. ვფიქრობ, ჯაბა კანკავამ კარგად ჩაატარა ეს თამაში, შესანიშნავი პროფესიონალია და იმსახურებს, რომ კარგ გუნდში ითამაშოს. სხვა ვერაფერს ვიტყვი.
- როგორი ტაქტიკით ითამაშებთ სერბეთის ეროვნული ნაკრების წინააღმდეგ?
- ტაქტიკას ყველა თამაშისთვის ვცვლით. რაც შეეხება სერბეთთან თამაშს, რამდენიმე ცვლილება აუცილებლად იქნება.
![როგორ ითამაშა კვარაცხელიამ ალბანეთთან - დეტალური ანალიზი ილუსტრაციით [PHOTOS]](/pictures/image7/d7f6cfc230adee8f246a1573d55143af.jpg "როგორ ითამაშა კვარაცხელიამ ალბანეთთან - დეტალური ანალიზი ილუსტრაციით [PHOTOS]")
ამ ვაისს იცის ვინმემ რამდენი აქვს ანაზღაურება? რატომ არის გასაიდუმლოებული.
ან შედეგზე პასუხი მომეთხოვებაო რომ გაიძახის, რაში გამოიხატება ეს პასუხისმგებლობა? კობიაშვილი ყოველშემთხვევაში მადლობას უხდის, კმაყოფილი ვარ შედეგითო
რამ შეუშალა ხელი ვაისს დაეყენებინა სასტავი 4-2-4 სისტემით !!?? აი შემადგენლობაც იმ ფეხბურთელებიდან ვინც ყავდა: მეკარე-მაკარიძე, მარცხენა მცველი-ხოჭოლავა(მეორე ტაიმში ნავალოვსკი), ცენტრები-კვირკველია და კაშია, მარჯვენა მცველი-კაკაბაძე, ნახევარ დაცვა მარცხნივ მერებაშვილი, მარჯვნივ ჯიღაური (მეორე ტაიმში ჭანტურია), შუაში- კანკავა,გვილია(მეორე ტაიმში ყაზაიშვილი),თავდასხმა-სხირტლაძე ქვილითაია.
უფრო შემტევი, გინდაც წაეგო, მაინც წააგო რა აზრი ქონდა დაცვით ვარიანტს ვერ გამიგია ვეღარსად ვერ გავდიოდით. მწვრთნელია პასუხის მგებელი სასტავის დაყენებაზე და მარტო მის ხელშია ვინ გამოვა სათამაშოდ!!!!!
ბევრ რამეს თავის თავზე აიღებდა,თუნდაც ბოლო თამაშში ბელგრადში სულ სხვა ნაკრებს წაიყვანდა თუ შედეგი არ იქნება ის ახალგაზრები გამოცდილებას მაინც მიიღებენ და აუგი მათზე არც არავის დასცდება.
-ახლა კი რა გამოდის? მორიგი საცოდავი წაგების შემდეგ ყველა კმაყოფილა;ფეხბურთელიც მწვრთნელიც ფედერაცია და ა.შ. ქართული ფეხბურთის ,,მესვეურები" პატრონი და პასუხის მომთხოვნი არავიმ ჰყავთ.გასასამართლებელი საბუთიც ისეთი აქვთ ქვას გახეთქავს.
ნახეთ სად თამაშობენ ჩვენი ფეხბურთელებიო. ამ შეგნებით და ამ გაგებით მინდორზე საერთოდ არ უნდა გახვიდე