ამ მატჩის წინ ბელარუსის ნაკრები ერევანში სომხეთის ეროვნულ გუნდთან ექსპერიმენტული შემადგენლობით დამარცხდა (1:4) და მათმა მწვრთნელმა იგორ კრიუშენკომ განაცხადა, რომ მომენტები ვერ გამოიყენეს, თორემ წესით, არ უნდა წაეგოთ, ქართველებთან კი უფრო ოპტიმალურ შემადგენლობას დააყენებდა და თუ კვლავ დამარცხდებოდნენ, ეს ტრაგედია არ იქნებოდა.
საქართველოს ნაკრების თავკაცმა ვლადიმირ ვაისმა წინა შეხვედრისგან განსხვავებული სასტარტო შემადგენლობა გაიყვანა მოედანზე, 7 ფეხბურთელი შეცვალა.
ისევე როგორც წინა მატჩმა გორში კვოპროსთან, ამ ამხანაგურმა თამაშმაც არ გამოიწვია დიდი ინტერესი, არენაზე ცოტა მაყურებელი მივიდა. თუმცა, მეორე ტაიმში ტრიბუნები თითქმის გაივსო.
პირველი ნახევრის 20 წუთი უინტერესოდ წარიმართა, მერე კი სწრაფი შეტევის შემდეგ ჯიღაურის დარტყმული ბურთი მეკარემ მოიგერია, ხოლო 24-ე წუთზე ჩვენი გუნდის დაცვის შეცდომით ისარგებლა სტუმართა გუნდის კაპიტანმა სტასევიჩმა და ანგარიში გახსნა.
გაშვებული გოლის მერე ჩვენი გუნდი გააქტიურდა, სიხარულიძის თავური იგნატოვიჩმა აიღო, 35-ე წუთზე კი მან მაინც მაინც მიაღწია მიზანს -1:1.
ნაანტრაქტევს ვაისის შეგირდებმა კიდევ უფრო აქტიურად დაიწყეს მეტოქის კარზე იერიშების მიტანა, ჩვენი გუნდიდან ყველაზე მეტად გამორჩეულმა და აგრესიულმა სიხარულიძემ დაასწრო მცველს, დაარტყა და მეკარემ არ დაანება გატანა - ბურთი კუთხურზე მოიგერია. კუთხურს კი გოლი მოყვა. შეცვლაზე შესულმა დვალმა პოლიტევიჩი დაჯაბნა და ნაკუთხურალ ბურთს მოხერხებულად დაუხვედრა თავი.
სამწუხაროდ, სლავებმა მალე მოახერხეს ანგარიშის გაყაიმება, როდესაც ისევ ჩავარდა ჩვენი დაცვა და მარცხენა ფლანგიდან აწეულ ბურთს უმეთვალყურეოდ დატოვებულმა ნეხაიჩიკმა კვასხვაძის კარის ბადეში მიუჩინა ადგილი.
დარჩენილ დროში ორივე გუნდი ეცადა გამარჯვების გოლის გატანას, თუმცა ვერ შეძლეს და შეხვედრა ფრედ დასრულდა.
რა შეიძლება ითქვას მოკლედ, რეზიუმეს სახით? თვალსასეირო თამაში იყო, ორივე ნაკრებმა უამრავი შეცდომა დაუშვა, ვაისმა თითქმის ყველა ფეხბურთელს მისცა თავის გამოჩენის შესაძლებლობა და რამოდენიმე მათგანმა, განსაკუთრებით სიხარულიძემ ეს შანსი გამოიყენა კიდეც.
საქართველო - ბელარუსი 2:2
ქუთაისი. რამაზ შენგელიას სახელობის სტადიონი.
საქართველო: კვასხვაძე, გეგეჭკორი (87. კაკაბაძე), ხოჭოლავა, კაშია (46. დვალი), შერგელაშვილი, აბურჯანია, გვილია (87. კაჭარავა), კანკავა (60. მერებაშვილი), პაპუნაშვილი, ჯიღაური (60. ქვილითაია), სიხარულიძე (80. ყაზაიშვილი)
ბელარუსი: იგნატოვიჩი (46. პავლიუჩენო), ვოლოდკო (63. მატვეიჩუკი), პოლიტევიჩი, გავრილოვიჩი, რიოსი, ბიკოვი, კორზუნი, კარნიცკი (57. ნეხაიჩიკი), სტასევიჩი (88. პავლოვეცი), კოვალიოვი (82. კლიმოვიჩი), ლაპტევი
გოლები: 24. სტასევიჩი 0:1, 35. სიხარულიძე 1:1, 51. დვალი 2:1. 66. ნეხაიჩიკი 2:2
გაფრთხილება: 27. ვოლოდკო, 30. სიხარულიძე, 44. ბიკოვი, 46. სტასევიჩი
19:57 13-11-2017
საქართველოს ნაკრები ბელარუსთან ფრეს დასჯერდა [VIDEO]
AutoSharing Option
მკითხველის კომენტარები / 28 /
თარიღის მიხედვით
მოწონებების მიხედვით
კაჭარავას ვის უნახავდა ეს ორი თამაში?... კვასხვაძის აღებული ბურთი გინახავთ ნაკრებში?...
3
1
ხომ შეიძლება კვასხვაძემ ერთი ბურთი მაინც აიღოს?
4
1
ფრეს დასჯერდაო- რამე მოუგიათ?
2
0
ბელორუსების მეკარე ნეტა ცოცხალია!!?? მე-17 წუთზე რას ერჩოდა გაშლილი ფეხით რომ მიდიოდა შერგელაშვილი და მკერდი გაუნგრია კაცს!! მემგონი გასაგდები იყო ყველაფერი მეკარის საჯარიმოში ხდებოდა!! სომეხი მსაჯი ისევ ჩვენ გვიდგებოდა როგორ კვიპროსთან!!
2
0
უნდათ ამ ბიჭებს მაგრამ არ შეუძლიათ. რაც არ უნდა ვთქვათ, ესაა მაქსიმუმი. არის ჩავარდნები და ვუშვებთ. ის მეორე გოლიც ეგრე იყო - ჩაიძინა მცველმა და თავისუფლად გაგზავნა იმანაც კარში. ფიზიკურად საშინლად გვიჭირს. ეს არის უმთავრესი პრობლემა
2
0
სტასევიჩმა (ბოლორუსიის კაპიტანი) ჩაუტარა გაკვეთილი ჩვენებს, თუ როგორ უნდა დარტყა საჯარიმოს გარედან კარებში და არა ისე როგორც პაპუნაშვილი ჯერ გორში და მერე ქუთაისში ყვავებს ხოცავდა!!! კარში დარტყმა თუ არ იცი ნაკრებში რა გინდა სათამაშოდ!!??
5
0
ქართულ მარშს მივმართავ:თუ ვინმესთან პრეტენზია გაქვთ მიდით იმ კაცის უბანში,საცხოვრებელ სახლთან და იქ მოუწყვეთ საპროტესტო აქცია.ეს საქართველოს ნაკრებია (ამ შემთხვევაში არა აქვს მნიშვნელობა როგორია ეს ნაკრები და მათი თამაშის ხარისხზე ყველას გვაქვს პრეტენზიები,თუმცა ეს ცალკე განხილვის თემაა)და თქვენი ამ მოქმედებით დემორალიზებას უკეთებთ მთელს ნაკრებს.თუ თქვენ პრეტენზია გაქვთ ნაღდ ქართველობაზე და პატრიოტიზმზე,მაშინ გაითვალისწინეთ ეს ელემენტარული ჭეშმარიტება და საკუთარი ქვეყნის ნაკრების დამარცხებაში ნუ შეიტანთ ლომის წილს....
14
3
სწორედ მაგ ელემენტარულ ჭეშმარიტებაზე ვსაუბრობდი ჩემო კარგო,რომელიც კიდე ვერ გაითავისე და იგივეს ამბობ.ეს საქართველოს ნაკრებია,როგორიც არ უნდა იყოს,ეს არის ჩვენი ქვეყნის ნომერ პირველი გუნდი და მას მიაყენო შეურაცხყოფა,არც ამაშია მე მგონი მორალი.ფედერაცია,მისი ხელმძღვანელობა,თუ სხვა ჩინოვნიკები,ვის მიმართაც არის საფუძვლიანი პრეტენზიები,მათი მისამართი სხვაგან არის და არა სტადიონზე,როცა საქართველოს ნაკრები თამაშობს.სტადიონზე ნაკრებს ვუგულშემატკივროთ და სხვა დროს გავაპროტესტოთ მათი ეს მიუღებელი პოლიტიკა.იმ გულშემატკივრების უდიდესი უმრავლესობა,ვინც გუშინ ქუთაისში მოვიდა სტადიონზე(თითქმის მათი ნახევარი მეორე ტაიმის დაწყებამდე ვერ შემოვიდა მარშის მიერ მოწყობილი არეულობის გამო)უჭერდა მხარს საქართველოს ნაკრებს და არა ვინმეს სალანძგავად და საგინებლად იყო მოსული....
1
0
ამ ნაკრებს დემორალიზებას ვერ გაუკეთებს არა თუ მარში არამედ მთელმა სტადიონმაც სულ დედა რომ აგინოს იმიტომ რომ მათ მორალი არ გააჩნიათ მათ ობსტრუქცია უნდა მოუწყოს მთელმა საქართველოვ მათი უსიცოცხლო თამაშების გამო და ფედერაციას პასუხი უნდა მოეთხოვოს ბიუჯეტის ფულების გამო ის ფული ხალხის ფული და არა კობიაშვილის საძმოს
4
1
ყველა გამოხმაურება
თითო ტაიმი 20-20 წუთიანი რო ყოფილიყო მოვიგებდით ასიანი (აბა მთელი ტაიმი ვერ ძლებენ და)
4
0
მე მიყვარს ჩვენი ნაკრები და დარწმუნებული ვარ თვითოეულ ქართველს უყვარს, მაგრამ რა უბედურებაა ორ სუსტ ნაკრებს თამაშიდან ერთ გოლს რომ ვერ გაუტან კვიპროსს იმათი მეკარის დოყლაპიობით გაუტანეთ ბელარუსს ორი სტანდარტულიდან, ძმებო ჩვენო ფეხბურთელებო ვიცი კომენტარებს არ კითხულობთ სულ ცალ ფეხზე გკიდიათ და იქნებ თქვენმა ახლობლებმა გითხრან ცოტა ნამუსი იქონიეთ თქვენ მთელი საქართველო გიყურებთ და სანამ თამაში დაიწყება გული გვიფრთხიელბს გაუგრთხილდით ქართველი ხალხის გულებს და თავი არ შეაზიზღოთ. ქართულ მარშს რაც შეეხაბა არ გინდათ რომ საქართველოდან წახვიდეთ საერთოდ და დაასვენოთ ხალხი არ გინდათ თქვენ ძალით ქართველებო და ხულიგნებო
4
2
თითქოს ფეხბურთელებს არაკომფორტულ პოზიციებზე აყენებს თუ რაგაც ეგეთი ვერ პოულებონ თავის თავს. სიხარულიძე კარგი იყო დებიუტანტის კვალობაძე ჩემი აზრით
5
2
< წინა123შემდეგი >
თარიღის მიხედვით
მოწონებების მიხედვით
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
უძრავი ქონება
სიახლეები
პოპულარული
