საქართველოს ნაკრების მთავარმა მწვრთნელმა ვლადიმირ ვაისმა აზერბაიჯანულ გამოცემა azerisport.com-თან საუბარში აზერბაიჯანის ნაკრებთან 2 თებერვალს გადადებული მატჩის შესახებ კომენტარი გააკეთა."ბევრ კლუბს არ სურდა ნაკრებში ფეხბურთელების გამოშვება, რადგან თავად სურდათ ფეხბურთელების გამოყენება. ასეთ შემთხვევაში კარგ ნაკრებს ვერ შევკრებდით.
აზრი არ ჰქონდა აზერბაიჯანის ნაკრებთან მე-3 ან მე-4 შემადგენლობით გამოსვლას. მე მინდოდა ამ მატჩის გამართვა, მაგრამ როგორც ვიცი, ორივე ქვეყნის ფედერაციის ხელმძღვანელობა შეთანხმდა, რომ ამხანაგური მატჩი მიმდინარე წლის მარტში ან ივნისში გაიმართოს", - თქვა ვაისმა.
