ვლადიმირ ვაისმა საქართველოს ნაკრების შემადგენლობა დაასახელა

AutoSharing Option
საქართველოს ეროვნული საფეხბურთო ნაკრები, ერთა ლიგის მოსამზადებელი ეტაპის ფარგლებში, ორ ამხანაგურ თამაშს ჩაატარებს. ქართველი ფეხბურთელები, ვლადიმირ ვაისის ხელმძღვანელობით, ავსტრიაში მდებარე დაბა ბად ჰერინგში 26 მაისიდან შეიკრიბებიან. ეროვნული გუნდის მთავარმა მწვრთნელმა უახლოესი ორი ამხანაგური მატჩისთვის 26 მოთამაშისგან დაკომპლექტებული შემადგენლობა დაასახელა.

ეროვნულ ნაკრებში პირველად თამაშის შანსი ეძლევა დონეცკის „ოლიმპიკის“ მეკარე ზაურ მახარაძეს. უკრაინული კლუბის 25 წლის წევრმა საქართველოს მოქალაქეობა მიიღო და გუნდთან ერთად საწვრთნელ შეკრებაზე იქნება. აგრეთვე, ნაკრებში სადებიუტო მატჩის ჩატარების შესაძლებლობა ექნებათ ბექა ვაჩიბერაძეს (რიგასი, ლატვია), გიორგი ბერიძეს (ტრენჩინი, სლოვაკეთი) და
საქართველოს ეროვნულ ლიგაში მოასპარეზე თბილისის "დინამოს" წევრ ლევან ხარაბაძეს.

მნიშვნელოვანი საკლუბო შეხვედრების გამო, კლუბსა და ეროვნული ნაკრების სამწვრთნელო შტაბს შორის არსებული კომუნიკაციის საფუძველზე, ავსტრიასა და ლუქსემბურგში დაგეგმილ შეხვედრებში მონაწილეობას ვერ მიიღებენ გიორგი პაპუნაშვილი და ოთარ კაკაბაძე. სავარაუდოდ, ლუქსემბურგთან თამაშის შესაძლებლობა ექნება უნგრეთის ჩემპიონატში მოასპარეზე ბაჩანა არაბულს. ასევე, მალტასთან, ავსტრიაში ჩასატარებელ მატჩში მონაწილეობას ვერ მიიღებენ ჯაბა კანკავა, ნიკა კვეკვესკირი და ჯაბა ჯიღაური. სამივე მოთამაშე ნაკრებს ლუქსემბურგში შეუერთდება. ამხანაგურ მატჩებს ტრავმების გამო აგრეთვე რამდენიმე წამყვანი ფეხბურთელი გამოტოვებს.

საქართველო-მალტას შეხვედრა ავსტრიის ქალაქ შვაცში 1-ელ ივნისს შედგება. 3 ივნისს საქართველოს ნაკრები ლუქსემბურგში გადაინაცვლებს. ლუქსემბურგისა და საქართველოს საფეხბურთო დაპირისპირება 5 ივნისს გაიმართება.

საქართველოს ნაკრების შემადგენლობა ამხანაგურ მატჩებში:

მეკარეები: გიორგი მაკარიძე ("რიუ ავე", პორტუგალია), როინ კვასხვაძე ("ტორპედო", ქუთაისი), ზაურ მახარაძე ("ოლიმპიკი", დონეცკი)

მცველები: გურამ კაშია ("ვიტესი", ჰოლანდია), ლევან გეგეჭკორი ("რუსთავი", რუსთავი) სოლომონ კვირკველია ("ლოკომოტივი", მოსკოვი), დავით ხოჭოლავა ("შახტარი", დონეცკი), ლაშა დვალი ("პოგონი", პოლონეთი), გიორგი ნავალოვსკი ("სკა-ენერგია", რუსეთი), ლაშა შერგელაშვილი ("რიგასი", ლატვია), ლევან ხარაბაძე ("დინამო", თბილისი)

ნახევარმცველები: ჯაბა კანკავა, ნიკა კვეკვესკირი (ორივე - "ტობოლი", ყაზახეთი), გიორგი აბურჯანია ("სევილია", ესპანეთი), ოთარ კიტეიშვილი ("დინამო", თბილისი), ვაკო გვილია ("ლუცერნი", შვეიცარია), ბექა  ვაჩიბერაძე ("რიგასი", ლატვია), საბა ლობჟანიძე ("რანდერსი", დანია), გიორგი ბერიძე ("ტრენჩინი", სლოვაკეთი), გიორგი ჩაკვეტაძე ("გენტი", ბელგია), ვახტანგ ჭანტურიშვილი ("სპარტაკი", ტრნავა, სლოვაკეთი), ჯაბა ჯიღაური ("ორდაბასი", ყაზახეთი)

თავდამსხმელები: ნიკა კაჭარავა ("კორონა", პოლონეთი), ბუდუ ზივზივაძე ("დინამო", თბილისი), ლადო დვალიშვილი ("ჰაპოელ აშქელონი", ისრაელი), ბაჩანა არაბული ("ბალმაზუივაროში", უნგრეთი)

საქართველოს ნაკრები წლის პირველ ოფიციალურ მატჩს 6 სექტემბერს ჩაატარებს. ყაზახეთისა და საქართველოს საფეხბურთო დაპირისპირება უეფას ერთა ლიგის გათამაშების პირველი შეხვედრა იქნება. აღნიშნული შეხვედრა ასტანაში შედგება.

მომზადებულია gff.ge-ს მიხედვით
მკითხველის კომენტარები / 51 /
ოოო! ქართული ფეხბურთის ლეგენდა - დვალიშვილი ბრუნდება!
ბონდო
22 მაისი 2018 19:41
2
ნავალოვსკი აღარ არის სკას მოთამაშე! სკა გავარდა რუსეთის პრემიერლიგიდან და 13 მოთამაშემ დატოვა ეს გუნდი მათ შორის ნავალამაც და არის ეხლა უგუნდოდ!
ელდეპო
22 მაისი 2018 17:29
0
ებრალიძემ რა დაუშავა ამ კაცს ერთ შანსსაც რომ არ აძლევს
gaguuuu
22 მაისი 2018 17:22
2
დვალიშვილის ახლობელო მეკო,ერთი მითხარი ლადომ ბოლოს რომელ წელს გაიტანა ბურთი და ვის კარში? თავი რომ გამოგიდვია,მოკეტე რა ...
status quo
22 მაისი 2018 17:15
6
მომავალ სეზონში ხორვატიის HNL-ში (უმაღლესი ლიგა) გიორგი მჭედლიშვილი ითამაშებს, ესკაცი ნამდვილად სჭირდება საქართველოს ნაკრებს და უნდა მოხდეს მისი გამოძახება ძალიან ტექნიკური და სტაბილური მოთამაშეა..
ქართველი
22 მაისი 2018 17:11
2
ხალხო ძირითადს ვერ ვხდები ვის დააყენებს თან პირველ თამაშში ყაზახეთის ჩემპიონატის ხალხი არ იქნებაო! დაცვა და მეკარე გავლილი თემაა ნახევარდაცვაში ყველა ითამაშებს თუ რა იქნება?! 4-2-3-1 თან ისეთია! რესურსი რამდენად ეყოფა არ ვიცი!
გენო
22 მაისი 2018 17:03
3
ბეგლარიშვილისთვის ერთი შანსი რა გახდა,რაც არ უნდა სუსტი იყოს ესტონეთის ჩემპიონატი მათმა არ მოგვიგეს 3-0....
Obieqturi
22 მაისი 2018 16:35
12
გეთანხმები ნამდვილად. კაცი უსტაბილურესად თამაშობს.გოლებსაც იტანს და საგოლე პასებსაც ბლომად არიგებს.რაც არ უნდა სუსტი ჩემპიონატი იყოს ნამდვილად იმსახურებს გამოძახებას
ირაკლი
22 მაისი 2018 19:35
4
ჩემი აზრიც ემთხვევა უმეტესობის აზრს, რომ დვალიშვილზე უკეთესი ვარიანტები იყო მაგალითდ სხირტლაზე, მაგრამ დვალიშვილის რა ბრალია რომ იძახებენ. ქვეყანა იხმობს ნაკრებში და მოდის კაცი პატიოსნად არც ტრამვა მოუმიზეზებია როდესმე არც თვითფმრინავის ვიწრო სკამებზე უწუწუნია. მოკლედ ამ კაცსთან ჩვენ გულშემატკივრებს არანაირი პრეტენზია არ უნდა გქვონდეს, მის გამომძახებლებთან შეიძლაბა:)
gionat
22 მაისი 2018 16:29
1
ამ შემადგენლობით თამაშს რა აზრი აქვს, ტყუილა ფულის ყრაა ჩვენთვის თორე მაგათთვის გულაობაა, ისე კობახიძე აქაც როგორ არ მოხვდა საინტერესოა, თავდასხმა საერთოდ წოდებით ბრუნვაშია , უბრალოდ ეგრე ეძახიან რა თავმდამსხმელებს...
achi
22 მაისი 2018 16:19
1
ბოისას ტავისი ზმა მაგრამ ამ დვალიშვილს ვინ ყავს მარტლა ნაკრებსი ტიპს ცემი სისწრაფე აქვს
შოთა გუგეშაშვილი
22 მაისი 2018 15:42
3
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული