ყაზახეთის ნაკრების მთავარმა მწვრთნელმა სტანიმირ სტოილოვმა ერთა ლიგაზე გასამართი მატჩებისთვის შემადგენლობა დაასახელა. ბულგარელი დამრიგებლის განკარგულებაში 23 ფეხბურთელი იქნება, საიდანაც რუსეთის ჩემპიონატის ბინადარ "უფას" ფორვარდის, ერკებულან საიდახმეტის გარდა, ყველა ადგილობრივ პირველობაზე თამაშობს.
ყაზახეთის ნაკრების შემადგენლობა ასეთია:
მეკარეები: ნენად ერიჩი (ასტანა), ვლადიმირ პლოტნიკოვი (კაირატი), დმიტრო ნეპოგოდოვი (ტობოლი)
მცველები: სერგეი მალიჰი, ევგენი პოსტნიკოვი, დიმიტრი შომკო, აბზალ ბეისებეკოვი, იური ლოგვინენკო (ყველა - ასტანა), გაფურჟან სიუიუმბაევი, სტანისლავ ლუნინი (ორივე - კაირატი), დიმიტრი მიროშნიჩენკო (ტობოლი)
ნახევარმცველები: ისლამბეკ კუატი, ბაუირჟან ისლამხანი, იან ვოროგოვსკი, მამედ პარაგულგოვი, გეორგი ჟუკოვი
თავდამსხმელები: ერკებულან ტუნგიშბაევი (ორდაბასი), ალექსეი შჩეტკინი, რომან მურთაზაევი (ორივე - ასტანა), ბაუირჟან ტურისბეკი (ტობოლი), ერკებულან საიდახმეტი (უფა, რუსეთი).
ყაზახეთის ფეხბურთის ფედერაციის საიტი იქვე დასძენს, რომ შემადგენლობაში შესაძლოა, ცვლილებები მოხდეს.
ყაზახები 6 სექტემბერს საქართველოს უმასპინძლებენ, 10-ში კი ანდორას ეწვევიან.
აღსანიშნავია, რომ "ჯვაროსნებთან" შეხვედრისთვის ჩვენმა მომავალმა მეტოქემ ბილეთების გაყიდვა უკვე დაიწყო.
ყაზახეთის ნაკრების მწვრთნელი: ჩვენ შეგვიძლია ერთა ლიგის ჯგუფიდან გასვლა
ყაზახეთის ნაკრების კაპიტანი დავით ლორია: პირველ ადგილზე გასვლა შეგვიძლია
ყაზახეთის ნაკრების მწვრთნელი: საქართველოსთან დადებითი შედეგის მიღწევის იმედი გვაქვს
