გილოცავთ!
ანდორასთან სახლში ფრედ დასრულებული მატჩის შემდეგ ლატვიის ნაკრების მწვრთნელი მიკსუ პაატელაინენი გააკრიტიკეს, თუმცა აღინიშნა, რომ მას ფეხბურთელთა შერჩევის მხრივ დიდი არჩევანი არ გააჩნია და მაინც სანახევროდ შეცვლილი სასტარტო შემადგენლობა გაიყვანა "დინამო არენაზე". ცვლილებები განსაკუთრებით შემტევებს შეეხო.
რაც შეეხება "ჯვაროსნებს", ვლადიმირ ვაისმა ყაზახეთთან მოგებულ შემადგენლობაში ორი ცვლილება განახორციელა - მერებაშვილის ნაცვლად ოქრიაშვილი, ხოლო ტრავმირებული ქვილითაიას მაგივრად კაჭარავა დააყენა ძირითადში. მოკლედ, ვაისს
არც სტრატეგიული და არც ტაქტიკური ცვლილებებისთვის არ მიუმართავს.
სავარაუდო იყო, რომ სტუმრები თავიდანვე დაცვაში ჩადგებოდნენ და კონტრშეტევებზე ააგებდნენ თამაშს. ეს ყაზახეთისგან განსხვავებული მატჩი იქნებოდა და მიუხედავად მეტოქის უკანასკნელ წლებში სუსტად ასპარეზობისა, ჩვენს ეროვნულ გუნდს ადვილი გასეირნება არ ელოდა.
მართლაც, სტუმრები თავიდანვე მთელი გუნდით დაცვაში ჩადგნენ და მასპინძლებს მათი მასირებული დაცვის გარღვევა უჭირდათ, სახიფათო მომენტებამდე საქმე არ მიდიოდა.
მე-18 წუთზე ჩაკვეტაძე მარჯვენა ფლანგზე შეიჭრა საჯარიმოში, მისი ჩაწოდებული ბურთი მეტოქისგან ყაზაიშვილს მიუვიდა, მაგრამ დარტყმა არაზუსტი გამოუვიდა.
საქართველოს ნაკრები ორივე ფრთიდან უტევდა, ცენტრიდანაც, თუმცა უშედეგოდ. საჯარიმოში ჩაწოდებებიც არ იყო სახიფათო, ვინაიდან მეურვეებს კაჭარავა განეიტრალებული ჰყავდათ.
პირველად კარში ჩვენმა გუნდმა 37-ე წუთზე დაარტყა, როდესაც ჩაკვეტაძის საჯარიმოს გარედან გასროლილი ბურთი მეკარის ადვილი ნადავლი შეიქნა.
ერთი სიტყვით, ასეთი თამაშით ჩვენი გუნდი შედეგს ვერ მიაღწევდა და რაღაც იყო შესაცვლელი. თუმცა, შესვენებაზე ვაისმა არავინ შეცვალა და თამაშის სურათი არ შეცვლილა - ისევ იერიშები, ისევ ერთფეროვანი და ისევ ხიფათის გარეშე. ასეთ სიტუაციაში ერთადერთი შანსი გოლის გატანისა ბალტიისპირელთა მიერ შეცდობის დაშვება იყო, მაგრამ ისინი შეცდომას არ უშვებდნენ.
თანდათან ჩვენი გუნდის კომბინაციები კიდევ უფრო ქაოტური გახდა, მოწინააღმდეგემ შეტევებისათვისაც მოიცალა და 59-ე წუთზე გუტოვსკისის ახლო მანძილიდან თავით დარტყმული ბურთი ლორიამ აიღო.
შემდეგ კი კლასმა თავისი გაიტანა - 65-ე წუთიდან ჩვენმა გუნდმა დაწოლა გააძლიერა: ყაზაიშვილმა შორიდან სცადა მეტოქის კარის დალაშქვრა და ოდნავ ააცილა ბურთი მიზანს, მერე ოქრიაშვილს არ დაანება ვანინსმა გოლის გატანა და გოლიც გავიტანეთ, თუმცა მსაჯმა კაჭარავაზე თამაშგარე მდგომარეობა დააფიქსირა და არ ჩათვალა. კანკავამაც ვერ უწია მიზანს.
დრო კი უმოწყალოდ გადიოდა.
და 76-ე წუთზე ჩაკვეტაძემ პენალტი აიკიდა. ის მაქსიმენკომ წააქცია, არბიტრმა თავიდან წესების დარღვევა არ დააფიქსირა, მაგრამ კარსუკანა მსაჯმა მიანიშნა და თერთმეტმეტრიანი ოქრიაშვილმა გამოიყენა.
82-ე წუთზე სწრაფი კონტრიერიშისას საბალას დარტყმული ბურთი ლორიამ მოიგერია, ბოლოს სტუმართა იერიშებს ჩვენმა გუნდმა გაუძლო და - 1:0.
რა თქმა უნდა, უფრო დამაჯერებელი გამარჯვება მეტად გაახარებდა გულშემატკივარს, მაგრამ ნუ დაგვავიწყდება, რომ ასეთი შეხვედრების მოგება საქართველოს ნაკრებზე გაცილებით ძლიერ გუნდებს უჭირთ. რაც მთავარია, "ჯვაროსნებმა" ტურნირის სტარტზე 6 ქულა მოიპოვეს.
თბილისი. "დინამო არენა"
საქართველო - ლატვია 1:0
გოლი: 1:0 ოქრიაშვილი (77, პენ)
საქართველო: ლორია, კაკაბაძე, კაშია, კვირკველია, ნავალოვსკი, კვეკვესკირი, კანკავა, ყაზაიშვილი (ხოჭოლავა 90), ოქრიაშვილი (გვილია 81), ჩაკვეტაძე (პაპუნაშვილი 85), კაჭარავა
ლატვია: ვანინსი, მაკსიმენკო, დუბრა, გაბოვსი, რუგინსი, ფერტოვსი, კარაშაუკსი, ისაევსი, ლუკიანოვსი (რაკელსი 81), იაგოდინსკისი, გუტკოვსკისი (საბალა 72)
ლატვიელთა თავკაცი: მე ვფიქრობ ეს არ იყო პენალტი და სიმულაციას ჰქონდა ადგილი
ვლადიმირ ვაისი: რთული იყო ეგრედ წოდებული ავტობუსის წინააღმდეგ თამაში
რა ხდებოდა საქართველოს ნაკრების გასახდელში ლატვიასთან მოგების შემდეგ [VIDEO]
გურამ კაშია: ძალიან მიყვარს ის ხალხიც, ვინც ჩემს წინააღმდეგ არიან
გიორგი ქვილითაია: ჩვენ ერთად კიდევ ბევრი გოლი გვაქვს გასატანი
საქართველო - ლატვია: whoscored-ის შეფასება - ჩაკვეტაძე და ოქრიაშვილი 7.5-7.5, კაჭარავა 6.2
![საქართველოს ნაკრებს შეკრებაზე კიდევ 6 ფეხბურთელი შეუერთდა [VIDEO]](/pictures/image7/2207cc513a93f6eafb5a544422d7df25.jpg "საქართველოს ნაკრებს შეკრებაზე კიდევ 6 ფეხბურთელი შეუერთდა [VIDEO]")
![ზურიკო დავითაშვილი: მშვიდად ვართ, ნერვიულობა ნაკლებია - ევროპის ჩემპიონატზე მხოლოდ მონაწილეობის მისაღებად არ მივემგზავრებით [VIDEO]](/pictures/image7/692651026d604146b7fcf58ade0e633e.jpg "ზურიკო დავითაშვილი: მშვიდად ვართ, ნერვიულობა ნაკლებია - ევროპის ჩემპიონატზე მხოლოდ მონაწილეობის მისაღებად არ მივემგზავრებით [VIDEO]")
გილოცავთ 3 ქულას. გეთანხმებით ზნელია 11 რაცით დაცვაში მყოფ გუნდს გაუტანო, მაგრამ როცა ხედავ, რომ კაჭარავაზე ბურთIს დაკიდებას შედეგი არ მოაქვს ცვლილება ხომ უნდა მოახდინო. ცენტრფორვარდის ასეთი გასაჭირის დროს სულაც გამოკვეთილი ცენტრის გარეშე ათამაშოს გუნდი. სეტუაციის მიხედვით ხან ერთი შემტევი იქნება წინა ხაზზე და ხან მეორე. არა აქვს მნიშვნელობა ყაზაიშვილი იქნება, არაბიძე თუ პაპუნაშვილ- ოქრიაშვილი. დაცინვაა როცა გოლის შეგდება გჩირდება და ყოვლად უმოქმედო ტაქტიკას მიმართავ ფლანგებიდა მაღალი ჩაწოდებებით, რაც იმავე კაჭარავას მოუქნელობიდან გამომდინარე კომბინაციურ თამაშზე უარს გათქმევინებს. ჩემი აზრით არაბიძის შემოყვანა მის მაცვლად ბევრად გააუმჯობესებდა შეტევას და ჯიუტად მისი სკამზე დასმა სიკეთეს არ მოგვიტანს. სასიხარულოა, რომ თამაშის თითქმის ნახევარი მაღალი პრესინგით ითამაშეს, რითაც ფაქტიურად მიაჯაჭვეს მეტოქე კარს, მაგრამ რად გინდა, როცა ეს შედეგს არ იძლევა და ამავე დროს ქანცი გაუწყდა ბიჭებს. მაკედონიის და ბელორუსიის ნაკრები ნამდვილად გამოიყენებდა მეორე ტაიმში ჩვენების გადაღლილობას. ლატვიელთა მწირი შეტევების ფონზეც ჩანდა ჩვენს დაცვაში გაჩენილი ნაპრალები და აქაც საფიქრალი გვაქვს. მოკლედ მიუხედავად გამარჯვებისა დაუკმაყოფილებლოვის გრძნოვა ტოვებს ნაკრების თამაში. ქვეჯგუფიდან ასეთი თამაშითაც გავალთ, მაგრამ მერე ნამდვილად გაგვიჭირდება თუ დროულად არ შევცვლით რაიმეს...და ეს ცვლილება ზუსტად სამწვრთნელო საქმიანობას უნდა შეეხოს.