ერთა ლიგის მეხუთე ტურში საქართველოს ნაკრებთან ფრედ დასრულებული მატჩის (1:1) შემდეგ ჩატარებულ პრესკონფერენციაზე ანდორელთა მწვრთნელმა კოლდო ალვარესმა ისაუბრა."მინდა მივულოცო ჩემს მოთამაშეებს ეს შედეგი. ჩვენ პირველ ტაიმში თავდაცვაზე გავაკეთეთ აქცენტი, თუმცა მეორე ტაიმში აქტიურად შევუტიეთ და ამან შედეგი გამოიღო.
საქართველოს ნაკრები ლიდერია D დივიზიონში და რა თქმა უნდა, გახსნილ ფეხბურთს ვერ ვითამაშებდით, პირველ წუთებში საქართველომ აქტიურად შეგვიტია და გოლი უყურადღებობის შედეგად გავუშვით.
ძალიან დიდი როლი ითამაშა იმან, რომ საკუთარ მოედანზე ვითამაშეთ, რადგან აქ სულ სხვა ფეხბურთს ვაჩვენებთ და შედეგი სახეზეა.
გოლზე რა შემიძლია გითხრათ - სუპერგოლი გავიტანეთ!"
ვაისის ექსპერიმენტმა ვერ გაამართლა და საქართველოს ნაკრები ანდორასთან ფრეს დასჯერდა
