როგორი შეიძლება იყოს ევრო 2020-ის შესარჩევი ჯგუფი? - მკითხველის არჩევანი

საქართველოს ნაკრების მიერ D დივიზიონში დაფიქსირებული საუკეთესო შედეგიდან გამომდინარე, "ჯვაროსნებს" 2020 წლის ევროპის ჩემპიონატის შესარჩევ ეტაპზე მეოთხე კალათაში ყოფნა ერგო.

რა შეიძლება მოხდეს, როგორი იქნება ჯგუფის ყველაზე რთული და მარტივი ვარიანტები, გთავაზობთ მონახაზებს.

თუ ფიფას რეიტინგით ვიმსჯელებთ, ყველაზე რთული ჯგუფი ასეთი შეიძლება იყოს:

1. ბელგია
2. დანია
3. სლოვაკეთი
4. საქართველო
5. მაკედონია
6. ლატვია

თუმცა, რეალურად, შეიძლება ეს უფრო რთული ჯგუფი გამოდგეს:

1. საფრანგეთი
2. გერმანია
3. სერბეთი
4. საქართველო
5. კოსოვო
6. ანდორა

ფიფას რეიტინგით ყველაზე სუსტი ჯგუფი ასეთი სახის შეიძლება შეგვხვდეს:

1. პოლონეთი
2. ჩეხეთი
3. ისრაელი
4. საქართველო
5. გიბრალტარი
6. სან მარინო

თეორიულიად შესაძლებელია, ჯგუფში მეზობლების ნაწილმა მოიყაროს თავი, მეორე ჯგუფიდან რუსეთი შეგვხვდეს, მესამე ჯგუფიდან თურქეთი, მეხუთე ჯგუფიდან სომხეთი ან აზერბაიჯანი.

გულშემატკივართა გამოკითხვაში, რომელშიც 14 000-მდე ადამიანმა მიიღო მონაწილეობა, სასურველი ჯგუფი ასეთია:

I კალათა - პოლონეთი 59%
II კალათა - რუსეთი 26%
III კალათა- ისრაელი/ფინეთი 25-25%
V კალათა - გიბრალტარი 49%
VI კალათა - სან მარინო 72%.

გამოკითხვის მიხედვით, ყველაზე ნაკლებად სასურველი ჯგუფია:

I კალათა - ბელგია/საფრანგეთი 1%
II კალათა - დანია/შვედეთი 0.1%
III კალათა - ნორვეგია/სერბეთი 1%
V კალათა - მაკედონია/კოსოვო/ბელორუსი 1%
VI კალათა - ლატვია/მალტა 5%

შეგახსენებთ, სულ 10 ჯგუფი იქნება, მათგან ხუთი 6-გუნდიანი და ხუთი 5-გუნდიანი. შეგახსენებთ, რომ ევროპის 2020 წლის ჩემპიონატის წილისყრა 2 დეკემბერს დუბლინში გაიმართება.

საქართველოს ნაკრების შესაძლო მეტოქეები, ევრო 2020-ის შესარჩევის კალათები გადანაწილდა (+გამოკითხვა)