ფოტო: rsi.ch
შვეიცარიის ნაკრების ფორვარდი ადმირ მეჰმედი თანაგუნდელებს საქართველოსთან მატჩში ვერ დაეხმარება. ამის შესახებ შვეიცარიული მედია წერს.
"ვოლფსბურგის" ფეხბურთელს გრიპი აქვს, რის გამოც ვლადიმერ პეტკოვიჩმა გადაწყვიტა, ის შვეიცარიაში დატოვოს და არც ნაკრების სხვა ფეხბურთელები ჩააყენოს საფრთხის ქვეშ.
შერდან შაჩირის და ჰარის სეფეროვიჩის არყოფნაში ადმირ მეჰმედის შეეძლო, ნაკრების შეტევის ხაზში გადამწყვეტი როლი ეთამაშა.
ნებისმიერ შემთხვევაში, ადმირ მეჰმედი ხელმისაწვდომი იქნება დანიასთან მატჩისთვის, რომელიც 26 მარტს გაიმართება", - წერს rsi.ch.
შეგახსენებთ, რომ მანამდე საზარდულის არეში არსებული დისკომფორტის გამო შვეიცარიის ნაკრებს მათი ერთ-ერთი ლიდერი,
"ლივერპულის" შემტევი შერდან შაჩირი გამოაკლდა.
საქართველოსა და შვეიცარიის ნაკრებების მატჩი 23 მარტს, 18:00 საათზე, "დინამო არენაზე" გაიმართება.
საქართველო-შვეიცარიის მატჩზე უკვე 26 862 ბილეთი გაიყიდა
გია გეგუჩაძე: გიორგი ჩაკვეტაძე გვაკლია და არიქა, დავიღუპეთო, ასე არ არის
შვეიცარიელები: საქართველოსთან მატჩისთვის ოპტიმიზმის საფუძველი არსებობს 
შვეიცარიის ნაკრების ფორვარდი: საქართველოს ნაკრები ინიციატივას დაგვითმობს და დაცვაში ჩადგება
