რამდენიმე დღის წინ Sportall.ge წერდა, რომ 2020 წლის ევროპის ჩემპიონატის შესარჩევი ეტაპის მეორე ტურის ფარგლებში დუბლინში გამართული ირლანდია-საქართველოს მატჩის დროს მომხდარ ფაქტზე უეფამ დისციპლინური პროცედურები დაიწყო. შეგახსენებთ, რომ პირველი ტაიმის მიმდინარეობისას ირლანდიის ნაკრების გულშემატკივრებმა მოედანზე ჩოგბურთის ბურთები გადმოყარეს, რის გამოც თამაში რამდენიმე წუთით შეწყდა და შემდეგ საჯარიმო დარტყმიდან ჩვენმა ნაკრებმა გოლი გაუშვა.
ირლანდიური მედიის ინფორმაციით, უეფას კონტროლის, ეთიკისა და დისციპლინის კომიტეტმა გადაწყვეტილება უკვე გამოიტანა და გულშემატკივრების არასათანადო ქცევის გამო ირლანდიის ნაკრებს ტექნიკური წაგება ჩაუთვალა, ხოლო ოფიციალურად ამის შესახებ უეფა 16
მაისს გამოაცხადებს.
გარდა ტექნიკური წაგებისა (0:3), ირლანდიის ფეხბურთის ფედერაციას ჯარიმის სახით 50 000 შვეიცარიული ფრანკის გადახდა მოუწევს.
შესაბამისად, ორი ტურის შემდეგ საქართველოს ნაკრები 3 ქულით მეორე ადგილს იკავებს, შვეიცარია 4 ქულით ჯგუფს ლიდერობს, ირლანდიის ნაკრები კი გიბრალტართან მატჩში მოპოვებული 3 ქულის ამარა დარჩა.
სწორედ ასე განაწილდებოდა ჩვენს ჯგუფში ადგილები, დღეს პირველი აპრილი რომ არ ყოფილიყო :)
უეფამ საქართველოსთან მატჩში მომხდარი ინციდენტის გამო შესაძლოა ირლანდია დასაჯოს [VIDEO]
საქართველოს ნაკრები ირლანდიასთანაც დამარცხდა - ვართ უქულოდ და უგოლოდ [VIDEO] 
გადმოცემის მიხედვით, ქრისტეს აღდგომის დღე კალენდარულად სწორედ 1 აპრილს მოხდა.
ამ ამბით იმედგაცრუებულ სინედრიონის წევრებს, ანუ მათ ვისი მოთხოვნითაც ჯვარს აცვეს იესო, გაახსენდებათ ქრისტეს სიტყვები, რომ მესამე დღეს მკვდრეთით აღდგებოდა.
იუდეველი მღვდელმთავრები მიხვდნენ, რომ თუკი ეს ამბავი გახმაურდებოდა და ხალხი გაიგებდა, რომ იესო ქრისტე მართლაც აღდგა, იგი გახდებოდა ძლიერი საფუძველი მაცხოვრის მიმდევართა კვლავ გაერთიანების.
ამიტომ, იუდეველი მღვდელმთავრებისგან ჯარისკაცებმა მიიღეს დავალება, რომ ხალხში გაევრცელებინათ ტყუილი, რომ თითქოს კი არ აღდგა ქრისტე, არამედ მისმა მოწაფეებმა მოიპარეს.
აი ეს ტყუილი უკავშირდება 1 აპრილს და ტყუილის დღეს.
ამიტომ, წმინდა მამები გვასწავლიან, რომ ვინმე უნებლიე თანაზიარი რომ არ გახდეს ამ საშინელი ტყუილის, თავი უნდა შეიკავონ 1 აპრილის, როგოც ტყუილის დღის აღნიშვნისაგან.