ხვალ, 5 სექტემბერს, ერთა ლიგის С დივიზიონის პირველ შეხვედრაში საქართველოს ნაკრები გასვლაზე ესტონეთის ეროვნულ გუნდს დაუპირისპირდება, შეხვედრას კი ლიეტუველ მსაჯთა ბრიგადა მოემსახურება.
მატჩის მთავარი არბიტრი ლიეტუველი 32 წლის დონატას რუმსასი იქნება, რომელიც კარიერაში მეორედ (პირველი იყო ფარერებისა და ნორვეგიის დაპირისპირება, 2019 წელს) განსჯის ეროვნული ნაკრები გუნდების შეხვედრას. მისი დამხმარეები ალეკსანდ რადიუსი და დოვიდას სუზიედელისი იქნებიან, მეოთხე მსაჯი კი მანფრედას ლუკიანჩკასი იქნება.
რუმსასი ფიფას კატეგორიის არბიტრი 2016 წლიდან არის და აღსანიშნავია, რომ თბილისში, საქართველოს 19 წლამდე ფეხბურთელთა ნაკრების 3 შეხვედრა უმსაჯია.
ესტონეთისა და საქართველოს ნაკრები გუნდების თამაში კი ხვალ, 5 სექტემბერს, თბილისის დროით 20:00 საათზე დაიწყება. შეხვედრის პირდაპირ ტრანსლაციას "პირველი არხი" შემოგვთავაზებს.
ზურიკო დავითაშვილი: დარწმუნებული ვარ, გულშემატკივართა გახარებას მოვახერხებთ
ნაკრებს გვილიაც ვერ დაეხმარება - ეროვნული გუნდი ტალინში 23 ფეხბურთელით გაემგზავრება
