ერთა ლიგის მეორე ტურში საქართველოსა და ჩრდილოეთ მაკედონიის ნაკრებების მატჩი ფრედ დასრულდა - 1:1.პირველ ტურში საქართველოს ნაკრებმა მინიმალური ანგარიშით, თუმცა მშვიდად, კლასის ხარჯზე სძლია ესტონეთს, მაგრამ ჩრდილოეთი მაკედონია სულ სხვა დონის მოწინააღმდეგეა და მწვრთნელმა ვაისმა განაცხადა, რომ შეიძლებოდა ჩაკვეტაძე ან ოქრიაშვილი არ დაეყენებინა ძირითად შემადგენლობაში. ეს იმით იყო გამოწვეული, რომ მოედანზე სჭირდებოდა უფრო ისეთი ფეხბურთელი, რომელიც მეტ „შავ სამუშაოს“ შეასრულებდა, დაცვას მეტად დაეხმარებოდა და თავისუფალი ზონების პრობლემა ნაკლებად შეიქმნებოდა, რადგან ჩრდილოეთ მაკედონიას უყვ
ვაისმა, ესტონეთთან შეხვედრისგან განსხვავებით, სასტარტოში ჯიღაურის, ჩაკვეტაძისა და კაჭარავას ნაცვლად მალი, დავითაშვილი და ქვილითაია დააყენა. შესაძლოა, ეს ტალინურ მატჩამდე ჰქონდა კიდეც გადაწყვეტილი.
თამაშის წინ მოსული ნალექი დრენაჟმა ვერ გაატარა, მოედანზე ალაგ-ალაგ გუბეებიც დადგა და გაზონი დამძიმდა. საწყისი 10 წუთის შემდეგ საქართველოს ნაკრებმა სახიფათოდ შეუტია. საჯარიმოში კვარაცხელია ალიოსკიმ წააქცია და პენალტით ჩვენი გუნდი ოქრიაშვილმა დააწინაურა.
24-ე წუთზე დავითაშვილი ფლანგზე მეურვეს გაექცა, მეკარესთან პირისპირ გავიდა, მაგრამ ამ უკანასკნელმა გოლის გატანა არ დაანება.
34-ე წუთზე მალის შეცდომას სტუმართა იერიში და რისტოვსკის გოლი მოჰყვა. არადა, იქამდე მეტოქეს მომენტი არ ჰქონია. შეიძლება ითქვას, პირველი ტაიმი ლოგიკური შედეგით დასრულდა.
ვაისის შეგირდებმა შეუტიეს და კანკავას დარტყმული ბურთი ოდნავ ასცდა მიზანს. შემდეგ შეცვლაზე შესული შენგელიას თავურიც ოდნავ არაზუსტი იყო. 85-ე წუთზე ვაისმა კვეკვესკირი კაჭარავათი შეცვალა. ბოლოს შენგელიას ახლო მანძილიდან დარტყმული ბურთი მეკარემ მოიგერია და - 1:1 სტუმართა სასარგებლოდ.
თბილისი. „დინამო არენა“
საქართველო - ჩრდ. მაკედონია 1:1
გოლები: 1:0 ოქრიაშვილი (13, პენ), 1:1 რისტოვსკი (34)
გაძევება: მუსლიუ (64)
საქართველო: ლორია, კაკაბაძე, კვერკველია, ხოჭოლავა, მალი (შენგელია 75), კანკავა, კვეკვესკირი (კაჭარავა 85), დავითაშვილი, ოქრიაშვილი, კვარაცხელია, ქვილითაია (ჩაკვეტაძე 62)
ჩრდ. მაკედონია: შიშკოვსკი, ალიოსკი, მუსლიუ, ველკიოსკი, რისტოვსკი, ადემი (ნიკოლოვი 59), სპიროვსკი, ელმასი, ბარდი, ტრაიკოვსკი, პანდევი (ბეიტულაი 78)
ჩრდილომაკედონიელთა მწვრთნელი: მინდა ნოემბერში თბილისში ჩამოვიდეთ და ფინალში საქართველოს ნაკრებს შევხვდეთ
კვეკვესკირი: მე და კანკავა თბილისამდე 24 საათი მოვდიოდით - არ მესმის, ესტონეთთან 1:0 მოგების გამო ხალხი რატომ დარჩა უკმაყოფილო
ვაისი: გვილია მზადაა, შეიძლება ჩაკვეტაძე ან ოქრიაშვილი სასტარტოში არ დავაყენო - გავგიჟდი ბიჭების გარეშე
ზუსტად ის იყო, რასაც ველოდი. მაკედონიასთან კი არა, ლიხტენშტაინთან და ანდორასთანაც ძალიან გაგვიჭირდება გოლის გატანა, თუ ჩაიკეტებიან დაცვაში. იცით, რატომ? ნორმალური შემტევი არ გვყავს. აი ისეთი, ერთი შეხებით რომ გააკეთოს პასი, ან დაყენებულად რომ დაარტყას, ან მეკარის საჯარიმოს ხაზიდან დარტყმული, თუნდაც რთული პოზიციიდან, მეკარეს ააცილოს და კარს არა, ან საჯარიმოს გარედან დაარტყას ზუსტად, ან კიდევ, ყველაფერს რომ თავი დაანებოთ, კუთხური მოაწოდოს ნორმალური... ასეთი შემტევი რომ გვყოლოდა, ტოპ 5 ლიგიდან ერთ-ერთში მაინც ითამაშებდა. ამ ჩვენმა ნაქებმა კვარაცხელიამ პასი რომ არ იცის, ესეც ფაქტია და თვალი უნდა გავუსწოროთ. ეროვნული ჩემპიონატიდან რატომ არ ეძახიან ფეხბურთელებს ნაკრებში, ამის მაგალითიც ვნახეთ და იმისიც, რომ განაპირა მცველებმა თავიანთი უშუალო მოვალეობა შეასრულონ, სჯობს, ფინტაობა კი სხვებს ანდონ. მწვრთნელიც ზუსტად ის დონეა, რაც ნაკრები და ჩემი აზრით, ასე სჯობს ბევრი ფულის ყრას და გაცრუებულ იმედებს. დიდი პატივისცემის მიუხედავად, არც ქვილითაია და მით უმეტეს არც კაჭარავა, არ არიან ნაკრების დონე, ოღონდ ეს მათი კი არა, ქართული ფეხბურთის პრობლემაა, უკეთესი თავდამსხმელი რომ არ მოგვეძებნება. ეს ბიჭები თავიანთ მაქსიმუმს დებენ მოედანზე, იბრძვიან, დარბიან და დასაფასებელია! ჩვენი დონის ნაკრებს კი არა, დაცვაში ჩამჯდარ, თუნდაც კაცნაკლულ გუნდთან საფრანგეთს და გერმანიასაც უჭირს გატანა, ჩვენ კი მომენტები შევქმენით და ესეც კარგია. არც კი მქონია მოლოდინი, რომ გავიტანდით, ზემოთ აღნიშნული მიზეზების გამო. რეალური პროგრესი თუ გვინდა, ხმამაღლა უნდა ვილაპარაკოთ, რომ კვარაცხელიამ არც პასი იცის და არც დარტყმა, რომ კარგი მეპასე არ გვყავს, ჩაკვეტაძე თავის აჩრდილსაც რომ არ გჰგავს, ოქრიაშვილიც, კვეკვესკირს რომ შორიდან რომ აღარ ურტყამს და დღეის მდგომარეობით ნაკრებში ყველაზე მაღალი კლასი 34 წლის კანკავას რომ აქვს...
მაშინ ვერ ყოფილხართ აზრზე, არაუშავს იქ მოუგებთო, როგორ მოუგებ? ამ თამაშით და ამ ტრენერის ხელში, ვინმოგაგებინებს? მაკედონიამ მეორე ნომრით ითამაშა, ეხლა აზრზე არიან, რომ მთლა ისეთი ნაკრები არ გვყავს, როგორც ელოდნენ და დიდი ალბათობით, იქ ჩაგვხდიან.
აგერაა ბელარუსი და ესეთ თამაშით უეჭველი, რომ წავასხათ, მაგაში დარწმუნებული ვარ... თქვენი ხმა არ გავიგო მერე, თორემ ფედერაცია არა ყულაბა კიდო...
==ამან კიდევ ჯიმაო ტოო? ჯიმა არა ყარდაშა კიდევ. რით ვერ ისწავლეთ ქართული ტყიდან გამოსულო წულუკიძის მენახირეებო?...ჯიმა არა სკანი მანი კიდევ...
ამას, თუ კარგ თამაშს ეძახით, თქვენ ფეხბურთის აზრზე არა ყოფილხართ. ბოლოს დაგვაკლდება ქულა და ამ ფრეს გაგახსენებთ ყველას... ხტფუი! აუცილებლად უნდა მოგვეგო, მაგრამ ვერ გაქაჩეს, ისევ ხვიჩამ გვიშველა. წა ვა გე თ!!!!!!!!