საქართველო - სომხეთი 5 ნათამაშები მატჩის ისტორია[VIDEO]

AUTO PLAY

ხვალ, 11 ოქტომბერს, თბილისის დროით 20:00 საათზე, საქართველოს ნაკრები სომხეთს დაუპირისპირდება.

ეს შეხვედრა ერთა ლიგის მესამე დივიზიონის ეგიდით იქნება გამართული.

საქართველო და სომხეთი ერთმანეთს 5 ჯერ შეხვდნენ , ჩვენების ანგარიშზე 3 გამარჯვება გახლავთ, 1-ში დავმარცხდით, ხოლო 1-იც ფრედ დასრულდა.

პირველი შეხვედრა 1997 წლის 30 მარტს გაიმართა, სადაც საქართველოს ნაკრებმა დიდი ანგარიშით 7:0 იმარჯვა.

გოლები გაიტანეს: შოთა არველაძე(3), გიორგი ქინქლაძე, აჩი არველაძე(2), მიხეილ ყაველაშვილი.

მეორე შეხვედრა 2000 წლის 6 თებერვალს გაიმართა, სადაც ჩვენებმა მეტოქე 2:1 დაამარცხეს.

გოლები გაიტანეს: ზაზა ჯანაშია, ზურაბ

მენთეშაშვილი, სომხეთიდან - ვარდან ხაჩატრიანი.

მესამე შეხვედრა, რომელიც 2000 წლის 26 აპრილს გაიმართა, უგოლო ფრით დასრულდა.

შემდეგი მატჩი 2004 წლის 21 თებერვალს შედგა და ჩვენმა ნაკრებმა დათმო ეს მატჩი, ანგარიშით 0:2.

გოლის ავტორები: არმან და ართავაზ კარამიანები.

ბოლო შეხვედრა 2011 წლის 9 თებერვალს შედგა, სადაც ჩვენმა ნაკრებმა 2:1 დაამარცხა მეტოქე.

ჩვენებიდან იაშვილმა და სირაძემ გამოიჩინეს თავი, ხოლო სომხეთის რიგებიდან - მანუჩარიანმა.

იმედი მაქვს ხვალ მეოთხე გამარჯვებას მოვიპოვებთ მეზობელ ქვეყანასთან.

ეს კი ურთიერთშეხვედრებში ჩვენი ნაკრების პირველი მატჩის გოლებია.

ეროვნული ნაკრები