საქართველოს ნაკრების მწვრთნელმა სანიოლმა წინა მატჩისგან განსხვავებული შემადგენლობა გაიყვანა მოედანზე, რომელიც გაცილებით უფრო შემტევი იყო და ზივზივაძესაც მიეცა თავის გამოჩენის შესაძლებლობა. სტუმართა გუნდში ვერ ვიხილეთ საბერძნეთთან შეხვედრაში ტრავმირებული სერხიო რამოსი.
ინიციატივას თავიდანვე ფურია როხა დაეუფლა, უხიფათოდ გვიტევდა, სწრაფი კონტრშეტევისას კი კვარაცხელია ლორენტემ წააქცია და ყვითელი ბარათი მიიღო. პირველი მომენტი მე-11 წუთზე ესპანელებმა შექმნეს, როდესაც ტორესის დარტყმული ბურთი ლორიამ მოიგერია. მე-13 წუთზე კვარაცხელიამ ყვითელი ბარათი პედრო პოროს მიაღებინა. შემდეგ ნაკუთხურალ ბურთზე ყველას კაშიამ დაასწრო და სტუმრები მეკარე სიმონმა გადაარჩინა.
მოკლედ, ბურთის ფლობა სტუმრების იყო, თუმცა ჩვენი გუნდი არაფერს უთმობდა, სახიფათო კონტრიერიშებით პასუხობდა და ტაიმის დასასრულს ხვიჩამ ანგარიში გახსნა.
შესვენებაზე ლუის ენრიკემ „გაყვითლებული“ ლორენტე მარტინესით, ხოლო პასიური ხილი ოლმოთი შეცვალა, შემდეგ რუისის ნაცვლად ალკანტარა შეუშვა მოედანზე და ტორესმა მარცხენა ფლანგიდან განივი გადაცემის შემდეგ საპასუხო გოლი გაიტანა.
სამწუხაროდ, ჩვენს გუნდს უჭირდა ბურთის დაჭერა და მეტოქე ზეწოლა გააძლიერა. საპასუხო ცვლილებები სანიოლმაც განახორციელა. ბოლოს მოწინააღმდეგე შტურმზე გადმოვიდა და კომპენსირებულ დროში ოლმომ კარიდან წინ გამოსულ ლორიას გაუტანა და დავმარცხდით.
წაგება ასეთი ბრძოლის შემდეგ გულდასაწყვეტია, მაგრამ ძნელია დაცვაში ჩადგომით შედეგს მიაღწიო, აუცილებელია ბურთის მეტი კონტროლი და დაცვის მარჯვენა ფლანგის გაძლიერება.
საქართველოს ეროვნული გუნდი შესარჩევი ეტაპის სტარტზე მეორე მატჩშიც დამარცხდა და მესამე ტურში, 31 მარტს, გასვლაზე საბერძნეთს დაუპირისპირდება.
თბილისი. „დინამო არენა“
საქართველო - ესპანეთი 1:2
გოლები: 1:0 კვარაცხელია (43), 1:1 ტორესი (55), 1:2 ოლმო (90+2)
გაძევება: შენგელია (90+4)
საქართველო: ლორია, კაკაბაძე (ჩაბრაძე 79), კაშია, დვალი, გიორბელიძე, გვილია, კანკავა, კვარაცხელია (კვეკვესკირი 79), კიტეიშვილი (ბერიძე 70), ლობჟანიძე (შენგელია 70) , ზივზივაძე (ქვილითაია 62)
ესპანეთი: სიმონი, ალბა, დ. ლორენტე (მარტინესი 46), ერიკ გარსია, პედრო პორო (მ. ლორენტე 65), პედრი, ბუსკეტსი (ოიარსაბალი 73) , რუისი (ალკანტარა 54), ხილი (ოლმო 46), მორატა, ტორესი
რა დაგვანახა შვედეთთან გამართულმა მატჩმა?! - სანიოლის დებიუტის შეფასება
სამწუხაროდ ბოლო 15 წუთი გადაღლა დაგვეტყო და შედეგიც ამის მიზეზია.
კაკაბაძე კარგი იყო მაგრამ ბოლოს დაეცა, ძალა გამოეცალა. ასევე ხვიჩაც დაიღალა და თავად ითხოვა შეცვლა როგორც ტრიბუნებიდან გამოჩნდა. კაშია ნამდვილი ლიდერია და მინდა მოვიკითხო ის ჰეიტერები რომ ამბობდნენ რა დროს კაშია და ჯაბააო. აი ცენტრფორვარდზე რა გვეშველება არ ვიცი. მთელი ერი ზივზივაძეს ითხოვდა და საშინლად უსუსურად გამოიყურებოდა. ქვილითაია გაცილებით პროდუქტიულად შემოვიდა, პირველ ბურთ მაინც იჭერდა და უაზროდ არ კარგავდა. სამწუხაროდ ემოციურად და ფიზიკურად გადაღლილები მივდივართ დასვენებულ ბერძნებთან და თუ შედეგი არ დადგა დიდად ნუ გაკიცხავთ ბიჭებს.
კაშია და კანკავა საუკეთესოები იყვნენ და მაგრად იბრძოლეს და ითამაშეს, ასე რომ ერთი ადგილი დააყენონ ვიწც მათ ჩანაცვლებას ითხოვს, ერთი მოჩმაზათს რაღაცას და დანარჩენი ვითომ მცოდნეები აყვებიან და აღავღავდებიან ხოლმე.
სანტოსი ყოჩაღ, ბოსკამპის მერე ძლივს ვიხილე მოთამაშე და მებრძოლი გუნდი. შედეგი კი მოვა ასეთი მიდგომით, აუცილებლად.
ბერძნებთან საუკეთესო თამაშს ველოდებით და შედეგის იმედიც გვაქვს.
მითუმეტეს ესპანეთმა შემოიყვანა დასვენებული ფეხბურთელები და ამიტომ ვილიმაც იგივე დაუპირისპირა, აბა ქანც გაწყვეტილები იყვნენ უკვე მითუმეტეს უბურთოდ რამდენი იმოძრავეს ბიჭებმა. ბოლო ბოლო გერმანიამ წააგო ამათთან 6:0
მე მადლობელი ვარ ბიჭების ბოლომდე იბრძოლეს წარმატებები მომავალში ჩვენებს.
დაგვინა შეცვლები ამ შტერმა მწრთვნლმა მერე თავდასხმა რო გამოიყვნა შეცვლზე რისი იმდი ქონდა ესპნთან? ისე დაიღლა დაცვა ბატებივით დალასლასებდნენ ბოლოს ასეთი სასცილო სტანდარტული მომნტიდან თითქოსდა დიდი არაფერიი მისაგერიებლი შეტევიდან იმიტომ გაგვიტანეს მთელი ძალით დაცვაში უნდა ჩავმდგარიყავით და დაცვა შეგვცვლა გაგვძლიერბნა რო გაგვძლო რაც უქნა საბრძნთმა რაცშხება პროგნოზს საბრძნეთი 1გოლს გაიტნს და დაჯდება დაცვაში და ვერღარ გაუტნთ