მოგეხსენებათ, საქართველოს ეროვნული ნაკრები უკვე სარაევოში იმყოფება და 25 მარტის ბოსნიასთან (ამხანაგური მატჩი) შეხვედრისთვის ემზადება.
როგორც ჩანს, ქართველი ფეხბურთელები მშვენიერ განწყობაზე არიან და დროს არც გართობისთვის ზოგავენ. ეროვნული ნაკრებისა და დრეზდენის "დინამოს" მარცხენა მცველმა გურამ გიორბელიძემ საკუთარ "ტიკ-ტოკის" გვერდზე სახალისო ვიდეოები გამოაქვეყნა, სადაც ერთმანეთს დროშის მიხედვით ქვეყნის გამოცნობაში ეჯიბრებიან. თუ პასუხი სწორი არ იქნება, ბალიშის ჩარტყმით სჯიან.
პირველი ვიდეო ხვიჩა კვარაცხელიაზეა, რომელსაც ქვეყანა იემენი ამოუვიდა, დროის არქონის გამო ინდოეთი თქვა და თანაგუნდელებმა ბალიშები დაუშინეს. რამდენიმე წამში ხვიჩას ბავშვობის მეგობარი ზურიკო
დავითაშვილი გადაეფარა. შორიდან ხვიჩამ ეგვიპტე წამოიძახა, ზურიკომაც გაიმეორა და დაისაჯა.
მეორე ვიდეოში ეროვნული ნაკრებისა და "ვალენსიას" კარის დარაჯი გიორგი მამარდაშვილია. ქართველ მეკარეს კოსტა-რიკის დროშა ამოუვიდა, სისწრაფის გამო კოსოვო წამოიძახა და პასუხმაც არ დააყოვნა.
შეგახსენებთ, საქართველოს ეროვნული ნაკრები 25 და 29 მარტს ორ ამხანაგურ შეხვედრას ბოსნიასთან და ალბანეთთან გამართავს.
ასე მალე გადაიფიქრეთ?
ისე მიდისლაიქებთ ვითომ არ წერდით აქ, ჩამოვიდეს ნაკრებში და ნახავს რასაც ვუზამთო.
ასე უცებ სად გაქრით?
მაისურის შემოხევსაც აპირებდით, სტვენასაც და მოღალატე რუსეთუმეს ძახილსაც. ჩემი თვალით ვკითხულობდი როგორ აანონსებდით და ახლა ეს დისლაიქები სინდისის ქენჯნის გამოა თუ რაში არ მეთანხმებით? :))
სად აორთქლდა ის ხალხი ბოროტებით სავსე კომენტარებს რომ უწერდა? ნაკრებიდან მოკვეთას რომ ითხოვდა და სიტყვიერად თუ ფიზიკურად ემუქრებოდა, აგინებდა და წყევლიდა ამ ბიჭს.
ახლა თავს იმართლებენ, კარგი გვინდოდა მისთვისო, ვისთვისაც კარგი უნდათ იმას ტრავმებს არ უსურვებენ...
ისევ აქ ხართ, უბრალოდ მორიგ ფეხის დაცდენას ელოდებით, ისევ რომ გადაუაროთ.
ამ ბიჭს მხოლოდ გამძლეობას და ჰეითერების ატანას ვუსურვებ.