ფაქტია, საქართველოს ნაკრების ევროპის ჩემპიონატზე გასვლას მთელი რუსული სპორტული მედია ფართოდ აშუქებს და ულოცავს. მათ მილოცვას "გაზპრომ-მედიის" გენერალური დირექტორის მოადგილე თინა კანდელაკი შეუერთდა, რომელიც როგორც ეტყობა, ფეხბურთში, რბილად რომ ვთქვათ, მთლად კარგად ვერ ერკვევა.
"მეგობრებო, საქართველოს ნაკრები პირველად გავიდა ევროპის საფეხბურთო ჩემპიონატზე! ასეთი წარმატება ქართულ ფეხბურთს საბჭოთა დროის შემდეგ არ ჰქონია. და არ არის ისეთი ადამიანი, რომელიც წარსულში თავს ქართველად მიიჩნევდა, ახლა სიხარულს და სიამაყეს არ განიცდის.
საბჭოთა დროს საქართველოს ნაკრები მთელ ქვეყანაში ქუხდა, რადგან მათი ფეხბურთი მთელი საბჭოთა კავშირისთვის
დიდი სკოლა იყო. მთელ ქვეყანას უყვარდა გაბელია, ყიფიანი, შენგელია, ჩივაძე, ხურცილავა და ათობით სხვა ლეგენდა. სამწუხაროდ, საბჭოთა კავშირის დაცემასთან ერთად, ქართული ფეხბურთიც დაინგრა. მხოლოდ ცალკეული ფეხბურთელები გვახსენებდნენ, რომ ბევრი რამის უნარი გააჩნიათ. და აი, ათწლეულების მერე მიზანმიმართულმა მუშაობამ ნაყოფი გამოიღო. შედეგი სახეზეა - ნაკრები ევროზე გავიდა.
გამარჯვების მატჩის გმირი გადაჭარბების გარეშე ხვიჩა კვარაცხელიაა. მიათრევდა თამაშს, ბერძნების ყვითელ ბარათებზე პროვოცირებას ეწეოდა, თავი გასწირა, ტრავმა მიიღო, მაგრამ გუნდი მაინც მიიყვანა გადამწყვეტ პენალტებამდე. ახლა საქართველო სპორტულ სტატუსს მხოლოდ ფეხბურთში როდი იბრუნებს. ნახეთ რაგბი. 16 გამარჯვება ხუმრობა არაა. გასულ კვირაში ევროპის თასი ზედიზედ მეშვიდედ მოიგეს.
რა ვთქვა, ბიჭებო, აჩვენეთ იქ ყველას, რა არის ქართული ფეხბურთი, სპორტი და გამარჯვების განწყობა. საქართველოს გაუმარჯოს!" (Сакартвелос гаумарджос!) , - წერს თინა კანდელაკი თავის ტელეგრამ-არხზე.
სიომინი: ჩივაძის და კალაძის შემდეგ, ახლა კვარაცხელიას ეპოქაა
მატჩტვ-ს დირექტორი რო გახდა ფეხბურთები გააქრო ნტვ+ დან ჰოკეი და ტანვარჯიშით გადაავსო. როცა ხალხმა პროტესტი გამოხატეს, მან ისტორიული სიტყვა თქვა. ჩვენ საფეხბურთო ქვეყანა ვართო(რუსებზე ამბობს) ჩვენ მსოფლიოს 1/6 ვართო, ეტყობა საბჭოთა კავშირიდან ახსოვდა. მაგრამ ის ვეღარ გაიანგარიშა რომ საბჭოთა კავშირს ეკუთვნოდა ის 1/6. უკარაინის და ყაზახეთის პლიუს კიდევ 12 ქვეყნის ჩამოშორების შემდეგ რომ ის 1/6 გაქრა და 1/8-ზე დაბლა ჩამოვიდა ამდენის აზრზეც არ იყო.
-------
ისე, გერმანელებზე "ძაან მაგარი" რამე დაწერე და პუტინისტკას მოლოცვაზე ამდენი თავგამიდებაც, ძაან "გონივრულია"!
მერე რა, თუ მომლოცველები ქართველების მკვლელები, ეთნოწმენდის მომწყობები , საქართველოს ოკუპანტები
და/ან მათი თავგამოდებული გულშემატკივრები არიან !
გეყოფა! ძაან ნუ გამოიდებ თავს !